ភ្នំពេញៈ មនុស្សចំនួន ៧៤នាក់បានស្លាប់ និងរបួសចំនួន ១៨៥នាក់ (ធ្ងន់ចំនួន ១១៩នាក់) នៅក្នុងគ្រោះថ្នាក់ចរាចរណ៍ទូទាំងប្រទេស រយៈពេ៤ ១២ថ្ងៃ ចាប់ពីថ្ងៃទី១ ដល់ថ្ងៃទី១៤ ខែមករា ឆ្នាំ២០២១។ នេះបើយោងតាមរបាយការណ៍របស់អគ្គស្នងការដ្ឋាននគរបាលជាតិ ដែលសារព័ត៌មាន CEN ទទួលបាននៅព្រឹកថ្ងៃទី១៥ ខែមករា ឆ្នាំ២០២១។
របាយការណ៍បានបន្តថា សម្រាប់គ្រោះថ្នាក់ចរាចរណ៍នៅថ្ងៃទី១៤ ខែមករា ឆ្នាំ២០២១ បានលើកឡើងចំនួន ១០លើក ស្លាប់ ២នាក់ និងរបួសចំនួន ១៧នាក់ ក្នុងនោះរបួសស្រាល ៨នាក់ និងររបួសធ្ងន់ ៩នាក់។
ទាក់ទងការរឹតបន្តឹងការអនុវត្តច្បាប់ចរាចរណ៍វិញ របាយការណ៍បានបង្ហាញថា នៅក្នុងរយៈពេល ១៤ថ្ងៃ គិតចាប់ពីថ្ងៃទី១ ដល់ថ្ងៃទី១៤ ខែមករា ឆ្នាំ២០២១ យានយន្តដែលល្មើសច្បាប់ចរាចរណ៍មានចំនួនសរុប ១៣៣១៧នាក់ ក្នុងនោះម៉ូតូចំនួន ៩៩២៧គ្រឿង និងរថយន្តចំនួន ៣៣៩០គ្រឿង រថយន្តតូច ២២៧៦គ្រឿង និងធំ ៥២០គ្រឿង៕ រក្សសិទ្ធិដោយដោយ : ចេស្តារ
