កំពង់ស្ពឺ៖តាមរយៈទំព័រហ្វេសប៊ុក ស្នងការដ្ឋាននគរបាលខេត្តកំពង់ស្ពឺ នៅមុននេះបន្តិច ថ្ងៃទី២៩ ខែតុលា ឆ្នាំ២០២០ បានចេញនូវសេចក្តីជូនដំណឹងដល់សាធារណជនបានជ្រាបថា ផ្លូវជាតិលេខ៤១ នៅពេលនេះ កំពុងខូចខាតខ្លាំងណាស់ ក្រោយឥទ្ធិពលជំនន់ទឹកភ្លៀងដ៏ធ្ងន់ធ្ងរកន្លងមកនេះ ដោយសូមពលរដ្ឋដែលធ្វើដំណើរឆ្លងកាត់តាមកំណាត់ផ្លូវនេះ រកផ្លូវវាងជាបណ្តោះអាសន្ន។
ក្នុងនោះ រដ្ឋបាលខេត្ដកំពង់ស្ពឺ បានបញ្ជាក់ឲ្យដឹងថា ក្រោយជំនន់ទឹកភ្លៀងប៉ុន្មានថៃ្ងកន្លងមកនេះផ្លូវជាតិលេខ៤១ រងការខូចខាតយ៉ាងធ្ងន់ធ្ងរ ដែលតម្រូវឲ្យមានការជួសជុលបន្ទាន់។
អាស្រ័យហេតុនេះ បងប្អូនប្រជាពលរដ្ឋសាធារណជនដែលមានបំណងធ្វើដំណើរតាមបណ្ដោយផ្លូវជាតិលេខ៤១ ឆ្ពោះ ទៅកាន់ខេត្ដផ្សេងៗ ឬឆ្ពោះមករាជធានីភ្នំពេញ សូមបងប្អូនប្រជាពលរដ្ឋមេត្តារកផ្លូវវាងផ្សេងជៀសវាងការកកស្ទះចរាចរណ៍ និងខាតពេលវេលាក្នុងការធ្វើដំណើរ ពិសេសបងប្អូនដែលមានកិច្ចការបន្ទាន់ៗចាំបាច់ គួររកផ្លូវវាងជាបណ្ដោះអាសន្នសូមការយោគយល់ និងអធ្យាស្រ័យចំពោះបញ្ហាខាងលេនេះ។
សូមជូនពរពុកម៉ែ មាមីង បងប្អូនប្រជាពលរដ្ឋទាំងអស់ ធ្វើដំណើរប្រកបដោយសុខសុវត្ថិភាព ក្នុងរយៈពេលថៃ្ងឈប់សំរាក និងចូលរួមគោរពច្បាប់ចរាចរណ៍ទាំងអស់គ្នា៕ ដោយ៖ លឹម ហុង
