ភ្នំពេញ៖រថយន្តក្រទ្បុកស៊ីម៉ងត៍មួយគ្រឿងបានបុកនិងកិនម៉ូតូបណ្តោលឲ្យស្ត្រីរងរបួសធ្ងន់ត្រូវបានបងប្អូនបញ្ចូនទៅកាន់មន្ទីរពេទ្យ។ ហេតុការណ៍នេះបានកើតទ្បើងនៅវេលាម៉ោង៦និង៥០នាទីព្រឹក នៅថ្ងែទី២០ ខែមករា ឆ្នាំ២០២១ដែលទីតាំងស្ថិតនៅតាមបណ្តោយផ្លូវ៣៧១ ក្នុងសង្កាត់បឹងទំពុនទី២ ខណ្ឌមានជ័យ រាជធានីភ្នំពេញ។
តាមប្រភពព័ត៌មានពីកន្លែងហេតុកើតបានឲ្យដឹងថា មុនពេលកើតហេតុគេឃើញរថយន្តក្រទ្បុកស៊ីម៉ងត៍មួយគ្រឿងម៉ាកហ៊ីណូ ពណ៌ក្រហម ពាក់ផ្លាកលេខ5A-1632 បើកបរក្នុងទិសដៅពីកើតទៅលិច មកដល់ជិតមុខការ៉ាសាំងបានបុកម៉ូតូមួយគ្រឿងម៉ាកសេ១២៥ស៊េរី២០២០ ពណ៌ខ្មៅ ពាក់ផ្លាកលេខតាកែវ1V-8597 បើកបរក្នុងទិសដៅស្របគ្នា
មកដល់ចំណុចកើតហេតុក៏បានបុកនិងកិនម៉ូតូបណ្តាលឱ្យស្ត្រីម្នាក់រងរបួសធ្ងន់ត្រូវបានបងប្អូនបញ្ជូនទៅកាន់មន្ទីរពេទ្យ។
ក្រោយពេលកើតហេតុក៏ឃើញសមត្ថកិច្ចមូលដ្ឋានចុះមកដល់កន្លែងកើតហេតុនិងបានរាយការណ៍មកសមត្ថកិច្ចជំនាញខណ្ឌមានជ័យបានចុះមកធ្វើការវាស់វែងយករថយន្តនិងម៉ូតូមកដាក់គៀន ដើម្បីឱ្យភាគីទាំងសងខាងនិយាយចរចាគ្នាបន្ត៕ រក្សាសិទ្ធិដោយ៖ មីដា ផាន់ណា
