ភ្នំពេញៈ ស្ថានឯកអគ្គរាជទូតកម្ពុជាប្រចាំសហរដ្ឋអាមេរិក បានជម្រាបជូនបងប្អូនប្រជាពលរដ្ឋ សិស្ស និងនិស្សិតខ្មែរទាំងអស់ ដែលមានបំណងធ្វើដំណើរចូលមកសហរដ្ឋអាមេរិក អំពីបទបញ្ជាថ្មីដែលទើបចេញផ្សាយដោយមជ្ឈមណ្ឌលត្រួតពិនិត្យនិងបង្ការជំងឺឆ្លង CDC របស់ អាមេរិក កាលពីថ្ងៃទី១២ ខែមករា ឆ្នាំ២០២១ ដោយតម្រូវឲ្យអ្នកដំណើរដែលចូលមកអាមេរិកតាម យន្តហោះទាំងអស់ ត្រូវមានមុនពេលចេញដំណើរនូវលទ្ធផលតេស្តអវិជ្ជមានកូវីដ -១៩ ឬ ឯកសារ បញ្ជាក់ពីការជាសះស្បើយ (Doc ។ of Recovery) សម្រាប់អ្នកដំណើរដែលធ្លាប់តេស្ត វិជ្ជមានកូវីដ-១៩ ។
ស្ថានឯកអគ្គរាជទូតកម្ពុជាប្រចាំសហរដ្ឋអាមេរិក បន្តថា បទបញ្ជាថ្មីនេះនឹងត្រូវចាប់អនុវត្តពីថ្ងៃទី២៦ ខែមករា ឆ្នាំ២០២១តទៅ និងមានខ្លឹមសារ សំខាន់ៗ ដូចខាងក្រោម៖
ក. លទ្ធផលតេស្ត
លទ្ធផលតេស្តដែលអាចផ្ទៀងផ្ទាត់ និងប្រើការបាន ត្រូវគោរពតាមលក្ខខណ្ឌ ដូចជា៖
ឯកសារលទ្ធផលចេញដោយមន្ទីរពិសោធន៍ជាលាយលក្ខអក្សរ (ទំរង់ជាក្រដាស ឬអេឡិចត្រូនិច) និងមានព័ត៌មានបញ្ជាក់អំពីអត្តសញ្ញាណរបស់អ្នក ដំណើរ ថ្ងៃខែធ្វើតេស្ត និងប្រភេទតេស្ត រួមទាំងព័ត៌មានដូចជា ឈ្មោះ អាស័យ ដ្ឋាន និងព័ត៌មានទំនាក់ទំនងរបស់មន្ទីរពិសោធន៍ ឬអ្នកចេញលទ្ធផលតេស្ត ផងដែរ។
លទ្ធផលបង្ហាញថាអវិជ្ជមានមេរោគ SARS-Cov-2 ដែលបង្ករជំងឺកូវីដ-១៩។
– ប្រភេទតេស្ត ត្រូវជា NAAT ឬ antigen តេស្ត ដែលធ្វើមិនលើសពី ៣ថ្ងៃមុនពេលចេញដំណើរ ។
ខ. ឯកសារបញ្ជាក់ពីការជាសះស្បើយ (Documentation of Recovery)
សម្រាប់អ្នកដំណើរដែលធ្លាប់តេស្តវិជ្ជមានកូវីដ-១៩ ត្រូវមានឯកសារបញ្ជាក់ពីការ ជាសះស្បើយពីជំងឺកូវីដ-១៩ (Documentation of Recovery) រួមមានឯកសារពីរ ដូច ខាងក្រោម និងត្រូវជាឯកសារលាយលក្ខអក្សរ ក្នុងទំរង់ជាក្រដាស ឬអេឡិចត្រូនិច ៖
១. លទ្ធផលតេស្តវិជ្ជមានមេរោគ SARS-Cov-2 ដែលបង្ករជំងឺកូវីដ-១៩ មាន រយៈពេលមិនលើសពី៣ (បី)ខែ គិតចាប់ពីថ្ងៃធ្វើតេស្ត និង
២. លិខិតបញ្ជាក់ចេញដោយគ្រូពេទ្យ ឬមន្ត្រីសុខាភិបាល ថាអ្នកដំណើរអាចធ្វើ ដំណើរបាន ដែលបោះពុម្ពនៅលើក្បាលលិខិតផ្លូវការ មានហត្ថលេខា និង ព័ត៌មានដូចជាឈ្មោះ អាស័យដ្ឋាន និងលេខទូរស័ព្ទរបស់គ្រូពេទ្យ ឬមន្ត្រីសុខា ភិបាលដែលចេញលិខិតបញ្ជាក់នោះ។
គ. ចម្លើយទៅនឹងសំនួរសំខាន់ៗ – Frequently Asked Questions (FAQ)
ក្នុងករណីបងប្អូនធ្វើដំណើរមកអាមេរិកតាមរយៈជើងហោះហើរត្រង់ ការធ្វើតេស្ត ត្រូវធ្វើមិនលើសពី៣(បី)ថ្ងៃ មុនពេលយន្តហោះចេញដំណើរ ពីប្រទេសសាមី។
ក្នុងករណីយន្តហោះប្តូរជើងហោះហើរលើសពីមួយ (via one or more connecting flights) ការធ្វើតេស្តត្រូវធ្វើមិនលើសពី ៣ (បី) ថ្ងៃ មុនពេល យន្តហោះជើងដំបូងចេញដំណើរ ប៉ុន្តែលុះត្រាជើងយន្តហោះបន្តបន្ទាប់ (connecting flights) ត្រូវបានកក់នៅក្នុងការកក់តែមួយ (booked as a single passenger record) ហើយការហោះមួយជើងៗមិនលើសពី២៤ម៉ោង។
– ប្រសិនបើជើងយន្តហោះបន្តបន្ទាប់ ត្រូវបានកក់ដាច់ដោយឡែកពីគ្នា ឬមាន ជើងហោះហើរណាមួយលើសពី២៤ម៉ោង បងប្អូនត្រូវធ្វើតេស្តមិនលើសពី៣ (បី)ថ្ងៃ មុនពេលជើងយន្តហោះចុងក្រោយមកដល់អាមេរិក។
ក្នុងករណីមានការពន្យារពេលជើងហោះហើរដំបូង បងប្អូនត្រូវធ្វើតេស្តសារជាថ្មី ប្រសិនបើការពន្យារពេលនោះបណ្តាលឲ្យតេស្តរបស់បងប្អូនលើសពី ៣(បី)ថ្ងៃ មុនពេលធ្វើដំណើរ។
– ក្នុងករណីហោះហើរឆ្លងកាត់ (Transit) គ្រប់អ្នកដំណើរត្រូវបង្ហាញឯកសារ លទ្ធផលតេស្តអវិជ្ជមានកូវីដ-១៩ ឬ ឯកសារបញ្ជាក់ពីការជាសះស្បើយ ដែល គោរពតាមលក្ខខណ្ឌក្នុងចំនុច (ក) និង (ខ) ។
ក្នុងករណីអ្នកដំណើរដែលធ្លាប់បានទទួលវ៉ាក់សាំងកូវីដ-១៩ហើយ អ្នកដំណើរ ទាំងអស់នោះក៏ត្រូវមានឯកសារលទ្ធផលតេស្តអវិជ្ជមានកូវីដ-១៩ ឬ ឯកសារ បញ្ជាក់ពីការជាសះស្បើយ ដែលគោរពតាមលក្ខខណ្ឌដែលបានរៀបរាប់ក្នុង ចំណុច (ក) និង (ខ) ដូចគ្នា។
ពេលមកដល់អាមេរិក CDC ណែនាំដល់គ្រប់អ្នកដំណើរ ទៅធ្វើតេស្តកូវីដ -១៩ ក្នុងរយៈពេល ៣-៥ថ្ងៃ និងស្នាក់នៅក្នុងផ្ទះ ឬបើមិនដូច្នោះទេ ត្រូវធ្វើចត្តាឡីស័ក ៧ថ្ងៃ បន្ទាប់ពីការធ្វើដំណើរ។ ទោះបីលទ្ធផលតេស្តចេញមកអវិជ្ជមាន អ្នក ដំណើរគួរស្នាក់នៅក្នុងផ្ទះ ឲ្យបាន៧ថ្ងៃពេញ។ ប្រសិនបើអ្នកដំណើរមិនបានធ្វើ តេស្តពេលមកដល់ជាប្រការល្អបំផុតដែលពួកគេស្នាក់នៅក្នុងផ្ទះរយៈពេល ១០ថ្ងៃពេញ។
បទបញ្ហានេះ នឹងត្រូវអនុវត្តចំពោះគ្រប់អ្នកដំណើរតាមយន្តហោះ ដែលមាន អាយុចាប់ពី២ឆ្នាំឡើងទៅ រួមទាំងពលរដ្ឋអាមេរិក និងអ្នកមានទីលំនៅអចិន្ត្រៃយ៍ (Green Card Holders) ផងដែរ។
បទបញ្ជានេះ នឹងចូលជាធរមាននៅថ្ងៃទី២៦ ខែមករា ឆ្នាំ២០២១តទៅ និង មានសុពលភាពយ៉ាងហោចណាស់រហូតដល់ (១) ការផុតកំណត់ការប្រកាស របស់រដ្ឋមន្ត្រីសុខាភិបាលអាមេរិកចាត់ទុកជំងឺកូវីដ-១៩ ថាជាបញ្ហាសុខភាព សាធារណៈបន្ទាន់ (២) នាយករបស់ CDC ធ្វើមោឃៈភាព ឬកែប្រែបទបញ្ជានេះ យោងលើហេតុផលសុខភាពសាធារណៈជាក់លាក់ ឬហេតុផលផ្សេងៗ ឬ (៣) ថ្ងៃទី៣១ ខែធ្នូ ២០២១។ រក្សាសិទ្ធិដោយ: ចេស្តារ
