ភ្នំពេញ ÷ រន្ធត់ណាស់បានបាត់បង់ជីវិតបន្ទាប់ពី ជួបគ្រោះថ្នាក់ចរាចរណ៍ដោយជិះម៉ូតូលឿនវ៉ាជែងរថយន្តស្ទូចមិនប្រយ័ត្ន ក៏ជ្រុលទៅបុកម៉ូតូ១គ្រឿងទៀតបណ្តាលដួលខ្ទាតចូលទៅក្រោមកង់រថយន្តមិនចាំម៉ាកស្លាប់ភ្លាមៗ ចំណែកឯម៉ូតូមួយគ្រឿងទៀតរងរបួសធ្ងន់ស្រាល២ នាក់។
ហេតុការណ៍នេះដែរកើតឡើងនៅវេលាម៉ោង ៧ និង ៤០ នាទីយប់ថ្ងៃចន្ទទី ២៨ ខែឆ្នូ ឆ្នាំ ២០២០ ស្ថិតនៅតាមបណ្តោយ ៣០ ម៉ែត្រ ភូមិដំណាក់ត្រយឹង សង្កាត់ចោមចៅទី ២ ខណ្ឌពោធិ៍សែនជ័យ រាជធានីភ្នំពេញ។
សពជនរងគ្រោះ នាម P13 ភេទប្រុស មានប្រពន្ធ និងកូនមួយ មុខរបរ ជាសន្តិសុខ រោងចក្រជិតផ្សារត្រពាំងថ្លឹង។
ប្រភពព័ត៌មានពីប្រជាពលរដ្ឋ នៅកន្លែងកើតហេតុបានឲ្យដឹងថា មុនពេលកើតហេតុគាត់បានឃើញបុរសម្នាក់ជិះម៉ូតូមួយគ្រឿងម៉ាក FZ ពណ៌ក្រហម ពាក់ផ្លាកលេខ ភ្នំពេញ CW-5509 ជិះក្នុងទិសដៅពីលិចទៅកើតក្នុងល្បឿនយ៉ាងលឿន ខណៈ មកដល់កន្លែងកើតហេតុបានវ៉ាជែងរថយន្តស្ទូចទៅខាងឆ្វេងដៃមិនប្រយ័ត្ន ក៏ជ្រុលទៅបុកនិងបុរស២នាក់ដែលកំពុងជិះម៉ូតូមួយគ្រឿងទៀតម៉ាកហុកដាឌ្រីមសង់ សេ១២៥ សេរីឆ្នាំ២០១៥ ពាក់ផ្លាកលេខ កំពង់ចាម 1N-3144 ធ្វើដំណើរក្នុងទិសដៅបញ្ច្រាសគ្នាពីកើតមកលិចបណ្តាលឲ្យដួលទៅនឹងថ្នល់ខ្ទាតទៅចូលក្រោមកង់រថយន្តកិនបែកខួស្លាប់ភ្លាមៗនៅកន្លែងកើតហេតុ ចំណែកឯម្ចាស់មូតូហុងដាទ្រីមសង់មួយគ្រឿងទៀតរងរបួសធ្ងន់ ២ នាក់បញ្ជូនទៅមន្ទីរពេទ្យ។បន្ទាប់មកស្រាប់តែរថយន្តខាងលើបន្តបើកទៅមុខរត់គេចខ្លួនបាត់ស្រមោល។
ក្រោយកើតហេតុប្រជាពលរដ្ឋ បានរាយការណ៍ទៅសមត្ថកិច្ចមូលដ្ឋាន និងទំនាក់ទំនងទៅជំនាញចុះមកធ្វើការវាស់វែង យកម៉ូតូទាំង២គ្រឿងទៅរក្សាទុក ចំណែកសពជនរងគ្រោះធ្វើកំណត់ហេតុប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕ រក្សាសិទ្ធិដោយ៖ សា មេត
