ភ្នំពេញ៖ កំពង់ផែស្វយ័តភ្នំពេញ បានទទួលនូវលិខិតបញ្ជាក់ការកាន់បញ្ជិកាគណនេយ្យត្រឹមត្រូវចាប់ពីឆ្នាំ២០២០ដល់ឆ្នាំ២០២១ ពីអគ្គនាយកដ្ឋានពន្ធដារ។ តាមលិខិតបញ្ជាក់នេះ កំពង់ផែស្វយ័តភ្នំពេញនឹងទទួលបានអត្ថប្រយោជន៍នានា ស្របតាមប្រកាសលេខ ៦៣៨សហវ.ប្រក ចុះថ្ងៃទី៤ខែកក្កដាឆ្នាំ២០១៧។
ទន្ទឹមនេះក៏ទទួលបានផងដែរនូវវិញ្ញាបនបត្រអនុលោមភាពសារពើពន្ធប្រភេទ មាស ពីអគ្គនាយកដ្ឋានពន្ធដារ ដែលមានសុពលភាពរយៈពេល ២ឆ្នាំ សម្រាប់ឆ្នាំជាប់បន្ធ២០២១ ដល់ឆ្នាំ ២០២២។ សមិទ្ធផលដែលកំពង់ផែស្វយ័តភ្នំពេញទទួលបាននេះ សបញ្ជាក់ឲ្យឃើញអំពីភាពត្រឹមត្រូវ និងតម្លាភាពផ្នែកសារពើពន្ធរបស់កំពង់ផែស្វយ័តភ្នំពេញព្រមទាំងសមិទ្ធផលដ៏ធំធេងសម្រាប់ឆ្នាំ២០២០ នេះដែលកើតចេញពីកិច្ចខិតខំប្រឹងប្រែងរបស់ថ្នាក់ដឹកនាំបុគ្គលិក និងកម្មករក្រោមឱវាទទាំងអស់របស់កំពង់ផែស្វយ័តភ្នំពេញ៕
រក្សាសិទ្ធិដោយ៖CEN
