ភ្នំពេញ៖បុរសម្នាក់បើកបររួមដំណើរនិងស្ត្រីម្នាក់ បានបើករថយន្តក្នុងល្បឿលលឿន គេចពីរថយន្តនៅខាងមុខមិនចាំម៉ាកមួយគ្រឿងទៀត បានរេចង្កូតឡើងលើទ្រូងផ្លូវ រងការខូចខាតយ៉ាងដំណំ។ ចំណែកឯអ្នកបើកបរ និងអ្នករួមដំណើរមិនមានរងរបួសនោះទេ រងការខូចខាតតែរថយន្ត។
ហេតុការណ៍គ្រោះថ្នាក់ចរាចរណ៍នេះដែរ បានកើតឡើងកាលពីវេលាម៉ោង ៨ និង១៥ នាទីយប់ ថ្ងៃទី២ ខែមករា ឆ្នាំ ២០២១ ស្ថិតនៅតាមបណ្តោយផ្លូវជាតិលេខ ១ ក្នុងសង្កាត់ច្បាអំពៅទី២ ខណ្ឌច្បារអំពៅ រាជធានីភ្នំពេញ។
ប្រភពព័ត៌មានពីប្រេជាពលរដ្ឋនៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញបុរសម្នាក់ រួមដំណើរដោយស្ត្រីម្នាក់ទៀត បានបើករថយន្តម៉ាក ស៊ីណាមួយគ្រឿងពណ៌ស ពាក់ផ្លាកលេខ ភ្នំពេញ 2AG 1544 ធ្វើដំណើរតាមបណ្តោយផ្លូវជាតិលេខ១ ក្នុងទិសដៅពីលិចមកកើត ក្នុងល្បឿនលឿន ខណៈមកដល់ចំណុចកើតហេតុ បានបើកគេចពីរថយន្តខាងមុខ ដែលមិនចាំម៉ាក រួចរេចង្កូតឡើងលើទ្រូងផ្លូវ បណ្តាលឲ្យរថយន្តរងការខូចខាត
យ៉ាងដំណំ។ សំណាងល្អមិនមានគ្រោះថ្នាក់ទៅដល់អ្នកដទៃ។
ក្រោយពេលកើតហេតុ សមត្ថកិច្ចមូលដ្ឋានចុះមកដល់ ត្រួតពិនិត្យឃើញថា មិនមានប៉ះពាល់ដល់ទ្រព្យសម្បត្តិរដ្ឋ ហើយក៏ប្រគល់រថយន្តទៅម្ចាស់ យកទៅជួសជុលដោយខ្លួនឯង៕រក្សាសិទ្ធិដោយ៖សាមេត
