កាលពីថ្ងៃទី៤ ខែកុម្ភៈ ឆ្នាំ២០២០ តារាចម្រៀងរ៉េបអាមេរិកលោក Lil Uzi Vert ធ្វើឲ្យមហាជន ជាពិសេសអ្នកគាំទ្រ លាន់មាត់ភ្ញាក់ផ្អើលស្រឡាំងកាំងគ្រប់ៗគ្នាតែម្តង ក្រោយពីគាត់បានបង្ហោះវីដេអូនៅលើគណនីបណ្តាញសង្គម Instagram ដោយដាក់ចំណងជើងថា “សម្រស់គឺជាការឈឺចាប់ -Beauty is pian” ដែលបង្ហាញឲ្យឃើញឡើងញាក់សាច់ ជាមួយត្បូងពេជ្រប្រហែល ១១ ការ៉ាត់ ដែលមានតម្លៃ ២៤ លានដុល្លារ ត្រូវបានដាំនៅចំកណ្តាលថ្ងាសរបស់គាត់។
យោងតាមទំព័រហ្វេសប៊ុកឈ្មោះថា Six នោះតារារ៉េបដែលជាម្ចាស់បទ “XO TOUR Llif3” រូបនេះ ត្រូវបានដឹងថា បានចំណាយលុយយ៉ាងច្រើនសន្ធឹកសន្ធាប់ ទៅលើនាឡិកា, សម្លៀកបំពាក់, រថយន្ត និងគ្រឿងអលង្ការគ្រប់ប្រភេទ ប៉ុន្តែ ការទិញចុងក្រោយនេះរបស់គាត់ គឺធ្វើឲ្យផ្អើលតែម្តង។
អ្វីដែលតារារ៉េបរូបនេះ បានធ្វើឲ្យគេចាប់អារម្មណ៍នោះ គឺនៅក្នុងវីដេអូរបស់គាត់ៗ បានបង្ហាញត្បូងពេជ្រដ៏មានតម្លៃ ដាំជាពិសេសនៅចំកណ្តាលថ្ងាស និងនៅត្រចៀកតែម្តង៕ រក្សាសិទ្ធិដោយ៖ លឹម ហុង
Lil Uzi Vert’s new $24 million face diamond ? pic.twitter.com/CPqsPFFru7
— Hot Freestyle (@HotFreestyle) February 3, 2021