ភ្នំពេញ: និស្សិតសាលាតិចណូម្នាក់ចងកស្លាប់បាត់បង់អាយុជីវិតក្នុងបន្ទប់ទឹក ដោយសារតែមានទំនាស់ពាក្យសម្ដី ខណៈក្រោយពេលនិយាយទូរស័ព្ទជាមួយម្ដាយរួច ។
ប្រជាពលរដ្ឋនៅបន្ទប់ជួលជាប់គ្នាប្រទះឃើញរាយការណ៍ប្រាប់ទៅសមត្ថកិច្ចមូលដ្ឋានចុះមកពិនិត្យបង្កឲ្យមានការភ្ញាក់ផ្អើលនៅវេលារសៀលថ្ងៃទី ១៧ ខែមករា ឆ្នាំ ២០២១ ស្ថិតនៅត្រង់ចំណុចផ្ទះជួល ផ្លូវលេខ ៩ A ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ រាជធានីភ្នំពេញ(ខាងក្រោយវត្តទឹកថ្លា)។
ជនរងគ្រោះដែលចងកស្លាប់បាត់បង់អាយុជីវិតត្រូវបានគេស្គាល់អត្តសញ្ញាណ មានឈ្មោះ ម៉ា ត្រាភេទប្រុស អាយុ ២១ ឆ្នាំជានិស្សិតរៀននៅសាលាតិចណូឆ្នាំទី ៤ ស្នាក់នៅបន្ទប់ជួលជាន់ទី ៣ កន្លែងទីតាំងកើតហេតុខាងលើ មានស្រុកកំណើតនៅក្នុងភូមិ ទ្រាស ឃុំ ទ្រាស ស្រុកស្វាយចេក ខេត្តបន្ទាយមានជ័យ ។ ដោយនៅក្បែរកន្លែងចង ក នោះជនរងគ្រោះក៏បាន សរសេរ ពាក្យបណ្ដាំមួយច្បាប់ជាភាសា អង់គ្លេសទុកជូនម្ដាយរបស់ខ្លួនដែរ ។
តាមប្រភពពីម្ចាស់ផ្ទះបានឱ្យដឹងថា មុនពេលកើតហេតុជនរងគ្រោះ បានទំនាក់ទំនង និយាយទូរស័ព្ទជាមួយម្ដាយក្នុងពេលកំពុងនិយាយនោះ កើតចេញជាទំនាស់ពាក្យសម្ដីធ្វើឲ្យជនរងគ្រោះមានការតូចចិត្ត បានបិទទូរស័ព្ទភ្លាមៗ ។
ក្រោយមានទំនាស់ពាក្យសម្ដីរួចមកធ្វើម្ដាយជនរងគ្រោះដែលមានឈ្មោះ តាន់ គីម ព្យាយាមទាក់ទងមិនបានក៏ទូរស័ព្ទមកម្ចាស់ផ្ទះជួលឲឡើងទៅមើលស្រាប់តែប្រទះឃើញកូនបានចង ក ស្លាប់បាត់បង់អាយុជីវិតបាត់ទៅហើយនៅក្នុងបន្ទប់ទឹកដោយយកក្រមាចងភ្ជាប់ជាមួយនឹងប្រហោងឥដ្ឋខ្យល់ទាក់ជាប់ជាមួយកបែរមុខចេញក្រៅស្លាប់បាត់បង់អាយុជីវិតក្នុងបន្ទប់ទឹកដោយចាក់គន្លឹះទ្វារបន្ទប់ពីខាងក្នុង ។ ទើបបង្កឲ្យមានការភ្ញាក់ផ្អើលឡើងរាយការណ៍ប្រាប់ទៅសមត្ថកិច្ចមូលដ្ឋានទាក់ទងទៅសមត្ថកិច្ចជំនាញខាងកុសល្យវិច្ច័យចុះមកទីតាំងកើតហេតុដើម្បីធ្វើការពិនិត្យទៅលើសពរបស់ជនរងគ្រោះដែលស្លាប់បាត់បង់អាយុជីវិតខាងលើ។
បច្ចុប្បន្នត្រូវបានសមត្ថកិច្ចជំនាញកំពុងធ្វើកោសល្យវិច័យពិនិត្យរកមូលហេតុនៃការចងកស្លាប់បាត់បង់អាយុជីវិតនឹងទាក់ទងទៅក្រុមគ្រួសារសាច់ញាតិមកទទួលយកទៅធ្វើបុណ្យតាមប្រពៃណីនៅឯស្រុកកំណើត ៕រក្សាសិទ្ធិដោយ ៖ ពន្លឺ និង ហេងវុត្ថា