កោះកុង ៖ មានករណីគ្រោះថ្នាក់ចរាចរណ៍ បង្កឡើងដោយរថយន្តបុកគៀរពីចំហៀងរថយន្តដែលឈប់នៅចិញ្ចើមផ្លូវ លើផ្លូវជាតិលេខ ៤៨ ចន្លោះគីឡូម៉ែត្រលេខ ១២៩-១៣០ ស្ថិតនៅភូមិអន្លង់វ៉ាក់ ឃុំតាតៃក្រោម ស្រុកកោះកុង មូលហេតុបណ្តាលមកពីចុះចំណោតប្រើល្បឿនលឿនជាន់ហ្វ្រាំងមិនស៊ីរេចង្កូត
បុកគៀររថយន្តមួយទៀត កាលពីថ្ងៃទី ៣០ ខែធ្នូ ឆ្នាំ២០២០ វេលាម៉ោង១៤និង៣០នាទីល្ងាច បណ្តាលឲ្យរងរបួសធ្ងន់ ២ នាក់ ។
ស្នងការដ្ឋាននគរបាលខេត្តកោះកុង បានឲ្យដឹងថា រថយន្តបង្កម៉ាកហ៊ីយន្តដាយ ប្រភេទរថយន្តដឹកកៅស៊ូអ៊ុតថ្នល់ ពណ៌ខៀវ ពាក់ផ្លាកលេខព្រះសីហនុ៣A.៧៣២៤ អ្នកបើកបរឈ្មោះ ស្រ៊ន ភារិន ភេទប្រុស អាយុ៣១ឆ្នាំមានទីលំនៅភូមិ ឃុំអង្កាមស្រុកព្រៃកប្បាស ខេត្តតាកែវ ( រងរបួសធ្ងន់) អ្នករួមដំណើរ ១នាក់ ឈ្មោះ ម៉ុន ណែមភេទប្រុស អាយុ២៩ឆ្នាំទីលំនៅភូមិបឹងច្រាបត្បូង ឃុំព្រះនិព្វាន្តស្រុកគងពិសី ខេត្តកំពង់ស្ពឺ(រងរបួសធ្ងន់) ។
រថយន្តរងគ្រោះម៉ាកដេរវូ ប្រភេទដឹកគ្រឿងចក្រ ពណ៌ក្រហម ពាក់ផ្លាកលេខព្រះសីហនុ៣A.៥៦៥៣ បើកបរដោយឈ្មោះផុន នាង ភេទប្រុស អាយុ៣៥ ឆ្នាំមានទីលំនៅភូមិពកស្វាយ ឃុំត្រពាំងក្រញូង ស្រុកត្រាំកក់ខេត្តតាកែវ (គ្មានរបួស )
ក្រោយពេលកើតហេតុកម្លាំងប៉ុស្តិ៍រដ្ឋបាលតាតៃក្រោម បានចុះធ្វើអន្តរាគមន៍ ជួយសង្គ្រោះ បញ្ជូនអ្នករងរបួសទៅមន្ទីរពេទ្យខេត្តកោះកុង តាមរថយន្តសង្គ្រោះ៕រក្សាសិទ្ធិដោយ៖បញ្ញាស័ក្តិ
