ភ្នំពេញ ៖ ដោយយោងតាមអនុសាសន៍ដ៏ខ្ពង់ខ្ពស់របស់ សម្ដេចក្រឡាហោម ស ខេង ឧបនាយករដ្ឋមន្ត្រីក្រសួងមហាផ្ទៃ បានមានប្រសាសសន៍ក្នុងកិច្ចប្រជុំស្ដីពី ភូមិ-សង្កាត់-មានសុវត្ថិភាព ក្នុងឆ្នាំ២០២០ ដោយមានការចង្អុលបង្ហាញពីនាយឧត្តមសេនីយ៍សន្ដិបណ្ឌិត នេត សាវឿន អគ្គស្នងការនគរបាលជាតិ និង ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ឲ្យតាមបណ្ដាខណ្ឌទាំង១៤ក្នុងរាជធានីភ្នំពេញ អនុវត្ដបានចាត់វិធានការយ៉ាងម៉ឺងម៉ាត់ ចុះចាប់ម៉ូតូកែឆ្នៃដាក់បំពង់ស៊ីមាំងខុសបច្ចេកទេស ដែលបង្កសម្លេងរំខានដល់ប្រជាពលរដ្ឋ ។
នៅថ្ងៃទី ០៩ ខែ មករា ឆ្នាំ២០២១ អធិការនគរបាលខណ្ឌសែនសុខ បានចាត់វិធានការយ៉ាងម៉ឺងម៉ាត់ ដោយចាប់ម៉ូតូកែច្នៃដាក់បំពង់ស៊ីមាំងខុសបច្ចេកទេស ដែលបង្កសំឡេងរំខានដល់ប្រជាពលរដ្ឋ ក្នុងភូមិសាស្ត្រ ។ ចំណែកលោកវរសេនីយ៍ឯក ស៊ឹម ពិសិដ្ឋ អធិការនគរបាលខណ្ឌបឹងកេងកង បានចាត់វិធានការយ៉ាងម៉ឺងម៉ាត់ ចុះចាប់ចំពោះម៉ូតូកែច្នៃដាក់បំពង់ស៊ីមាំងខុសបច្ចេកទេស ដែលបង្កសំឡេងរំខានដល់ថ្នាក់ដឹកនាំ និងប្រជាពលរដ្ឋ ក្នុងភូមិសាស្ត្រខណ្ឌបឹងកេងកង បានចំនួន ១២ គ្រឿង ៕រក្សាសិទ្ធិដោយ៖បញ្ញាស័ក្តិ
