ភ្នំពេញ ៖ ឆ្នាំ២០២០ រដ្ឋាភិបាលជប៉ុនគ្រោងផ្តល់ហិរញ្ញប្បទានប្រមាណ ៣៣៧ លានដុល្លារអាមេរិក ដើម្បីបន្តអនុវត្តគម្រោងអាទិភាពជាច្រើន ក្នុងន័យរួមចំណែកជាមួយរាជរដ្ឋាភិបាលកម្ពុជាដើម្បីសម្រេចបានវឌ្ឍនភាព ក្នុងកិច្ចអភិវឌ្ឍន៍ ។ ឯកឧត្តមរដ្ឋមន្ត្រី ហៀង យ៉ាណារ៉ា បានថ្លែងអំណរគុណដល់រដ្ឋាភិបាល និងប្រជាជន ជប៉ុនដែលបានបន្តផ្តល់ហិរញ្ញប្បទានដ៏ថ្លៃថ្លាសម្រាប់គាំទ្រកម្ពុជាស្ទើរគ្រប់វិស័យ ។
នៅ ថ្ងៃទី២៣ ខែវិចិ្ឆកា ឆ្នាំ២០២០ នៅទីស្ដីការក្រុមប្រឹក្សាអភិវឌ្ឍន៍កម្ពុជា ឯកឧត្ដម ឈៀង យ៉ាណារ៉ា រដ្ឋមន្ដ្រីប្រតិភូអមនាយករដ្ឋ មន្ដ្រី និងជាអគ្គលេខាធិការគណៈកម្មាធិការនីតិសម្បទា និងអភិវឌ្ឍន៍កម្ពុជា នៃក្រុមប្រឹក្សាអភិវឌ្ឍន៍កម្ពុជា បានទទួលជួបសម្តែង ការគួរសម និងជម្រាបលាជាមួយលោក SUGANO Yuichi ក្នុងឱកាស ដែលលោកបានបញ្ចប់បេសកកម្មការងារជាប្រធានតំណាង ទីភ្នាក់ងារសហប្រតិបតិ្តការអន្តរជាតិជប៉ុនប្រចាំនៅកម្ពុជា និងលោកស្រី KAMEI Haruko ប្រធានតំណាងទីភ្នាក់ងារសហប្រតិបតិ្តការអន្តរជាតិជប៉ុនថ្មីប្រចាំនៅកម្ពុជា ។
ឯកឧត្តមរដ្ឋមន្ត្រី បានអបអរសាទរចំពោះលោក SUGANO Yuichi ដែលបានបញ្ចប់បេសកកម្មប្រកបដោយជោគជ័យ និងបានរួម ចំណែកក្នុងការពង្រឹងភាពជាដៃគូក្នុងកិច្ចសហប្រតិបត្តិការអភិវឌ្ឍន៍កម្ពុជា-ជប៉ុន ។ នាឱកាសនេះដែរ ឯកឧត្តមរដ្ឋមន្ត្រីក៏បាន ស្វាគមន៍យ៉ាងកក់ក្តៅចំពោះលោកស្រី KAMEI Haruko ដែលត្រូវបានតែងតាំងជាប្រធានតំណាងទីភ្នាក់ងារសហប្រតិបតិ្តការអន្តរជាតិជប៉ុនថ្មីប្រចាំនៅកម្ពុជា ។
លោក SUGANO Yuichi បានថ្លែងអំណរគុណដល់កិច្ចសហប្រតិបត្តិការយ៉ាងជិតស្និទ្ធពីក្រុមប្រឹក្សា អភិវឌ្ឍន៍កម្ពុជា និងក្រសួង ស្ថាប័នរបស់រាជរដ្ឋាភិបាល និងបានវាយតម្លៃខ្ពស់ចំពោះកិច្ចខិតខំប្រឹងប្រែងរបស់ រាជរដ្ឋាភិបាលក្នុងការសម្រេចបានវឌ្ឍភាព ក្នុងកិច្ចអភិវឌ្ឍសង្គម -សេដ្ឋកិច្ច ។
លោក SUGANO Yuichi បានបន្ថែមទៀតថា រដ្ឋាភិបាលជប៉ុនបានផ្តោតសំខាន់លើការអភិវឌ្ឍន៍វិស័យសុខាភិបាល តាមរយៈការផ្តល់ សម្ភារៈបរិក្ខារពេទ្យ និងហិរញ្ញប្បទាន ដើម្បីប្រយុទ្ធប្រឆាំងនឹងជំងឺតួវិ៥-១៩ នៅកម្ពុជា ។
ជាក់ស្តែង នាថ្ងៃទី១០ ខែវិច្ឆិកា ឆ្នាំ២០២០ រដ្ឋាភិបាលជប៉ុន និងរាជរដ្ឋាភិបាលកម្ពុជាបាន សម្បទាន ចំនួន ២៥.០០០ លានយ័ន (ប្រមាណ ២៣៤ ទ្របន្ទាន់ក្នុងការឆ្លើយតបទៅនឹងវិបត្តិនៃជំងឺកូវីដ-១៩ ។ ចុះហត្ថលេខាលើកិច្ចព្រមព្រៀងឥណទានសម្បទាន២៥០០០លានយេន (ប្រមាណ២៣៤ ,៦ លានដុល្លារអាមេរិក ) សម្រាប់អនុវត្តកម្មវិធីគាំទ្របន្ទាន់ក្នុងការឆ្លើយតបទៅនឹងវិបត្តិនៃជំងឺកូវីដ-១៩ ។
ទន្ទឹមនឹងនេះ លោកស្រី KAMEI Haruko បានកោតសរសើរ និងវាយតម្លៃខ្ពស់ចំពោះរាជរដ្ឋាភិបាលកម្ពុជាក្នុងការគ្រប់គ្រងបាននូវការរីករាលដាលនៃជំងឺកូវីដ-១៩ ក៏ដូចជារក្សាបាននូវស្ថិរភាពសេដ្ឋកិច្ច ដោយបានដាក់ចេញនូវគោលនយោបាយ និង វិធានការណ៍ដ៏ម៉ត់ចត់ ។
ជាការឆ្លើយតបឯកឧត្តមរដ្ឋមន្ត្រី ហៀង យ៉ាណារ៉ា បានថ្លែងអំណរគុណដល់រដ្ឋាភិបាល និងប្រជាជន ជប៉ុនដែលបានបន្តផ្តល់ហិរញ្ញប្បទានដ៏ថ្លៃថ្លាសម្រាប់គាំទ្រកម្ពុជាស្ទើរគ្រប់វិស័យ និងបានវាយតម្លៃខ្ពស់ចំពោះ ការរួមចំណែកយ៉ាងសកម្មរបស់រដ្ឋាភិបាលជប៉ុន ក្នុងការគាំទ្រ រាជរដ្ឋាភិបាលកម្ពុជា តាមរយៈការផ្តល់សម្ភារៈ បរិក្ខារពេទ្យ និង ហិរញ្ញប្បទាន ដើម្បីប្រយុទ្ធប្រឆាំងនឹង ជំងឺកូវីដ-១៩ ។
គួរបញ្ជាក់ផងដែរថា ចាប់ពីឆ្នាំ១៩៩២ ដល់ឆ្នាំ២០១៥ រដ្ឋាភិបាលជប៉ុនបានបើកផ្តល់ហិរញ្ញប្បទានដល់កម្ពុជា ប្រមាណ ៣.២២៨ លានដុល្លារអាមេរិក ស្មើនឹង ១៣, ៣% នៃហិរញ្ញប្បទានរបស់ដៃគូអភិវឌ្ឍន៍ទាំងអស់ ។ សម្រាប់ឆ្នាំ២០២០ រដ្ឋាភិបាលជប៉ុនគ្រោងផ្តល់ហិរញ្ញប្បទានប្រមាណ ៣៣៧ លានដុល្លារអាមេរិក ដើម្បីបន្តអនុវត្តគម្រោងអាទិភាពជាច្រើន ក្នុងន័យរួមចំណែកជាមួយរាជរដ្ឋាភិបាលកម្ពុជាដើម្បីសម្រេចបានវឌ្ឍនភាព ក្នុងកិច្ចអភិវឌ្ឍន៍ ៕ដោយ៖បញ្ញាស័ក្តិ