ភ្នំពេញៈ នៅក្នុងការបង្ក្រាបគ្រឿងញៀនខុសច្បាប់រយៈពេល ១៩ថ្ងៃ សមត្ថកិច្ចបានឃាត់ខ្លួនមនុស្សចំនួនជាង ១០០០នាក់ ត្រូវបានចាប់ខ្លួន និងដកហូតសារធាតុញៀនគ្រប់ប្រភេទជាង ៦គីឡូក្រាម រួមទាំងសម្ភារៈដែលជាវត្ថុតាមមួយយចំនួនទៀត។
យោងតាមរបាយការណ៍របស់គណៈកម្មការទី៣ នៃយុទ្ធនាការប្រឆាំងគ្រឿងញៀនខុសច្បាប់ ដែលសារព័ត៌មាន CEN ទទួលបាននៅថ្ងៃទី១៩ ខែមករា បានឲ្យដឹងថា លទ្ធផលអនុវត្តន៍ច្បាប់ក្នុងការបង្ក្រាបគ្រឿងញៀនខុសច្បាប់រយៈពេល ១៩ថ្ងៃ ពីថ្ងៃទី១ ខែមករា ដល់ថ្ងៃទី១៩ ខែមករា ឆ្នាំ២០២១ បង្ក្រាបបាន ៤០៦ករណី ឃាត់ខ្លួនចំនួន ១០៣១នាក់ (ស្រី ៣៧នាក់) ។ បង្ក្រាបករណីជួញដូរ រក្សាទុក កែឆ្នៃ ចាត់ចែង និងដាំដុះ បាន២៥៣ករណី ឃាត់ខ្លួនមនុស្សចំនួន ៥៣៥នាក់ (ស្រី ៣១នាក់)។ ករណីប្រើប្រាស់ចំនួន ១៥៣ករណី ឃាត់ខ្លួនមនុស្សចំនួន ៤៩៦នាក់ (ស្រី ៦នាក់)។ អនុវត្តដីកាបានចំនួន ១៣ដីកា ឃាត់ខ្លួនមនុស្ចំនួន ១១នាក់។ ដកហូតសារធាតុញៀនគ្រប់ប្រភេទ ៦Kg ៥២០,៩០g និង ៥៦៦កញ្ចប់តូច៕ រក្សាសិទ្ធិដោយៈ ចេស្តារ