ភ្នំពេញ៖ អតីតតារាចម្រៀងល្បីម្នាក់ បានបោះជំហានចាកចេញពីថីសិល្បៈអាជីពជាតារាចម្រៀងយូរណាស់ហើយ ទៅចាប់យកមុខរបរថ្មី គឺសាងសង់សំណង់ផ្ទះល្វែង និងពុះដីឡូត៍លក់ ហើយនៅព្រឹកថ្ងៃទី១៥ ខែមករា ឆ្នាំ២០២១ នេះ បានបើកសម្ពោធគម្រោងពុះដីឡូតិ៍លក់រាប់រយឡូត៍ លើផ្ទៃដីរាប់សិបហិចតា ដោយតម្លៃសមរម្យ សម្រាប់ប្រជាពលរដ្ឋដែលមានចំណូលទាប ឬមធ្យម ។
អតីតតារាចម្រៀង លោក ឃុំ ប៉ុណ្ណាដែត អគ្គនាយកក្រុមហ៊ុន DRSL បានឲ្យក្រុមអ្នកសារព័ត៌មានដឹងថា គម្រោងដីឡូត៍លំនៅឋាននេះ គឺស្ថិតនៅលើទីតាំងដែលមានសោភ័ណភាពស្រស់ស្អាតបែបធម្មជាតិ គឺជាការចូលរួមអភិវឌ្ឍលំនៅឋាន ប្រកបដោយតម្លៃសមរម្យ សម្រាប់ប្រជាពលរដ្ឋដែលមានចំណូលទាប ឬមធ្យម ក៏អាចទិញសង់លំនៅឋានបាន និងប្រើប្រាស់ជាប្រយោជន៍ផ្សេងៗ ។
គម្រោងអភិវឌ្ឍន៍នេះ លើផ្ទៃដីជាង ២០ហិចតា មានសំណង់ផ្ទះល្វែង ផ្ទះវីឡា មានផ្សារ រោងចក្រជាច្រើន ហាងកាហ្វេ ផ្លូវខ្វាត់ខ្វែងចាក់បេតុងរឹងមាំ និងរមណីយដ្ឋានកម្សាន្តសប្បាយផ្សេងៗ ប្រកបដោយស្ថានភាពរលូន ដោយសារមានប្រព័ន្ធលូបង្ហូររំដោះទឹក ប្រើប្រាស់ប្រព័ន្ធទឹក ភ្លើង របស់រដ្ឋមានស្រាប់ ។ ទីតាំងជាប់នឹងផ្លូវជាតិលេខ ៥២ ចម្ងាយត្រឹមតែ ១៣គីឡូម៉ែត្រ ពីផ្សារឧដុង្គ ក្បែរផ្ទះប្រជាពលរដ្ឋ មានមន្ទីរពេទ្យ សាលារៀន វត្តអារាម និងផ្សារលក់ដូរ ជាពិសេស ជាប់ព្រំប្រទល់ខេត្តចំនួន៣ គឺ ខេត្តកណ្ដាល , កំពង់ស្ពឺ និងកំពង់ឆ្នាំង ។
លោក ឃុំ ប៉ុណ្ណាដែត អគ្គនាយកក្រុមហ៊ុន DRSL បានបញ្ជាក់ថា បើបងប្អូនប្រជាពលរដ្ឋចាប់អារម្មណ៍ទាក់ទងទិញឥឡូវនេះ នឹងទទួលបានការបញ្ចុះតម្លៃ ចំណេញការប្រាក់ច្រើន និងមានកាដូជាច្រើនសម្រាប់លើកទឹកចិត្តជូនអតិថិជន, សូមរួសរាន់ ទាក់ទងផ្នែកលក់តាមរយ:ទូរស័ព្ទ÷ 012 835 558 / 087 835 558 / 067 835 558 ៕ រក្សាសិទ្ធិដោយ : ពិសិដ្ឋ CEN
