តាកែវ៖ ភ្ញៀរទេសចរជាតិ អន្តរជាតិ ដែលមកលេងកម្សាន្តនៅរមណីយដ្ឋានសួនសត្វភ្នំតាម៉ៅត្រូវបានត្រួតពិនិត្យយ៉ាងម៉ត់ចត់ លើគោលការណ៍ណែនាំរបស់ក្រសួងសុខាភិបាល មុននិងចូលមកកម្សាន្តទស្សនាសត្វព្រៃ នៅសួនសត្វភ្នំតាម៉ៅ ក្រោយស្ថានភាពជំងឺកូវីដ១៩ ក្នុងប្រទេសកម្ពុជាកំពុងស្ថិតនៅចំណុចភ្លើងស្តុបពណ៌លឿង តម្រូវឲ្យមាការប្រុងប្រយ័ត្នខ្ពស់អំពីការឆ្លងរីករាលដាលនៃជំងឺកូវីដ១៩នេះ ។
លោក រតនៈ ពេជ្រ ប្រធានសួនសត្វភ្នំតាម៉ៅ បានឲ្យដឹងថា នៅក្នុងអំឡុងដែលប្រទេសកម្ពុជាយើងកំពុងរួមគ្នាប្រយុទ្ធប្រឆាំងនឹងជំងឺឆ្លងដ៏កាចសាហាវ (កូវីដ១៩) គឺស្ថានភាពភ្ញៀវទេសចរជាតិ និងអន្តរជាតិដែលចូលមកទស្សនាសត្វព្រៃ គឺមានការថយចុះគួរឲ្យកត់សម្គាល់ តែមិនបង្កឲ្យមានការប៉ះពាល់អ្វីដល់សុខភាពសត្វព្រៃទាំងនោះឡើយ ព្រោះពពួកសត្វព្រៃទាំងនោះ ត្រូវឧទ្យានុរក្សធ្វើការមើលថែទាំសុខភាព និងគ្រប់គ្រងរបបអាហារបានយ៉ាងល្អប្រសើរផងដែរ ក៏បន្តែដោយសារតែកត្តាបម្រែបម្រួលអាកាសធាតុ មានការប្រែប្រួលខុសពីធម្មតា ក៏បានធ្វើឲសត្វមួយចំនួនតូចឈឺ តែត្រូវបានក្រុមគ្រូពេទ្យសត្វធ្វើការព្យាបាល ត្រឹមត្រូវតាមបែបបទបសុព្យាបាលផងដែរ ។
ចំពោះកត្តាជំងឺកូវីដ១៩នេះ បានជះឥទ្ធិពលខ្លាំងដល់ក្រុមអាជីវករ លក់ដូរចំណីអាហារនៅក្នុងរមណីយដ្ឋាន ព្រោះមិនមានភ្ញៀវចូលមកទស្សនាកម្សាន្តសត្វព្រៃ តែដោយសារតែមួយរយៈពេលក្រោយមកថ្មីៗនេះ រាជរដ្ឋាភិបាលកម្ពុជារបស់យើង បាននឹងកំពុងគ្រប់គ្រងស្ថានភាពជំងឺកូវីដ ១៩ បានយ៉ាងល្អប្រសើរ ជៀសឆ្ងាយពីការឆ្លងរីករាលដាល ក្នុងសហគមន៍ ទើបមានភ្ញៀវទេសចរជាតិ មកលេងកម្សាន្តខ្លះៗផងដែរ ៕រក្សាសិទ្ធិដោយ៖ តាកែវ