Friday, May 31, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

បើករថយន្តបុករះបារាស់សមត្ថកិច្ច ហើយបន្តបុករះម៉ូតូចំនួន​ ៥គ្រឿងទៀត​ បណ្តាលអោយមនុស្សស្លាប់ម្នាក់​ និងមនុស្សរងរបួសធ្ងន់ស្រាលចំនួន​ ២នាក់​

spot_img

ភ្នំពេញ៖ មនុស្សម្នាក់បានស្លាប់​ និងមនុស្ស ២នាក់​ ទៀតបានរងរបួសធ្ងន់និងស្រាល ក្រោយពីមានរថយន្ត​ Range Rover មួយគ្រឿងបើកមក បុករះបារាស់សមត្ថកិច្ច ហើយបន្តបុករះម៉ូតូចំនួន​ ៥គ្រឿង កាលពីវេលាម៉ោង​ ៧ព្រឹក​ ថ្ងៃទី២៤​ ខែកុម្ភៈ​ ឆ្នាំ២០១៨​ ដែលស្ថិតនៅតាមបណ្តោយផ្លូវលេខ70 កែងផ្លូវK5​ ភូមិបាក់ទូក​ សង្កាត់ទួលសង្កែ១​ ខណ្ឌឫស្សីកែវ​ រាជធានីភ្នំពេញ​។

ជនបង្កដែលបើករថយន្តបុករះខាងលើនោះ​ មិនត្រូវបានស្គាល់អត្តសញ្ញានោះទេ។ ចំណែកជនរងគ្រោះទី១-ឈ្មោះ​ តាន់​ ម៉ូលី​ ភេទប្រុស​ អាយុ​ ៦០ឆ្នាំ​ (ស្លាប់)​ ស្នាក់នៅសង្កាត់បឹងកក់២​ ខណ្ឌទួលគោក​ រាជធានីភ្នំពេញ​ និងមានស្រុកកំណើត​ វត្តដំណាក់​ ស្រុកសៀមរាប​ ខេត្តសៀមរាប​ បានជិះម៉ូតូ​ មួយគ្រឿង​ ម៉ាក​ Yamaha Sirius ពណ៌ខ្មៅ​
ពាក់ស្លាកលេខ​ 1DT-0237។ ចំណែកឯជនរងគ្រោះទាំង​ ២នាក់ ដែលរងរបួសធ្ងន់ស្រាលនោះមិនត្រូវបានស្គាល់អត្តសញ្ញានៅឡើយទេ។

សាក្សីនៅកន្លែងកើតហេតុ​ បានប្រាប់អោយដឹងថា​ មុនពេលកើតហេតុរថយន្ត​បង្ក មួយគ្រឿង​ ម៉ាក​ Range Rover ពណ៌ខ្មៅ​ ពាក់ស្លាកលេខ​ ភ្នំពេញ​ 2T-1314 បានបើកបរតាមបណ្តោយផ្លូវ R6 ក្នុងទិសដៅពីកើតទៅលិច​ ក៏បានបើកប៉ះម៉ូតូ មួយគ្រឿង​ហើយមិនឈប់ដោះស្រាយ​បានបើករត់គេចពីផ្លូវR6 ឡើងមកផ្លូវលេខ៧០​ ក្នុង​ទិសដៅពីកើតទៅលិច​ ខណៈមកដល់ចំណុចស្តុបកើតហេតុខាងលើ​ ស្រាប់តែរថយន្តបង្កបានបើកបុករះបារាស់របស់សមត្ថកិច្ចដាក់ឃាត់រថយន្តបង្ក​ ភ្លាមៗនោះ រថយន្តមិនឈប់ក៏បានបើកមកមុខ​ ហើយបុករះម៉ូតូចំនួន​ ៥គ្រឿងទៀត​ បណ្តាលអោយមនុស្សស្លាប់ម្នាក់​ និងមនុស្សរងរបួសធ្ងន់ស្រាលចំនួន​ ២នាក់​ ហើយមានម៉ូតូមួយ​គ្រឿង បានជាប់នៅពីមុខរថយន្តបង្ក​ ហើយអ្នកបើករថយន្តបង្កមិនព្រមឈប់​ នៅតែបើកបន្តទៅមុខទៀតរហូតដល់ចំណុចស្តុបគល់អង្គតែន​ ស្ថិតនៅក្នុងសង្កាត់បឹងកក់១​ ខណ្ឌទួលគោក​ បានបុករថយន្ត​ មួយគ្រឿងទៀតម៉ាក​ លុចស៊ីស​ RX400H ពណ៌ទឹកប្រាក់​ ពាក់ស្លាកលេខ​ ភ្នំពេញ​ 2AJ-4249 ដែល​កំពុងឈប់ស្តុបនោះបណ្តាល​អោយរងការខូចខាតផ្នែកខាងមុខ។

សាក្សីបន្តទៀតថា​ ក្រោយពីកើតហេតុ​ ម្ចាស់រថយន្តបង្កបានបើកទ្វាររថយន្តព្យាយាមរត់គេចខ្លួន​ តែត្រូវបាន​បងប្អូនប្រជាពលរដ្ឋ​នាំគ្នាដេញតាមឃាត់ខ្លួនជនបង្កខាងលើ​បាន ​ក៏នាំគ្នាព្រួតវាយមួយដៃមួយជើងម្នាក់​ បណ្តាល​ជនបង្កសន្លប់ស្ដូកស្ដឹងនៅនឹងកន្លែងកើតហេតុ​ រួចប្រគល់ឲ្យ​សមត្ថកិច្ចវាយខ្នោះ​ និង ​ហៅ​រថយន្ត​សាម៉ុយដឹកយកទៅសង្គ្រោះបន្ទាន់នៅគ្លីនិកឯកជន។

ប្រភពបន្តទៀតថា​ ក្រោយពីកើតហេតុ​ ម្ចាស់រថយន្តបង្កបានបើកទ្វាររថយន្តព្យាយាមរត់គេចខ្លួន​ តែត្រូវបាន​បងប្អូនប្រជាពលរដ្ឋ​នាំគ្នាដេញតាមឃាត់ខ្លួនជនបង្កខាងលើ​ បានក៏នាំគ្នាព្រួតវាយមួយដៃមួយជើងម្នាក់បណ្តាល​ជនបង្កសន្លប់ស្ដូកស្ដឹងនៅនឹងកន្លែងកើតហេតុ​ រួចប្រគល់អោយសមត្ថកិច្ចវាយខ្នោះ​ និងហៅ​រថយន្ត​សាម៉ុយដឹកយកទៅសង្គ្រោះបន្ទាន់នៅគ្លីនិកឯកជន។

តៃកុងឡានបង្កហេតុ

ក្រោយកើតហេតុ​ សមត្ថកិច្ចមូលដ្ឋានបានទាក់ទងទៅសមត្ថកិច្ចជំនាញចុះមកកន្លែងកើតហេតុធ្វើការវាស់វែង​ ប្រគល់ខ្លួនអ្នកបើកបរ​ រថយន្តបង្ក​ រថយន្តរងគ្រោះ​ និងម៉ូតូរងគ្រោះយកទៅរក្សាទុកនៅការិយាល័យនគរបាលចរាចរណ៍ជើងគោក​ នៃស្នងការដ្ឋាននគរបាលរាជធានីភ្នំពេញ​ ដើម្បីរង់ចាំការដោះស្រាយគ្នា។ ចំណែកឯ​សព​ជន​រងគ្រោះត្រូវបានសមត្ថកិច្ចដឹកយកទៅតម្កល់ទុកនៅវត្តទឹកថ្លា​ ដើម្បីរង់ចាំសាច់ញាតិមកទទួលយកទៅធ្វើបុណ្យតាមប្រពៃណី​។

រឺឯជនរងគ្រោះដែលរងរបួសធ្ងន់ស្រាលចំនួន​ ២នាក់ ត្រូវបានដាក់តាមម៉ូតូកង់បីយកទៅសង្គ្រោះនៅមន្ទីរពេទ្យកាល់ម៉ែត៕ ដោយ៖បញ្ញាស័ក្តិ

spot_img
×