Sunday, January 29, 2023

អគ្គិភ័យ​លេប​ត្របាក់​ចំការ​អំពៅ​ជាង​៥​ហិកតា របស់​ក្រុមហ៊ុន​កុយ​សា​រ៉េ​ន សង្ស័យ​មនុស្ស​លួច​ដុត​នៅ​ស្រុក​ស្វាយទាប​

spot_img

​ខេត្តស្វាយរៀង​៖ នៅ​ថ្ងៃទី​២៩ ខែមករា ឆ្នាំ​២០២១ នៅវេលា​ម៉ោង​៧​និង​២០​នាទី​យប់ មាន​ករណី​ភ្លើង​ឆេះ​ចំការ​អំពៅ​របស់​ក្រុមហ៊ុន​កុយ​សា​រ៉េ​ន អស់​ចំនួន​៥,៥​ហិកតា​ស្ថិតនៅ​ភូមិ​ត្រពាំង​​ផ្លាំ​ង ឃុំ​ព្រៃ​តា​អី ស្រុក​ស្វាយទាប​ខេត្តស្វាយរៀង​សមត្ថកិច្ច​ដាក់​ការសង្ស័យថា មាន​ជន​មិន​ស្គាល់មុខ​លួច​ដុត​។​

​លោក​អនុសេនីយ៍ឯក ស៊ឹម សុខា នាយ​ប៉ុ​ស្ត៍ន​គ​បាល​រដ្ឋបាល​ឃុំ​ព្រៃ​តា​អី​បាន​ឲ្យ​ដឹងថា ក្រោយពី​ក្រុមហ៊ុន​រាយការណ៍ មក​នគ​បាល​ប៉ុស្តិ៍​រដ្ឋបាល​ឃុំ​ព្រៃ​តា​អី និង​នគ​បាល​ការពារ​ព្រំដែន​ប៉ុស្តិ៍​ច្រកទ្វា​តំបន់​ព្រំដែន​ព្រៃ​តា​អី ភ្លាម​កម្លាំង​សមត្ថកិច្ច​បាន​ចុះ​អន្តរាគមន៍ ជួយ​ពន្លត់ភ្លើង​ដែល​ឆេះ​ចំការ​អំពៅ នោះ​ហើយ​ភ្លើង​បាន​រលត់​នៅវេលា​ម៉ោង​៨​និង​៤០​នាទី​យប់ ដោយ​កម្មករ​បាន​យក​ត្រាក់ទ័រ​ដឹក​ទឹក បាញ់​ពន្លត់​និង​បាញ់​ទឹក​ដាក់​អំពៅ នៅខាងមុខ​ភ្លើង​រហូត​គ្រប់គ្រង បាន​មិន​ឆេះ​រាលដាល​បន្តទៅ​ចំការ​ក្បែ​នោះ​ទៀត​។ សមត្ថកិច្ច​ដាក់​ការសង្ស័យថា មូលហេតុ​ជន​មិន​ស្គាល់មុខ​លួច​ដុត​។ បច្ចុប្បន្ន​កម្លាំង​ប៉ុស្តិ៍នគរបាល​រដ្ឋបាល​ព្រៃ​តា​អី សហការ​ជាមួយ​ប៉ុស្តិ៍នគរបាល​ច្រកទ្វារ​តំបន់​ព្រំដែន​ព្រៃ​តា​អី ចុះ​ស្រាវជ្រាវ​រកមុខ​សញ្ញា ដើម្បី​យកមក​ផ្តន្ទាទោស​តាមច្បាប់​។

​សមត្ថកិច្ច​បាន​ឲ្យ​ដឹង​ទៀតថា នៅ​រដូវ​ប្រមូល​ទិនផល​អំពៅស្ករ តែងតែមាន​ភ្លើង​ឆេះ​ចំការ​អំពៅ​ជា​ញឹកញាប់ ក៏ប៉ុន្តែ​មិនដែល​រកឃើញ​មូលហេតុ នៃ​ការឆេះ​អំពៅ​នេះ​បានច្បាស់លាស់​នោះទេ ហើយក៏​មិនដែល​ចាប់បាន​ជនសង្ស័យ​ណា​ម្នាក់​នោះដែរ ដោយ​ចំការ​អំពៅ​របស់​ក្រុមហ៊ុន​រាប់ពាន់​ហិកតា ដាំ​នៅតាម​បន្ទាត់​ព្រំដែន​ឆ្ងាយ​ពី​ផ្ទះ​អ្នកស្រុក​ដូច្នេះ​ពិបាក​និង​គ្រប់គ្រង ហើយ​ពេល​មាន​ភ្លើង​ឆាបឆេះ​គឺ​ដាក់​ការសង្ស័យ ថា​មាន​មនុស្ស​លួច​ដុត ចេតនា​ឈ្នា​និះ​៕​រក្សា​សិទ្ធិ​ដោយ​៖ វ៉ៃ​កូ​