ភ្នំពេញ : ផ្ទះល្វែងមួយកន្លែងនៅក្នុងបុរីលឹមឈាងហោ ត្រូវបានឣគ្គិភ័យឆាបឆេះខណ:ពេលម្ចាស់ផ្ទះរៀបចំសែនដកជើងធូបរួចដុតធូបនៅលើកុងម៉ាហើយចាក់សោផ្ទះចេញទៅបាត់។
ហេតុការណ៍ឣគ្គិភ័យបង្កឲ្យមានការភ្ញាក់ផ្អើលខាងលើនេះបានកើតឡើងនៅវេលាម៉ោង១១និង៣០នាទីថ្ងៃទី៥ខែកុម្ភៈឆ្នាំ២០២១ ស្ថិតនៅផ្លូវបេតុងក្នុងបុរីលឹមឈាងហោ ផ្ទះលេខV២៦ ភូមិសំបួរសង្កាត់ដង្កោខណ្ឌដង្កោរាជធានីភ្នំពេញ ដែលមានម្ចាស់ផ្ទះឈ្មោះពុំ ណារិនត្រូវជាប្តីនិងប្រពន្ធឈ្មោះ ឣ៊ូច ស្រីផាត ។
តាមប្រភពព័ត៌មាននៅកន្លែងកើតហេតុបានឲ្យដឹងថាមុនពេលកើតហេតុម្ចាស់ផ្ទះខាងលើដែលកាត់ខ្សែស្រឡាយចិនផងដែរនោះបានរៀបចុពិធីសែនដកជើងធូបនិងដុតធូបនៅលើរាន្តកុងម៉ាថ្មីរួចកបានចាក់សោផ្ទះចេញទៅក្រៅបាត់ មួយសន្ទុះក្រោយមកក៏ឃើញមានផ្សែងហុយចេញឣណ្តាតភ្លើងបង្កឲ្យមានការភ្ញាក់ផ្អើលដល់ឣ្នកជិតខាងនិងបានរាយការណ៍ជូនសមត្ថកិច្ចមូលដ្ឋាននាំគ្នាជួយឣន្តរាគមន៍វាយសោទ្វាទម្លុះចូលដើម្បីយកបំពង់បាញ់ពន្លត់និងយកទឹកបាញ់ទប់ស្កាត់កុំឲ្យមានការរីករាលដាលដល់ផ្ទះឣ្នកជិតខាង។
តាមការបញ្ជាក់ពីសមត្ថកិច្ចជំនាញបានឲ្យដឹងថា ឣគ្គិភ័យខាងលើនេះគឺបណ្តាលមកពីឆេះភ្លើងធូប ក្នុងហេតុការណ៍ឣគ្គិភ័យនេះពុំមានបណ្តាលឲ្យមានឣ្នករងរបួសនោះទេគ្រាន់តែខូចខាតសម្ភាររបស់ម្ចាស់ផ្ទះមួយចំនួនប៉ុណ្ណោះ៕រក្សាសិទ្ធិ ដោយ÷សួង សាម
