Wednesday, June 29, 2022

បុរស​ម្នាក់​ស្រវឹង​បើករថយន្ត​ Alphard​ ទៅបុក​រថយន្ត​ MAZDA ​រួច​ព្យាយាម​បើក​រត់​ទៅបុក​រថយន្ត​មួយគ្រឿង​និង​ម៉ូតូ​២​គ្រឿង​ទៀត​ បណ្តាល​ឲ្យ​នារី​ម្នាក់​បាន​ស្លាប់​ភ្លាមៗ​និង​៣​នាក់​ទៀត ​រងរបួស​ស្រាល​

​ភ្នំពេញ​÷​នារី​ស្រស់ស្អាត​ម្នាក់​បាន​បាត់បង់​ជីវិត​ភ្លាមៗ​នៅ​កន្លែងកើតហេតុ​ និង​៣​នាក់​ទៀត​រងរបួស​ស្រាល​ បន្ទាប់ពី​ជួប​គ្រោះថ្នាក់​ចរាចរណ៍​ត្រូវ​រថយន្ត​ Alphard​ បើក​ទៅបុក​រួច​កិន​ពីលើ​បណ្តាល​ឲ្យ​ស្លាប់​នៅនឹងកន្លែង​។ ចំណែកឯ​ជនបង្ក​វិញ​ត្រូវ​សមត្ថកិច្ច​ឃាត់​បាន​វាយខ្នោះ​យកទៅ​ប៉ុស្តិ៍នគរបាល​រដ្ឋបាល​ស​ង្កា​ត់​ស្ទឹងមានជ័យ​ទី ៣ ដើម្បី​ចាត់ការ​តាមផ្លូវ​ច្បាប់​។​

​ហេតុការណ៍​គ្រោះថ្នាក់​ចរាចរណ៍​នេះដែរ​បានកើត​ឡើង​នៅវេលា​ម៉ោង​៨ និង ១៥ នាទី​យប់​ថ្ងៃទី ២៣ ខែមករា ឆ្នាំ ២០២១ ស្ថិតនៅតាម​បណ្ដោយ​ផ្លូវ ២១៧ ត្រង់ចំណុច​ទល់មុខ​បុរី​ប៉េង​ហួត ក្នុង​សង្កាត់​ស្ទឹងមានជ័យ​ទី ២ ខណ្ឌមានជ័យ រាជធានី​ភ្នំពេញ​។​

​សព​ជនរងគ្រោះ ឈ្មោះ​ស្រី ហេង អាយុ​២៦ ឆ្នាំ មុខរបរ​លក់​សាច់ជ្រូក​នៅ​ផ្សារ​បឹងត្របែក មាន​ទីលំនៅ​ក្នុងភូមិ​សំបួរ សង្កាត់​ដង្កោ ខណ្ឌដង្កោ រាជធានី​ភ្នំពេញ​។​

​បើ​យោងតាម​ប្រភពព័ត៌មាន​ពី​ភាគី​ជនរងគ្រោះ​បាន​ប្រាប់​ខាង​សារព័ត៌មាន ​CEN ឲ្យ​ដឹងថា មុនពេល​កើតហេតុ​គាត់​បានឃើញ​រថយន្ត ម៉ាក Alphard​ ពណ៌​ស​មួយគ្រឿង​ពាក់​ផ្លាកលេខ ភ្នំពេញ​ 2-BJ 2004 បើកប​ដោយ​បុរស​ម្នាក់​ក្នុងស្ថានភាព​ស្រវឹង​ធ្វើដំណើរ​តាម​បណ្តោយ​ផ្លូវ​២១៧ ក្នុងទិសដៅ​ពី​លិច​មក​កើត​ក្នុង​ល្បឿន​យ៉ាង​លឿន​មក​បុក​ពីក្រោយ​រថយន្ត MAZDA ពេញទំហឹង​បណ្តាល​ឲ្យ​រង​ការខូចខាត​មិន​ព្រម​ទទួលខុសត្រូវ​រួច​បន្ត​ព្យាយាម​បើក​រត់​ទៅមុខទៀត​ទៅបុក​រថយន្ត​ម៉ាក​កាមរី​ឆ្លាម និង​ម៉ូតូ​២​គ្រឿង​ទៀត​បណ្តាល​ឲ្យ​ស្លាប់​នារី​ម្នាក់​និង​៣​នាក់​ទៀត​រងរបួស​ស្រាល​។​ចំណែក​អ្នកបង្ក​ត្រូវ​សមត្ថកិច្ច ឃាត់​បាន​ទាំង​រថយន្ត​និង​តៃកុង​ទុក​ប្រគល់​ឲ្យ​ខាង​ជំនាញ​ក្រុង​។​

​ក្រោយពេល​កើតហេតុ​សមត្ថកិច្ច​មូល​ដ្ឋា​ន​សហការ​ជាមួយនឹង​ខាង​ជំនាញ​ចរាចរណ៍​ខណ្ឌមានជ័យ​ចុះមក​ដល់​រួច​បានប្រគល់​តួនាទី​នេះ​ទៅ​ឲ្យ​ខាង​ចរាចរណ៍​ជំនាញ​ក្រុង​ចុះមក​វាស់វែង​និង​ធ្វើក​ណ​ត់​ហេតុ​យក​ម៉ូតូ​និង​រថយន្ត​ទៅ​រក្សាទុក​នៅ​ខាង​ការិយាល័យ​ចរាចរណ៍​ផ្លូវគោក​រង់ចាំ​ដោះស្រាយ​នៅពេល​ក្រោយ​។ រួច​ប្រគល់​សព​ឲ្យ​ក្រុមគ្រួសារ​យកទៅ​ធ្វើបុណ្យ​តាម​ប្រពៃណី​៕​រក្សា​សិទ្ធិ​ដោយ​៖ សា មេ​ត​