Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

បុគ្គលិក​កាស៊ីណូ​នៅ​កំរៀង ជិត​២០០​នាក់ ធ្វើ​ច​ត្តា​ឡី​ស័ក​១៤​ថ្ងៃ បន្ទាប់ពី​ពាក់ព័ន្ធ​ជាមួយ​អ្នក​ឆ្លង​ជំងឺ​កូ​វីដ​១៩​ម្នាក់ មកលេង​មិត្តភក្តិ​ក្នុង​កាស៊ីណូ​

spot_img

បាត់ដំបង​៖ បុគ្គលិក​ប្រុស​ស្រី​បម្រើរ​ការងារ​នៅក្នុង​កាស៊ីណូ​មួយកន្លែង ស្ថិតក្នុង​ស្រុក​កំរៀង ជិត​២០០​នាក់ ត្រូវ​បា​
​ន​អាជ្ញាធរខេត្ត​បាត់ដំបង និង​មន្ត្រី​សុខាភិបាល​ឲ្យ​ធ្វើ​ច​ត្តា​ឡី​ស័ក ចំនួន​១៤​ថ្ងៃ បន្ទាប់ពី​ពួកគេ​បាន​ពាក់ព័ន្ធ​និង​ប្រា​
​ស្រ័យ​ទាក់ទង​ជាមួយនឹង​អ្នក​ឆ្លង​ជំងឺ​កូ​វីដ​១៩ ម្នាក់ ដែល​ចូល​មកលេង​មិត្តភក្តិ​ក្នុង​កាស៊ីណូ ហើយ​ត្រូវបាន​នាំយកទៅ​ធ្វើការ​ព្យាបាល​នៅ​មន្ទីរពេទ្យ​។​

​លោក សុខ គឹម​ខុន អភិបាលស្រុក​កំរៀង បាន​មានប្រសាសន៍​ឲ្យ​ដឹងថា ចំពោះ​ការ​ឲ្យ​បុគ្គលិក​ទាំងអស់ ធ្វើ​ច​ត្តា​ឡី​ស័ក​ចំនួន​១៤​ថ្ងៃ គឺ​កាលពី​ថ្ងៃទី​៣១ ខែធ្នូ ឆ្នាំ​២០២០ ក្រុមការងារ​មន្ត្រី​សុខាភិបាល បាន​រកឃើញ​អ្នក​ឆ្លង​ជំងឺ​កូ​វីដ​១៩​ម្នាក់ មាន​ទីលំនៅ​ខេត្ត​ប៉ៃលិន ដែល​ចូល​មកលេង​មិត្តភក្តិ​ក្នុង​កាស៊ីណូ ស្ថិតក្នុង​ស្រុក​កំរៀង​នេះ ហើយ​រូបគេ​ត្រូវ​មន្ត្រី​សុខាភិបាល យក​សំណាក​និង​រកឃើញថា ឆ្លង​ជំងឺ​កូ​វីដ​១៩​នៅ​អំឡុង​ខែមករា​នេះ​។ បន្ទាប់ពី​មាន​ករ​
​ណី​ពាក់ព័ន្ធ​អ្នក​ឆ្លង​ជំងឺ​កូ​វីដ​១៩​នេះ ម្ចាស់​កាស៊ីណូ​បាន​បិទ​កាស៊ីណូ​ជា​បណ្ដោះអាសន្ន ហើយ​បាន​ប្រមូល​បុគ្គ​
​លិ​ក​កាស៊ីណូ​ទាំងអស់ ឲ្យ​ធ្វើ​ច​ត្តា​ឡី​ស័ក ដោយ​ពួកគេ​បាន​ស្ម័គ្រចិត្ត​ចូលរួម​គ្រប់គ្នា ដើម្បី​ទប់ស្កាត់​នៃ​ការរីក​រាលដាល​ជំងឺ​កូ​វីដ​១៩ ក្នុង​សហគមន៍​កម្ពុជា ។​

​ឯកឧត្តម ងួន រតនៈ អភិបាលខេត្ត​បាត់ដំបង ក្នុងឱកាស​ចុះ​សំណេះសំណាល សួរសុខទុក្ខ​ដល់​បុគ្គលិក​កាស៊ីណូ​ទាំងអស់នោះ បាន​មានប្រសាសន៍​ជំរុញ​ឲ្យ​អាជ្ញាធរ​ស្រុក និង​សមត្ថកិច្ច​ពាក់ព័ន្ធ ត្រូវ​យកចិត្តទុកដាក់ ចំពោះ​ពលករ​ខ្មែរ​ឬ​ពលរដ្ឋ កំពុង​ធ្វើ​ច​ត្តា​ឡី​ស័ក តាម​មណ្ឌល​នានា​ក្នុង​ខេត្ត រួមទាំង​អនុវត្ត​វិធានការ​ទប់ស្កាត់​ឲ្យ​បាន​ម៉ឺងម៉ាត់ ទាំង​នៅតាម​បន្ទាត់​ព្រំដែន និង​តាម​មណ្ឌល​ធ្វើ​ច​ត្តា​ឡី​ស័ក​។​

​ឯកឧត្តម ងួន រតនៈ អភិបាលខេត្ត​បាត់ដំបង បាន​ព្រមាន​មិន​លើកលែង ឲ្យ​ពួក​មេខ្យល់​ដែល​អូសទាញ​ញុះញង់ នាំ​ពលករ​ខ្មែរ​ឆ្លងដែន​ខុសច្បាប់ ដោយ​កម្លាំង​ការពារ​ព្រំដែន​ទាំងអស់ ត្រូវ​សហការគ្នា​ទប់ស្កាត់ តាម​បទបញ្ជា​របស់​ប្រមុខ​ដឹកនាំ​ជាតិ ពិសេស​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា តែង​ផ្ដល់​អនុសាសន៍ និង​អំពាវនាវ​ដល់​អាជ្ញាធរខេត្ត​ជាប់​ព្រំដែន ខិតខំ​ធ្វើការ​ងារ​ទប់​ស្កាត់ នូវ​ការរីក​រា​ដាល​ជំងឺ​កូ​វីដ​១៩​នេះ​។​

​គួរបញ្ជាក់​ផងដែរ​ថា គិត​ត្រឹម​ថ្ងៃទី​១៥ ខែមករា ឆ្នាំ​២០២១ ចាប់តាំងពី​មានការ​ផ្ទុះ​ជំងឺ​កូ​វីដ​១៩ ក្នុង​សហគមន៍​នៃ​ខេត្ត​សាមុទ​សា​ខន ប្រទេស​ថៃ មាន​ពលករ​ខ្មែរ​ឆ្លងដែន​មកពី​ថៃ ចូល​តាម​ច្រក​នានា ជាប់​ខេត្តបាត់ដំបង មាន​ចំនួន​ជាង ២៧០០​នាក់​។ អ្នក​បញ្ចប់​ការធ្វើ​ច​ត្តា​ឡី​ស័ក និង​អនុញ្ញាត​ឲ្យ​ទៅផ្ទះ​វិញ​មាន​ចំនួន ជាង​១១០០​នាក់ ហើយ​បាន​យក​សំណាក​ទៅពិនិត្យ​រក​ជំងឺ​កូ​វីដ​១៩ មាន​ចំនួន​ជាង​២ ៦០០​នាក់​និង​មាន​អ្នក​ឆ្លង​ជំងឺ​កូ​វីដ​១៩ កំពុង​សម្រាក់​ព្យាបាល​ក្នុង​មន្ទីរពេទ្យ​ខេត្ត ចំនួន​១១​នាក់​៕ រក្សា​សិទ្ធិ​ដោយៈ​អ៊ុង​សា​រុំ​

spot_img
×