Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ផ្ទះ​ឈើ​ប្រក់​ក្បឿង​មួយ​ខ្នង​ត្រូវ​ឆេះ​ម៉ត់ ខណៈដែល​ម្ចាស់​កំពុង​លក់​និង​ដំណេក តែ​មិន​បង្ក​ឲ្យ​មាន​របួស​ឡើយ​

spot_img

​តាកែវ ៖ ផ្ទះ​ឈើ​ប្រក់​ក្បឿង​មួយ​ខ្នង​មាន​ទំហំ​៤​ម៉ែត្រ​គុណ​៥​ម៉ែត្រ ត្រូវបាន​ភ្លើង​ឆេះ​អស់​គ្មាន​សល់ បង្ក​ការភ្ញាក់ផ្អើល​ទាំងយប់​នៅ​ស្រុក​អង្គរ​បូរី​។ ហេតុការណ៍​នេះ​កើតឡើង​នៅ​យប់​ថ្ងៃទី​២៧ ខែមករា ឆ្នាំ​២០២១ វេលា​ម៉ោង​២៣​និង​១០​នាទី ស្ថិតនៅ​ភូមិ​កំពង់​ពោធិ៍ ឃុំ​ព្រែក​ផ្ទោល ស្រុក​អង្គរ​បូរី ខេត្តតាកែវ ដែល​ម្ចាស់ផ្ទះ​ឈ្មោះ ស្រូ​យ ភឿន អាយុ​៤២​ឆ្នាំ និង​ប្រពន្ធ​ឈ្មោះ អឹម ឃឿន អាយុ ៤០​ឆ្នាំ​។​

ម្ចាស់ផ្ទះ​បាន​រៀបរាប់ថា ពេល​កំពុង​លង់លក់​នឹង​ដំណេក​កកើត​មាន​អគ្គិភ័យ ដែល​ករណីនេះ​អាច​បណ្តាលមកពី​ឆ្លង​ចរន្តអគ្គិសនី​ក្នុងផ្ទះ​។ គាត់​បន្តថា ចំពោះ​ការ​ខាត់​បង់​ក្រៅពី​ផ្ទះមួយ​ខ្នង នៅមាន​ទ្រព្យសម្បត្តិ​សរុប​ជា​ប្រាក់​ប្រហែលជា​១​លាន​៥០​ម៉ឺន​រៀល​ទៀត​។​

​លោក យ៉ុ​ន ប៊ុន​យ៉ុង អធិការនគរបាល​ស្រុក​អង្គរ​បូរី បាន​ឲ្យ​ដឹង​ដែរ​ថា ក្រោយ​ទទួលបាន​ព័ត៌មាន​នេះ​ភ្លាម កម្លាំង​ជំនាញ​អគ្គិភ័យ​របស់​អធិការដ្ឋាន​នគរបាល​ស្រុក​អង្គរ​បូរី សហការ​ជាមួយ​កម្លាំង​ប៉ុស្តិ៍នគរបាល​រដ្ឋបាល​ព្រែក​ផ្ទោល រួមជាមួយ​ប្រជា​ការពារ​ភូមិ និង​ប្រជាពលរដ្ឋ​ក្បែរៗ​នោះ បានចេញ​ជួយ​អន្តរាគមន៍ ក្នុងនោះ​កម្លាំង​បាន​ប្រើប្រាស់​ទឹក​អស់​ចំនួន​០២​ឡាន ទើប​អគ្គិភ័យ​ខាងលើ​រលត់​ជា​ស្ថាពរ មិន​ឆេះ​ឆ្លង​រាលដាល​ដល់ផ្ទះ​ក្បែរ​ខាង ដោយ​ប្រើពេល​មួយ​ម៉ោង​កន្លះ ក្នុងការ​ទប់ស្កាត់​ហេតុការណ៍​អគ្គិភ័យ​នេះ​បាន ៕ រក្សា​សិទ្ធិ​ដោយ​៖​តាកែវ​

spot_img
×