Friday, May 27, 2022

ឧ​ត្ត​ម​សេនីយ៍​ឯក ស ថេត ត្រូវបាន​ដំឡើង​ឋានន្តរ​ស័​ក្កិ​ក្បាច់គុន​ខ្សែក្រវាត់​ខ្មៅ​៣​ដាន់ ខណៈ​កម្លាំង​អន្តរាគមន៍ ៥០​នាក់​ហ្វឹកហាត់​កា​រ៉ា​តេ​ដូ​

​ភ្នំពេញ ៖ ក្នុងនាម​ជាម​ន្ត្រី​សមត្ថកិច្ច ចៀសវាង​ការជួប​ប្រយុទ្ធ​ជាមួយ​ជនល្មើស ឬថា​ជនល្មើស​តដៃ ស្រាប់តែ​មន្ត្រី​សមត្ថកិច្ច​បែរជា​ដំឡូង​មូល​សុទ្ធ ក៏​មិនកើត​ដែរ ដូច្នេះ រ​សៀ​ថ្ងៃទី​២៧ ខែមករា ឆ្នាំ​២០២១ នៅ​សាលប្រជុំ នៃ​ស្នងការដ្ឋាន​នគរបាល​រាជធានី​ភ្នំពេញ បានរៀបចំ​ពិធី​បើក​វគ្គ​ហ្វឹកហាត់​ក្បាច់គុន​កា​រ៉ា​តេ​ដូ ដល់​មន្ត្រី​អន្តរាគមន៍ សរុប​ចំនួន ៥០​នាក់ (​ស្រី​៤​នាក់​) ដោយ​ត្រូវ​ហ្វឹកហាត់​រយ​:​ពេល​៦​ខែ ចាប់ពី​ថ្ងៃទី​២៧ ខែមករា ដល់​ថ្ងៃទី​១៦ ខែសីហា ឆ្នាំ​២០២១​។

​ពិធី​បើក​វគ្គ​ហ្វឹកហាត់​ក្បាច់គុន​នេះ ចូលរួម​ដោយ លោក​សាស្ត្រាចារ្យ សា​មឺ​ឌី ស៊ីវ​ឌ្ឍ​នា អនុរដ្ឋលេខាធិការ​ក្រសួង​អប់រំ យុវជន និង​កីឡា និង​ជា​អនុប្រធាន​សហព័ន្ធ​កីឡា​កា​រ៉ា​តេ​ដូ​កម្ពុជា​, ឧ​ត្ត​ម​សេនីយ៍​ឯក ស ថេត អគ្គ​ស្នងការរង និង​ជា​ស្នងការ​នគរបាល​រាជធានី​ភ្នំពេញ ព្រមទាំង​ស្នងការរង និង​មន្ត្រីនគរបាល​ជាច្រើនរូប​ទៀត​។​

​ជាមួយគ្នានេះដែរ លោក សា​មឺ​ឌី ស៊ីវ​ឌ្ឍ​នា បាន​ឡើង​ប្រគល់​សញ្ញាប័ត្រ​ខ្សែក្រវ៉ាត់​ខ្មៅ ៣​ដាន់ ជូន​ដល់ ឧ​ត្ត​ម​សេនីយ៍​ឯក ស ថេត និង​បាន​ថ្លែងប្រាប់​អ្នក​ហ្វឹកហាត់​ថា សាលា​កា​រ៉ា​តេ​ដូ​នៅ​កម្ពុជា គឺជា​សមាជិក​កា​រ៉ា​តេ​ដូ​ពិភពលោក ជាពិសេស មានការ​ទទួលស្គាល់​ពី​ប្រទេស​ជប៉ុន​។​

​ឧ​ត្ត​ម​សេនីយ៍​ឯក ស ថេត បាន​ថ្លែងអំណរគុណ​ដល់ លោក​អនុប្រធាន​សហព័ន្ធ​កា​រ៉ា​តេ​ដូ​កម្ពុជា ដែល​បាន​ចំណាយពេល​វេលា​ដ៏​មានតម្លៃ​ដើម្បី​ជួយ​ដឹកនាំ​លោក លោកស្រី​គ្រូ​ប​ហ្វឹក​មកជួយ​ហ្វឹកហាត់​ដល់​កងកម្លាំង​អន្តរាគមន៍ នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ឲ្យ​មាន​សុខ​ភាពល្អ ការពារ​ខ្លួន ក៏ដូចជា​ងាយស្រួល​ក្នុង​ការចេញ​ប្រតិបត្តិ​ការណ៍​បង្ក្រាប​បទ​ល្មើស​ផ្សេងៗ​។​

​ឧ​ត្ត​ម​សេនីយ៍​ឯក ស ថេត បាន ថ្លែងអំណរគុណ​ដល់ នាយ​ឧ​ត្ត​ម​សេនីយ៍ សន្តិ​បណ្ឌិត នេ​ត សាវឿន អគ្គស្នងការ​នគរបាល​ជាតិ ដែល​បាន​ផ្តួចផ្តើម​គំនិត​ដើម្បី​ឲ្យ​មានការ​រៀបចំ​នូវ​ការហ្វឹកហាត់​ក្បាច់​គុម​កា​រ៉ា​តេ​ដូ នេះ​៕ រក្សា​សិទ្ធិ​ដោយ ពិសិដ្ឋ CEN​