ភ្នំពេញ៖ បុរសម្នាក់ទំនងជាស្រវឹងបានបើករថយន្តfordranger ក្នុងល្បឿនលឿនមិនប្រយ័ត្នបានរេចង្កូតឡើងលើសួន រួចបន្តទៅបុកបង្គោលភ្លើងនិងបន្តទៅបុករះដើមផ្ការនិងបង្គោលស្លាកសញ្ញាបាក់មួយដើម។ ចំណែកឯអ្នកបង្កត្រូវសមត្ថកិច្ចឃាត់បាន។ហេតុការណ៍គ្រោះថ្នាក់ចរាចរណ៍នេះដែរ បានកើតឡើងនៅវេលាម៉ោង ៧ និង៥០នាទីយប់ ថ្ងៃទី ២០ ខែមករា ឆ្នាំ ២០២១ ស្ថិតនៅតាមបណ្ដោយផ្លូវជាតិលេខ៦A ក្នុងសង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។
បើយោងតាមប្រភពព័ត៌មានពីកន្លែងកើតហេតុ បានប្រាប់ខាងសារព័ត៌មាន CEN ឲ្យដឹងថា
មុនពេលកើតហេតុគាត់បានឃើញរថយន្តម៉ាក fordrangre ពណ៌ខ្មៅមួយគ្រឿងពាក់ផ្លាកលេខ រដ្ឋ ១៩ ២-០០៧៤ បើកបរដោយបុរសម្នាក់ធ្វើដំណើរតាមបណ្តោយផ្លូវជាតិលេខ ៦A ក្នុងទិសដៅពីជើងមកត្បូងក្នុងល្បឿនយ៉ាងលឿន មកដល់ចំណុចកើតហេតុ បានរេចង្កូតឡើងលើសួនទៅបុកបង្គោលភ្លើងមួយដើម និងដើមផ្កាជាច្រើនរួចបន្តទៅបុកបង្គោលស្លាកសញ្ញាបាក់មួយដើមទើបបើកទៅមុខលែងរួច។ សំណាងល្អក្នុងហេតុការណ៍គ្រោះថ្នាក់ចរាចរណ៍នេះ មិនបង្កឲ្យប៉ះពាល់ទៅដល់ភាគីដ៏ទៃនោះទេ រងការខូចខាតតែរថយន្តនិងទ្រព្យសម្បត្តិរដ្ឋ។
ក្រោយពេលកើតហេតុ សមត្ថកិច្ចមូលដ្ឋានសហការជាមួយនិងខាងចរាចរណ៍ជំនាញខណ្ឌជ្រោយចង្វា រួចប្រគល់តួនាទីនេះទៅឲ្យខាងជំនាញក្រុងចុះមកវាស់វែង និងយករថយន្តស្ទូចមកស្ទូចរថយន្តបង្កទៅរក្សាទុក នៅស្នងការនគរបាលចរាចរណ៍រាជធានីភ្នំពេញជាបណ្តោះអាសន្ន ៕ រក្សាសិទ្ធិដោយ៖ សា មេត
