ភ្នំពេញ៖ លោកដួង តារា ទីប្រឹក្សាសម្តេចតេជោហ៊ុន សែន នាយករដ្ឋមន្ត្រីកម្ពុជា បានថ្លែងថា ដំណោះស្រាយឈ្នះ-ឈ្នះតេជោ ផ្តល់ស្នាមញញឹម ទំនុកចិត្ត ភាពកក់ក្តៅ និងក្តីសង្ឃឹមដល់វិនិយោគគិនទាំងអស់ ឯកឧត្តម មាស ប៊ុនឡី និង វិនិយោគគិនចិនខ្មែរ វង យានអ៊ី ដែលបានសម្រេចយកដំណោះស្រាយឈរលើគោលការណ៍ឈ្នះ-ឈ្នះតេជោ ដើម្បីបញ្ចប់វិវាទដីធ្លីជាង ១៦៥ហិកតា (ជាន់លើគ្នា) ក្រៅប្រព័ន្ធតុលាការ កាលពីថ្ងៃទី ២ វិច្ឆិកា កន្លងទៅនេះ។
តាមរយៈផេកហ្វេសប៊ុកផ្លូវការ Duong Dara បានបញ្ជាក់ថា “អរគុណសន្តិភាព
ដំណោះស្រាយឈ្នះ-ឈ្នះតេជោ ផ្តល់ស្នាមញញឹម ទំនុកចិត្ត ភាពកក់ក្តៅ និងក្តីសង្ឃឹមដល់វិនិយោគគិនទាំងអស់
ខ្ញុំរីករាយ នឹងកោតសរសើរដល់ បងឯឧ មាស ប៊ុនឡី និង វិនិយោគគិនចិនខ្មែរ វង យានអ៊ី ដែលបានសម្រេចចយកដំណោះស្រាយឈរលើគោលការណ៍ឈ្នះ-ឈ្នះតេជោ ដើម្បីបញ្ចប់វិវាទដីធ្លីជាង ១៦៥ហិកតា (ជាន់លើគ្នា) ក្រៅប្រព័ន្ធតុលាការ កាលពីថ្ងៃទី ២ វិច្ឆិកា កន្លងទៅនេះ”។
លោកបានថ្លែងថា ពិតណាស់ ការដោះស្រាយវិវាទនីមួយៗគឺលំបាកស្មុគ្រស្មាញ ប៉ុន្តែសំខាន់គឺភាគីទាំងពីរបានសុខចិត្តលះបង់ផលប្រយោជន៍សួនតួជាមួយនឹងការចង់ឈ្នះរៀងៗខ្លួន បែរមកយកអំពើល្អ និងការចែករំលែកដើម្បីរួមគ្នាដោះស្រាយបញ្ហាជាមួយលទ្ធផលដែលភាគីទាំងពីរអាចទទួលយកបាន។
ខ្ញុំសូមគោរពអរគុណ បងឯឧ មាស ប៊ុនឡី ដែលចូលរួមដោះស្រាយបញ្ចប់វិវាទដោយមិនបានយកឥទ្ធិពលតួនាទីស័ក្តិយស នៃក្រសួងការពារជាតិមក រារាំងដល់ការដោះស្រាយវិវាទនេះ។
ក៏មិនច្បាស់ដែរថា វិវាទនេះបើដោះតាមប្រព័ន្ធតុលាការវិញ តើត្រូវការពេលវេលាយូរឬឆាប់ប៉ុណ្ណាទេ។
ឈ្នះ-ឈ្នះលើកនេះ គឺភាគីទាំងពីរនឹងក្លាយជាមិត្តល្អនឹងជាដៃគូវិនិយោគល្អ ដែលនាំមកនូវការងារ និងប្រាក់ចំណូលសម្រាប់ពលរដ្ឋ នឹងប្រទេសជាតិទាំងមូលតាមរយៈគម្រោងបង្កើតតំបន់សេដ្ឋកិច្ចពិសេស ដែលមានគម្រោងទឹកប្រាក់វិនិយោគរាប់ស៊ិបលានដុល្លារ ព្រោះដីដែលបានទិញកន្លងមកគឺចំណាយទឹកប្រាក់អស់ប្រមាណ ២០ លានដុល្លាររួចមកហើយ។
ខ្ញុំបាទសូមគោរពអរគុណយ៉ាងជ្រាលជ្រៅបំផុតដល់ សម្តេចតេជោនាយករដ្ឋមន្ត្រី ចំពោះការរយកចិត្តទុកដាក់ប្រកបដោយភាពកក់កក្តៅចំពោះអ្នកវិនិយោគទុន ដែលកំពុងវិនិយោគ នឹងមានបំណងមកវិនិយោគនៅក្នុងប្រទេសជាតិយើង។ គ្រប់បញ្ហា ប្រសិនបើបានមកដល់ដៃសម្តេចតេជោហើយ គឺនឹងទទួលបានការដោះស្រាយជូនជាមិនខាន។
យើងចូលរួមកសាងអំពើល្អ ចែករំលែកក្តីស្រឡាញ់និងស្នាមញញឹម និង សូមមានចិត្តអាណិតស្រឡាញ់ពលរដ្ឋយើងគ្រប់ទីកន្លែងដោយគ្មានការរើសអើង៕
ដោយ៖បញ្ញាស័ក្តិ
