ភ្នំពេញ៖ ជនសង្ស័យ២នាក់ ត្រូវបានកម្លាំងសមត្ថកិច្ចនគរបាលខណ្ឌដង្កោ ដេញព័ទ្ធឃាត់ខ្លួនបានភ្លាមៗ ក្រោយពេលធ្វើសកម្មភាពកាច់កម៉ូតូ ម៉ាកហុងដាសេ១២៥ ស៊េរីឆ្នាំ២០១៥ មួយគ្រឿង ខណ:ពេលម្ចាស់ចតទុករួចឡើងទៅតខ្សែកាប ឲ្យភ្ញៀវនៅចំំំណុច ភូមិកណ្តាល សង្កាត់រលួសខណ្ឌដង្កោ កាលពីវេលាម៉ោង៩និង៣០នាទីព្រឹក ថ្ងៃទី២២ ខែធ្នូ ឆ្នាំ២០២០ ។
ជនសង្ស័យទីមួយមានឈ្នោះ សំរឹត ចាវ ភេទប្រុស អាយុ២០ឆ្នាំ មុខរបរមិនពិតប្រាកដ ។ ជនសង្ស័យទីពីរ មានឈ្នោះ ម៉ក់ លាងហេង ភេទប្រុស អាយុ១៣ឆ្នាំ មុខរបរមិនពិតប្រាកដ។
ក្រោយពេលធ្វើសកម្មភាពលួចម៉ូតូ បានសម្រេចភ្លាមៗ នោះម្ចាស់ម៉ូតូខាងលើ បានរាយការណ៍ជូនកម្លាំងនគរបាលប៉ុស្តិ៍រដ្ឋបាលសង្កាត់រលួស ។
បន្ទាប់ពីទទួលបានព័ត៌មានខាងលើនេះ លោកវរសេនីយ៍ឯក ជឹម ស៊ីថា អធិការនគរបាលខណ្ឌដង្កោ បានដឹកនាំកម្លាំងពួនស្ទាក់ និងដេញចាប់ឃាត់ខ្លួនបានជនសង្ស័យទាំង២នាក់ បានភ្លាមៗ នៅចំណុចភូមិតាឡី សង្កាត់ដង្កោ ខណ្ឌដង្កោ។
បច្ចុប្បន្នជនសង្ស័យទាំង២នាក់ ត្រូវបានបញ្ជូនមកសាកសួរបន្ត នៅអធិការដ្ឋាននគរបាលខណ្ឌដង្កោ ដើម្បីអនុវត្តន៍តាមនីតិវិធី៕រក្សាសិទ្ធិដោយ៖មីដា ផាន់ណា
