ភ្នំពេញ៖ ភាគហ៊ុនរបស់ក្រុមហ៊ុន ហ្គ្រេនធ្វីន អ៊ីនធើណាស់សិនណល (GTI) នៅរសៀលថ្ងៃពុធម្សិល មិញនេះ បានងើបឡើងវិញចំនួន ២៧០រៀល មកដល់ ៣.២០០រៀលនៅពេលទីផ្សារបានបិទ។
ភាគហ៊ុនរបស់ធនាគារអេស៊ីលីដា (ABC) ក៏មានកំណើនដល់១៧.១៦០ រៀលដែរ។ ដោយឡែក ភាគហ៊ុន ក្រុមហ៊ុនតំបន់សេដ្ឋកិច្ចពិសេសភ្នំពេញ (PPSP) បានបន្តធ្លាក់ចុះ៦ថ្ងៃជាប់គ្នាមកបិទត្រឹម ១.១៧០ រៀល។
ប៉ុន្តែភាគហ៊ុនចំនួនបួន រួមមាន ៖ រដ្ឋាករទឹកស្វយ័តក្រុងភ្នំពេញ (PWSA) កំពង់ផែស្វយ័តក្រុងភ្នំពេញ (PPAP) កំពង់ផែស្វយ័តក្រុងព្រះសីហនុ (PAS) និង ផេសថិក (PEPC) បានរក្សាថ្លៃថេរដដែល ត្រឹម៦.១០០រៀល ១១.៧០០រៀល ១៤.១៦០រៀល និង២.៩០០រៀលរៀងគ្នា។
សន្ទស្សន៍ផ្សារមូលបត្រកម្ពុជាបានបន្តកើនឡើង ០,៣៥%ទៀត ដល់៦៤៩,៤២ ពិន្ទុ។ ទំហំជួញដូរភាគហ៊ុនសរុបមានចំនួន ២៩៦,៩២លានរៀល ហើយភាគហ៊ុនដែលមានចំណែកច្រើនជាងគេគឺ PPSP និងABC ដែលស្មើនឹង៥០ ភាគរយ និង៣៧ភាគរយ រៀងគ្នានៃទំហំសរុប៕
រក្សាសិទ្ធិដោយ៖CEN
