ខេត្តស្វាយរៀង៖ បុរស២នាក់បានរងរបួសដោយសារគ្រោះថ្នាក់ចរាចរណ៍ រវាងម៉ូតូនិងរថយន្ត ដែលហេតុការណ៍ខាងលើនេះបានកើតឡើងនៅវេលាម៉ោង ៩និង២១ នាទី ព្រឹកថ្ងៃទី៧ខែវិច្ឆិកាឆ្នាំ២០២០។
សមត្ថកិច្ចបានឲ្យដឹងថា ករណីគ្រោះថ្នាក់ចរាចរណ៍ខាងលើបានកើតឡើង រវាងរថយន្ដ និងម៉ូតូលើផ្លូវជាតិលេខ១ ចន្លោះគីឡូម៉ែត្រ១២៦/១២៧ ស្ថិតក្នុងភូមិបាក់រនាស់ សង្កាត់សង្ឃ័រ ក្រុងស្វាយរៀង ។
ប្រភពដដែលបានឲ្យដឹងថា មានរថយន្ដមួយគ្រឿងម៉ាក SCANIA ពណ៌ខៀវលាយទឹកប្រាក់ ពាក់ផ្លាកលេខ ស្វាយរៀង ៣A ១៨២៨ បើកបរដោយឈ្មោះ ឆាយ ចំរ៉ុង ភេទប្រុស អាយុ ៣១ ឆ្នាំ មុខរបរបើកបរ រស់នៅភូមិប្រសូត្រទី១ ឃុំកណ្ដៀងរាយ ស្រុកស្វាយទាប ខេត្តស្វាយរៀង បើកបរពីលិចទៅកើត អ្នកបើកបរគ្មានរបួស រថយន្ដខូចខាតស្រាល ។ ចំណែក ម៉ូតូម៉ាក ហុងដាសេ ១២៥ ពណ៌ខ្មៅ ពាក់ផ្លាកលេខ ភ្នំពេញ ១CJ ២១៥៦ បើកបរដោយឈ្មោះ ពន្លឺ រស្មី ភេទប្រុស អាយុ ១៦ ឆ្នាំ មុខរបរសិស្ស រស់នៅភូមិរការ ឃុំរការ ស្រុកពារាំង ខេត្តព្រៃវែង បើកបរពីជើងទៅត្បូង ពាក់មួកសុវត្ថិភាព អ្នកបើកបររងរបួសស្រាល ម៉ូតូខូចខាតស្រាល ។ អ្នករួមដំណើរឈ្មោះ ជា ជំនិត ភេទប្រុស អាយុ ១៦ឆ្នាំ មុខរបរសិស្ស រស់នៅភូមិឃុំជាមួយគ្នា ពាក់មួកសុវត្ថិភាព រងរបួសស្រាល ។ ហើយអ្នករបួសបានសម្រាកព្យាបាលនៅមន្ទីរពេទ្យខេត្តស្វាយរៀង ។ ចំណែកមធ្យោបាយត្រូវបានយកមករក្សាទុកនៅអធិការដ្ឋាននគរបាលក្រុងស្វាយរៀង ។ ករណីគ្រោះថ្នាក់នេះបណ្តាលមកពីមូលហេតុ អ្នកបើកបរម៉ូតូមិនគោរពសិទ្ធិអាទិភាព ៕ ដោយ៖វ៉ៃកូ
