ភ្នំពេញ៖ ក្រសួងសុខាភិបាល បានចេញសេចក្ដីជូនដំណឹង ឱ្យដឹងថា គិតត្រឹមព្រឹកថ្ងៃទី០៣ ខែមករា ឆ្នាំ២០២១ ក្រុមគ្រូពេទ្យជំនាញ បានរកឃើញពលករខ្មែរ ទើបត្រឡប់មកពីប្រទេសថៃ ចំនួន ០២នាក់ មានឆ្លងវីរុសកូវីដ-១៩ ខណ:មិនមានអ្នកជាសះស្បើយនោះទេ។
អ្នកឆ្លងទាំង២នាក់ថ្មីនេះ រួមមាន ៖ ១- ស្ត្រីជនជាតិខ្មែរ អាយុ២៨ឆ្នាំ ស្នាក់នៅភូមិស្វាយធំ ឃុំបឹងរាំង ស្រុកកំរៀង ខេត្តបាត់ដំបង បានធ្វើដំណើរមកពីប្រទេសថៃ មកដល់កម្ពុជា នៅថ្ងៃទី៣១ ខែធ្នូ ឆ្នាំ២០២០។ ២- ស្ត្រីជនជាតិខ្មែរ អាយុ២៤ឆ្នាំ ស្នាក់នៅភូមិស្វាយធំ ឃុំបឹងរាំង ស្រុកកំរៀង ខេត្តបាត់ដំបង បានធ្វើដំណើរមកពីប្រទេសថៃ មកដល់កម្ពុជា ថ្ងៃទី៣១ ខែធ្នូ ឆ្នាំ២០២០ ។
លទ្ធផលធ្វើតេស្តសំណាករបស់បអ្នកទាំង២នេះ ផ្តល់ដោយវិទ្យាស្ថានប៉ាស្ទ័រកម្ពុជា គឺវិជ្ជមានកូវីដ-១៩ ហើយបច្ចុប្បន្នអ្នកជំងឺត្រូវបានដាក់ឲ្យសម្រាកព្យាបាល នៅមន្ទីរពេទ្យបង្អែកខេត្តបាត់ដំបង។
– សរុបអ្នកជំងឺកូវីដ-១៩ នៅកម្ពុជា មាន ៣៨១នាក់ ,
– អ្នកជាសះស្បើយមាន ៣៦២នាក់
– អ្នកជំងឺកំពុងសម្រាកព្យាបាលនៅមន្ទីរពេទ្យមាន ១៩នាក់ ៕ រក្សាសិទ្ធិដោយ៖ ពិសិដ្ឋ CEN