ភ្នំពេញ៖ ឡានដឹកក្រុមតន្ត្រីសម័យវិលមកពីប្រគំវិញ បើកលឿនធ្លាក់ផ្លូវក្រឡាប់ខូចខ្ទេចឧបរណ៍ភ្លេងអស់មួយចំនួន កាលពីវេលាម៉ោង៥និង៤០នាទី ថ្ងៃទី៥ ខែកុម្ភៈ ឆ្នាំ២០២១ ផ្លូវជាតិលេខ៤ ចន្លោះគីឡូម៉ែត្រលេខ ១៩១-១៩២ ស្ថិតក្នុងភូមិបត់សិរមាន់ ឃុំព្រៃនប់ ស្រុកព្រៃនប់ ខេត្តព្រះសីហនុ ។
ឡានដឹកក្រុមតន្ត្រីសម័យបើកលឿនធ្លាក់ផ្លូវក្រឡាប់ចុះលេងក្នុងប្រឡាយទឹក របួសស្រាល២នាក់ ៖ ១/ឈ្មោះ ម៉ាល វណ្ណឌី ភេទប្រុស អាយុ២៩ឆ្នាំ មុខរបរ អ្នកលេងភ្លេង ជាអ្នកបើកបរ ទីលំនៅ ភូមិព្រែកថ្មី សង្កាត់ព្រែកថ្មី ខណ្ឌច្បាអំពៅ២ រាជធានីភ្នំពេញ(របួសស្រាល)។ ២/ឈ្មោះ ពេញ បរមី ភេទស្រី អាយុ២៦ឆ្នាំ មុខរបរអ្នកចម្រៀង ទីលំនៅ ភូមិព្រែកថ្មី សង្កាត់ព្រែកថ្មី ខណ្ឌច្បាអំពៅ២ រាជធានីភ្នំពេញ(របួសស្រាល)៕ រក្សាសិទ្ធិដោយ៖បញ្ញាស័ក្តិ
