ភ្នំពេញ៖នារីម្នាក់បានបើករថយន្តព្រូសមួយគ្រឿង បានទៅបុកម៉ូតូពីក្រោយបណ្តោលឱ្យជនជាតិចិនម្នាក់ រងរបួសមួយចំហៀងខ្លួន ត្រូវបងប្អូនបញ្ជូនទៅកាន់មន្ទីរពេទ្យ។ ហេតុការណ៍នេះបានកើតទ្បើងនៅវេលាម៉ោង១ និង៤៥នាទី នៅរសៀលថ្ងែទី៩ ខែធ្នូ ឆ្នាំ២០២០ ដែលទីតាំងស្ថិតនៅតាមបណ្តោយផ្លូវណតប្រីត ក្នុងសង្កាត់អូរបែកក្អម ខណ្ឌសែនសុខ រាជធានីភ្នំពេញ។
តាមប្រភពព័ត៌មានពីកន្លែងកើតហេតុ បានឱ្យដឹងថា មុនពេលកើតហេតុគេបានឃើញនារីម្នាក់ បើករថយន្តមួយគ្រឿងម៉ាកព្រូស ពណ៌សពាក់ផ្លាកលេខភ្នំពេញ2BG -1600 បើកបរក្នុងទិសដៅពីជើងទៅត្បូង មកចំណុចកើតហេតុការណ៍ក៏បានបុកម៉ូតូមួយគ្រឿងម៉ាកកូនទា ពណ៌ស ពាក់ផ្លាកលេខភ្នំពេញ1GI-7313 បើកបរក្នុងទិសដៅស្របគ្នា គេឃើញនារីម្នាក់បើករថយន្តមួយគ្រឿង បានបុកម៉ូតូពីក្រោយបណ្តោលឱ្យជនជាតិចិនម្នាក់ រងរបួសមួយចំហៀងខ្លួន ត្រូវបានបងប្អូនបញ្ជូនទៅកាន់មន្ទីរពេទ្យ។
ក្រោយពេលកើតហេតុសមត្ថកិច្ចមូលដ្ឋាន បានចុះមកដល់និងបានធ្វើការវាស់វែង យករថយន្តនិងម៉ូតូមកគៀន ដើម្បីឱ្យភាគីរថយន្តបង្កនិយាយជាមួយនិងភាគីជនរងគ្រោះ ដែលជាជនជាតិចិន និងសងសំណង ដើម្បីបញ្ចប់រឿងនៅនិងកន្លែងកើតហេតុតែម្តង៕រក្សាសិទ្ធិដោយ៖មីដា ផាន់ណា