Tuesday, January 31, 2023

រថយន្ត​កុងតឺន័រ បើក​មិន​ប្រកាន់​ស្តាំ បុក​ម៉ូតូ​រឺ​ម៉ក​ស្លាប់​ម្នាក់ របួស​ម្នាក់ នៅ​ស្រុក​ស្វាយទាប​

spot_img

​ខេត្តស្វាយរៀង ៖ បុរស​ជា​អ្នកបើក​ម៉ូតូ​រឺ​ម៉ក​ម្នាក់ បាន​ស្លាប់ ចំណែក​ស្ត្រី​អ្នកជិះ​ម៉ូតូ​ផ្សេង​ម្នាក់ទៀត បាន​រងរបួស​ដោយសា​រ​គ្រោះថ្នាក់​ចរាចរណ៍​ជាមួយ​រថយន្ត​កុងតឺន័រ ដែល​ហេតុការណ៍​ខាងលើនេះ បាន​កើតឡើង​កាលពី​វេលា​ម៉ោង​១៥​និង​៥​នាទី​រសៀល ថ្ងៃទី​២៦ ខែធ្នូ ឆ្នាំ​២០២០ នៅលើ​ផ្លូវជាតិ​លេខ​១ ចន្លោះ​គីឡូម៉ែត្រ​លេខ​១៣០/១៣១ ស្ថិតក្នុង​ភូមិ​ទន្លៀ​ង ឃុំ​រមាំង​ថ្កោល ស្រុក​ស្វាយទាប ខេត្តស្វាយរៀង ។

​សមត្ថកិច្ច​បាន​ឲ្យ​ដឹងថា មាន​រថយន្ត​បង្ក​កុងតឺន័រ ម៉ាក FUSO ពណ៌​ត្រួយ​ចេក​ពាក់ ផ្លាកលេខ ភ្នំពេញ ៣C ៣០៣០ និង​សឺ​មី​រ៉ឺម៉ក ពណ៌​លឿង ផ្លាកលេខ ភ្នំពេញ ៤A ៤៣៨៣ អ្នកបើកបរ មិន​ស្គាល់​អត្តសញ្ញាណ​បាន​រត់គេច​ពី​កន្លែងកើតហេតុ (​ក្រុមហ៊ុន​តេង​ឡាយ​) បើកបរ​ក្នុង ទិសដៅ​ពី​លិចទៅ​កើត មកដល់​កន្លែងកើតហេតុ ក៏បាន​បុក​ម៉ូតូ​រ៉ឺម៉ក​ម៉ាក វ៉េវ ប្រភេទ​ម៉ូតូ​ចាស់ ផ្លាកលេខ គ្មាន ទិសដៅ​ផ្ទុយគ្នា ពី​កើ​តទៅ​លិច បើកបរ​ដោយ​ឈ្មោះ ត្រា ភេទ​ប្រុស អាយុ ២៧​ឆ្នាំ មុខរបរ​ជាង​បាញ់ថ្នាំ រស់នៅ​ភូមិ​កោះ​ត្រាច ឃុំ​ថ្មី ស្រុក​កំពង់រោទិ៍ ខេត្តស្វាយរៀង ស្លាប់​នៅ​កន្លែងកើតហេតុ (​មិន​ពាក់មួក​សុវត្ថិភាព​) បន្ទាប់មក​មាន​ម៉ូតូ​មួយគ្រឿង ម៉ាក វ៉េវ ពណ៌​ក្រហម ផ្លាកលេខ ភ្នំពេញ ១C ២១៩៤ បាន​បុក​ម៉ូតូ​រ៉ឺម៉ក​ពីក្រោយ ក្នុងទិសដៅ​ពី​កើ​តទៅ​លិច បើកបរ​ដោយ​ឈ្មោះ ពៅ ហ៊​ន ភេទ​ស្រី អាយុ​៤៧​ឆ្នាំ មុខរបរ លក់ដូរ រស់​ភូមិ​កំពង់ត្រាច ឃុំ​ស្វាយ​តា​យាន ស្រុក​កំពង់រោទិ៍ ខេត្តស្វាយរៀង រងរបួស​ធ្ងន់ (​បាក់ដៃ​ខាងឆ្វេង​) ពាក់មួក​សុវត្ថិភាព ។​

​ប្រភព​ដដែល​បាន​ឲ្យ​ដឹង​ទៀតថា ករណីនេះ​អ្នករងរបួស បាន​បញ្ជូនទៅ​ព្យាបាល​នៅ​មន្ទីរពេទ្យបង្អែក​ស្រុក​ស្វាយទាប ចំណែកឯ​សាកសព បានប្រគល់​ឲ្យ​ក្រុមគ្រួសារ​យកទៅ​ធ្វើបុណ្យ​តាម​ប្រពៃណី រឺ​ឯ​មធ្យោបាយ​ទាំងបី​គ្រឿង (​រថយន្ត​កុងតឺន័រ ខូចខាត​ស្រាល ម៉ូតូ​រ៉ឺម៉ក​ខូចខាត​ធ្ងន់ និង​ម៉ូតូ ខូចខាត​ស្រាល យកមក​រក្សាទុក​នៅ​ការិយាល័យ​ចរាចរណ៍​ខេត្តស្វាយរៀង ​ហើយ​មូលហេតុ​គឺ រថយន្ត​កុងតឺន័រ​បើកបរ​មិន​ប្រកាន់​ស្តាំ​៕​រក្សា​សិទ្ធិ​ដោយ​៖ វ៉ៃ​កូ​