កំពង់ឆ្នាំង៖ ស្ត្រីមេម៉ាយម្នាក់ ត្រូវបានឃាតកឡើងទៅអារ ក សម្លាប់នៅលើផ្ទះ នៅវេលាម៉ោង ១១យប់ថ្ងៃទី២៤ ខែមករា ឆ្នាំ២០២១ នៅចំណុចភូមិសម្លសាប ស្ថិតក្នុងឃុំតាំងក្រសាំង ស្រុកទឹកផុស ខេត្តកំពង់ឆ្នាំង។
ស្ត្រីរងគ្រោះដែលត្រូវបានឃាតករសម្លាប់ឈ្មោះ អឿន ណេន អាយុ៣០ឆ្នាំ ជាស្ត្រីមេម៉ាយកូន៣នាក់ មានទីលំនៅក្នុងភូមិឃុំកើតហេតុខាងលើ។ ឃាតកត្រូវបានកំណត់មុខសញ្ញាបានហើយ បច្ចុប្បន្នសមត្ថកិច្ចកំពុងតាមចាប់ជនដៃដល់នេះ យកមកផ្ដន្ទាទោសទៅតាមច្បាប់។ មូលហេតុដែលបណ្ដាលឱ្យឃាតករសម្លាប់ស្ត្រីជាជនរងគ្រោះ នេះបើតាមការសន្និដ្ឋាន គឺប្រហែលជាបណ្ដាលមកពីស្នេហាត្រីកោណ ហើយសមត្ថកិច្ចកំពុងស្វែងរកតាមចាប់ឃាតករ និងកសាងសំណុំរឿងបញ្ជូនទៅតុលាការដើម្បីផ្ដន្ទាទោសទៅតាមច្បាប់៕ រក្សាសិទ្ធិដោយ៖បញ្ញាស័ក្តិ
