ភ្នំពេញ៖នៅវេលាម៉ោង ១៦និង១៥នាទីល្ងាច ថ្ងៃទី០៩ ខែមករា ឆ្នាំ២០២១ មានករណីអគ្គិភ័យឆេះហាងមួយកន្លែង ឈ្មោះឃូលផាលេស នៅតាមបណ្ដោយផ្លូវលេខ ២១៥ សង្កាត់ទឹកល្អក់២ ខណ្ឌទួលគោក រាជធានីភ្នំពេញ។ ម្ចាស់ហាងឈ្មោះ :នួន សុគន្ធា ភេទប្រុស ៤០ ឆ្នាំ មុខរបរ ម្ចាស់ហាង។
កម្លាំងជំនាញផ្នែកអគ្គិភ័យនៃស្នងការដ្ឋាននគរបាលរាជធានីភ្នំពេញ បានឲ្យដឹងថា ករណីឆេះនេះបណ្តាលមកពីឆ្លងចរន្តអគ្គិសនី ហើយធ្វើឲ្យខូចខាតឆេះអស់ប្រហែល ៧០% មានដូចជាម៉ាស៊ីនត្រជាក់ តុកៅអី សម្ភារភ្លេង ព្រមទាំងសម្ភារមួយចំនួនទៀត
និងពុំបានឆេះរាលដាល ដល់ផ្ទះអ្នកជិតខាងឡើយ។
តាមប្រភពពីសមត្ថកិច្ចបានឲ្យដឹងថា ក្នុងការពន្លត់អគិ្គភ័យនេះ បានប្រើប្រាស់រថយន្តពន្លត់ អគិ្គភ័យជាច្រើនគ្រឿង៖ រថយន្តការិយាល័យអគ្គិភ័យ រាជធានីភ្នំពេញ: ចំនួន ០៤គ្រឿង ប្រើប្រាស់ទឹកអស់ចំនួន ០២ ឡាន ស្មើនឹង ១២ម៉ែត្រគូប។
ករណីគ្រោះអគ្គិភ័យនេះ មិនបណ្តាលឲ្យមានអ្នកស្លាប់ ឬរបួសឡើយ ហើយត្រូវបានពន្លត់ចប់នៅម៉ោង១៦:៥០នាទីល្ងាច នាថ្ងៃដដែល៕រក្សាសិទ្ធិដោយ៖បញ្ញាស័ក្តិ
