មេដឹកនាំហុងកុងលោកស្រី ខារី ឡេម (Carrie Lam) បានទទួលកិត្តិនាមពីមន្ត្រីជាន់ខ្ពស់ចិនកាលពីថ្ងៃសុក្រ (៦ វិច្ឆិកា) សម្រាប់ការស្តារសណ្តាប់ធ្នាប់និងការស្តារសេដ្ឋកិច្ចឡើងវិញនៅក្នុងទឹកដីពាក់កណ្តាលស្វយ័តមួយនេះ។
ឧបនាយករដ្ឋមន្ត្រី Han Zheng ជួបជាមួយលោកស្រី Lam នៅថ្ងៃចុងក្រោយនៃដំណើរទស្សនកិច្ចរយៈពេលបួនថ្ងៃរបស់លោកស្រីទៅកាន់ទីក្រុងប៉េកាំង ដោយបាននិយាយថារដ្ឋាភិបាលរបស់លោកស្រីបានជំនះរាល់ការលំបាកគ្រប់បែបយ៉ាង និងដោះស្រាយនូវបញ្ហាប្រឈមនានា។
ការតវ៉ាកាលពីឆ្នាំមុន ហុងកុងត្រូវបានបំផ្លាញដោយការទាមទារ ឱ្យមានការបោះឆ្នោតប្រជាធិបតេយ្យពេញលេញ និងប្រឆាំងនឹងឥទ្ធិពលដែលកំពុងកើនឡើងរបស់ប្រទេសចិន នៅក្នុងកិច្ចការផ្ទៃក្នុងនៃទីក្រុងហុងកុង។
លោកស្រី Lam ដែលត្រូវបានជ្រើសរើសជាមេដឹកនាំដោយគណៈកម្មាធិការមួយ ដែលត្រួតត្រាដោយសមាជិក ដែលគាំទ្រក្រុងប៉េកាំងត្រូវបានចោទប្រកាន់ថា មានភាពជិតស្និទ្ធនឹងរដ្ឋាភិបាលកណ្តាល។
ប្រទេសចិនបានឆ្លើយតបដោយបានអនុម័តច្បាប់សន្តិសុខជាតិ សម្រាប់ទីក្រុងហុងកុងកាលពីដើមឆ្នាំនេះ ដែលបានកាត់បន្ថយការតវ៉ាដែលកំពុងថយចុះដោយសារការរឹតត្បិតច្បាប់គម្រប់ ១៩ លើការប្រមូលផ្តុំសាធារណៈ។
លោក Han ដែលជាសមាជិកម្នាក់ក្នុងចំណោមសមាជិក ៧ រូប នៃស្ថាប័នដឹកនាំកំពូលរបស់បក្សកុម្មុយនីស្ត ដែលកំពុងកាន់អំណាចបានកោតសរសើររដ្ឋាភិបាលរបស់លោកស្រីLam ដែលបានទប់ស្កាត់ជំងឺកូវីដ១៩ សម្រាលបន្ទុកសេដ្ឋកិច្ចលើប្រជាជន ការអនុវត្តច្បាប់សន្តិសុខជាតិនិងការពារស្ថិរភាពហុងកុង។
លោកស្រី Lam ត្រូវបានអមដំណើរដោយមន្ត្រីទីក្រុងកំពូល ៗ ជាច្រើនរូប ដែលលោកស្រីបាននិយាយពីទំហំនៃការធ្វើសមាហរណកម្មទីក្រុងហុងកុងទៅក្នុងការអភិវឌ្ឍជាតិរបស់ប្រទេសចិន។
លោកស្រីបានធ្វើដំណើរទៅកាន់ខេត្តក្វាងទុង ដែលស្ថិតនៅភាគខាងត្បូងជាប់ព្រំប្រទល់ហុងកុង ហើយក្រោយមកថ្ងៃសុក្រសម្រាប់កិច្ចពិភាក្សាផ្នែកសេដ្ឋកិច្ច នៅតំបន់ឆកហ្គ័រដែលជាតំបន់មួយដែលរួមបញ្ចូលទាំងនៅក្បែរម៉ាកាវផងដែរ៕
ប្រភព៖ AP
ដោយ៖CEN
