ភ្នំពេញៈ មនុស្សចំនួន ១៥៣នាក់បានស្លាប់ និងរបួសចំនួន ២៥៩នាក់ ក្នុងនោះធ្ងន់ចំនួន ២២៦នាក់ នៅក្នុងគ្រោះថ្នាក់ចរាចរណ៍ទូទាំងប្រទេស រយៈពេល ២៩ថ្ងៃ ចាប់ពីថ្ងៃទី១ ដល់ថ្ងៃទី២៩ ខែមករា ឆ្នាំ២០២១។ នេះបើយោងតាមរបាយការណ៍របស់អគ្គស្នងការដ្ឋាននគរបាលជាតិ ដែលសារព័ត៌មាន CEN ទទួលបាននៅព្រឹកថ្ងៃទី៣០ ខែមករា ឆ្នាំ២០២១។
របាយការណ៍បានបន្តថា សម្រាប់គ្រោះថ្នាក់ចរាចរណ៍នៅថ្ងៃទី២៩ ខែមករា ឆ្នាំ២០២១ បានកើតឡើងចំនួន ៦លើក ស្លាប់ ៦នាក់ និងរបួសធ្ងន់ ១នាក់។
របាយការណ៍ដដែលបានឲ្យដឹងទៀតថា ចំពោះការរឹតបន្តឹងការអនុវត្តច្បាប់ចរាចរណ៍វិញ នៅក្នុងរយៈពេល ២៩ថ្ងៃ គិតចាប់ពីថ្ងៃទី១ ដល់ថ្ងៃទី២៩ ខែមករា ឆ្នាំ២០២១ យានយន្តដែលល្មើសច្បាប់ចរាចរណ៍មានចំនួនសរុប ២៧១៧៤នាក់ ក្នុងនោះម៉ូតូចំនួន ២០០៧៨គ្រឿង និងរថយន្តចំនួន ៧០៩៦គ្រឿង រថយន្តតូច ៥៧១២គ្រឿង និងធំ ១៣៨៤គ្រឿង៕ រក្សាសិទ្ធិដោយៈ ចេស្តារ
