ភ្នំពេញ ៖ កម្លាំងសមត្ថកិច្ចជំនាញខណ្ឌដូនពេញ សហការជាមួយកម្លាំងនគរបាលប៉ុស្តិ៍ស្រះចក បានធ្វើការស្រាវជ្រាវឃាត់ខ្លួនជនសង្ស័យចំនួន៥នាក់ នៅវេលាម៉ោង០៩ និង៣០នាទីថ្ងៃទី៥ ខែកុម្ភៈ ឆ្នាំ២០២១ ស្ថិតនៅត្រង់ចំណុចផ្ទះសំណាក់យីហោ ហេង លាភ សង្កាត់មិត្តភាព ខណ្ឌ៧មករា រាជធានីភ្នំពេញ និងបន្តឃាត់ខ្លួនបក្ខពួកចំណុចផ្សារសាំហាន់ សង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ ទៀតនៅវេលាម៉ោង០៣និង៣០នាទីរសៀល ក្រោយពីបានធ្វើសកម្មភាពលួចម៉ូតូ កាលពីថ្ងៃទី៣ ខែកុម្ភៈ ឆ្នាំ២០២១ វេលាម៉ោង១៨ និង៣០នាទី នៅចំណុចផ្ទះសំណាក់យីហោ ភូល ថប ផ្ទះលេខ៤០អា ផ្លូវលេខ៩០ ភូមិ១១ សង្កាត់ស្រះចក ខណ្ឌដូនពេញ រាជធានីភ្នំពេញ ។
ជនសង្ស័យទាំង ៥ នាក់ ដែលត្រូវសមត្ថកិច្ចនគរបាលឃាត់ខ្លួនបាន ទី ១ ឈ្មោះចាន់ សាមឌី ភេទប្រុស អាយុ១៥ឆ្នាំ ជនជាតិខ្មែរ មុខរបរ និងទីលំនៅមិនពិតប្រាកដ(ឃាត់ខ្លួន)។ ២-ឈ្មោះ ចំរើន ភារ៉ាន់ ហៅរ៉ូ ភេទប្រុស អាយុ២១ឆ្នាំ ជនជាតិខ្មែរ មុខរបរ មិនពិតប្រាកដ ទីលំនៅភូមិស្វាយជ្រុំ ឃុំព្រែកតាកូវ ស្រុកល្វាឯម ខេត្តកណ្តាល(ឃាត់ខ្លួន)។ ៣-ឈ្មោះ ម៉ៅ បញ្ញា ភេទស្រី អាយុ២៣ឆ្នាំ ជនជាតិខ្មែរ មុខរបរ និងទីលំនៅមិនពិតប្រាកដ(ឃាត់ខ្លួន)។ ៤-ឈ្មោះ ច្រឹក វិសាល ហៅប្រុស ភេទប្រុស អាយុ៣៤ឆ្នាំ ជនជាតិខ្មែរ មុខរបរ និងទីលំនៅមិនពិតប្រាកដ(ឃាត់ខ្លួន)។ ៥-ឈ្មោះ ធួន ម៉ាលីន ភេទប្រុស អាយុ៤០ឆ្នាំ ជនជាតិខ្មែរ មុខរបរ និងទីលំនៅមិនពិតប្រាកដ(ឃាត់ខ្លួន)។ វត្ថុតាងចាប់យក ១-ម៉ូតូមួយគ្រឿងម៉ាក HONDA SCOOPY I ពណ៌ខ្មៅ ផ្លាកលេខ ភ្នំពេញ 1WF-6192 លេខតួ+លេខម៉ាស៊ីន 8061903(ជារបស់ជនសង្ស័យឈ្មោះ ចំរើន ភារ៉ាន់ ហៅរ៉ូ)។ ២-ម៉ូតូមួយគ្រឿងម៉ាក SIRIUS ពណ៌ខ្មៅលាយស ផ្លាកលេខ សៀមរាប 1C-2590 លេខតួ+លេខម៉ាស៊ីន928725, ផ្លាកលេខមួយសន្លឹក ភ្នំពេញ 1FN-9269 , ទូរស័ព្ទដៃមួយគ្រឿងម៉ាក VIVO ពណ៌ក្រហម, ញញួរមួយដើម, ស្នប់មួយដើម, ទីបមូលមួយដើម, ដង្កាប់អូតូមួយដើម, ដង្កាប់កាត់មួយដើម, កន្ត្រៃកាត់មួយដើម, សោខ្សៀរ២ដើម ,សោចិញ្ចៀន០៤ដើម, ទួណឺវិសមួយដើម និងកាបូបស្ពាយចំហៀង ពណ៌ខ្មៅ សម្រាប់ដាក់ឧបករណ៍ធ្វើសកម្មភាពមួយ(ជារបស់ជនសង្ស័យឈ្មោះ ធួន ម៉ាលីន)។ ៣-ទួណឺវិសមួយ ដងជ័រ ពណ៌ខ្មៅ,ដែកកែច្នៃសំប៉ែតមុខស្រួចមួយសម្រាប់កាច់បំបែកសោរ កម៉ូតូ និងទូរស័ព្ទដៃមួយគ្រឿងម៉ាក SAMSUNG ពណ៌ខ្មៅ(ជារបស់ជនសង្ស័យឈ្មោះ ច្រឹក វិសាល ហៅប្រុស)។
ចំណែកជនរងគ្រោះមានឈ្មោះ ដូ បញ្ជារ៉ា ភេទប្រុស អាយុ២៤ឆ្នាំ ជនជាតិខ្មែរ មុខរបរ អ្នកសារព័ត៌មាន ស្នាក់នៅផ្ទះលេខ៣៩ ផ្លូវលេខ៣៩BT សង្កាត់បឹងទំពុនទី១ ខណ្ឌមានជ័យ រាជធានីភ្នំពេញ។
តើត្រូវក្រុមជនសង្ស័យធ្វើសកម្មភាព លួចម៉ូតូមួយគ្រឿងម៉ាក HONDA SCOOPY I ពណ៌ខ្មៅ ផ្លាកលេខ ភ្នំពេញ 1HT-6929។
សមត្ថកិច្ចបានឲ្យដឹងថា កាលពីថ្ងៃទី៣ ខែកុម្ភៈ ឆ្នាំ២០២១ វេលាម៉ោងប្រហែល១១ និង០៥នាទី ជនរងគ្រោះបានជិះម៉ូតូម៉ាក HONDA SCOOPY I ចតមុខផ្ទះសំណាក់យីហោ ភូល ថប ផ្ទះលេខ៤០អា ផ្លូវលេខ៩០ ភូមិ១១ សង្កាត់ស្រះចក ខណ្ឌដូនពេញ រាជធានីភ្នំពេញ ដោយពុំបានដកចង្កឹះសោចេញពីម៉ូតូ រួចឡើងទៅលើផ្ទះសំណាក់ រហូតដល់ម៉ោង១៨ និង៣០នាទី នាថ្ងៃខែឆ្នាំដដែល ជនរងគ្រោះបានចុះមកយកម៉ូតូ ស្រាប់តែបាត់ម៉ូតូពីកន្លែងចតតែម្តង ទើបជនរងគ្រោះមករាយការណ៍ នឹងដាក់ពាក្យបណ្តឹងនៅប៉ុស្តិ៍នគរបាលរដ្ឋបាលស្រះចក។ ក្រោយពីទទួលបានពាក្យបណ្តឹង កម្លាំងជំនាញនិងកម្លាំងប៉ុស្តិ៍នគរបាលស្រះចក សហការជាមួយជនរងគ្រោះ ធ្វើការស្រាវជ្រាវឈានដល់ថ្ងៃទី៥ ខែកុម្ភៈ ឆ្នាំ២០២១ បានជនសង្ស័យចំនួន៣នាក់ឈ្មោះ ចាន់ សាមឌី, ឈ្មោះ ចំរើន ភារ៉ាន់ ហៅរ៉ូនិងឈ្មោះ ម៉ៅ បញ្ញា នៅចំណុចផ្ទះសំណាក់យីហោ ហេង លាភ សង្កាត់មិត្តភាព ខណ្ឌ៧មករា រាជធានីភ្នំពេញក៏បានឃាត់ខ្លួនយកសាកសួរ នឹងឈានទៅដល់បង្ក្រាបបានជនសង្ស័យចំនួន២នាក់ទៀត ឈ្មោះ ច្រឹក វិសាល ហៅប្រុស និងឈ្មោះ ធួន ម៉ាលីន នៅចំណុចផ្សារសាំហាន់ សង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ យកមកធ្វើការសាកសួរតែម្តង។
ក្រោយពីសាកសួរជនសង្ស័យទាំង៥នាក់ខាងលើ បានសារភាពថា ខ្លួនពិតជាបានធ្វើសកម្មភាពលួចម៉ូតូខាងលើ នៅមុខផ្ទះសំណាក់យីហោ ភូល ថប ប្រាកដមែន។ ចំពោះជនសង្ស័យឈ្មោះ ច្រឹក វិសាល ហៅប្រុស, ឈ្មោះ ធួន ម៉ាលីន និងឈ្មោះ ចំរើន ភារ៉ាន់ ហៅរ៉ូ ជាមុខសញ្ញាមិនរាងចាលធ្លាប់ជាប់ពន្ធនាគារព្រៃស(ម១)។
ឆ្លងតាមការធ្វើតេស្តស្វែងរកសារធាតុញៀនលើជនសង្ស័យទាំង ៥នាក់ មានសារធាតុញៀននៅក្នុងខ្លួនទាំងអស់។
បច្ចុប្បន្នជនសង្ស័យទាំង ៥ នាក់ ត្រូវបានសមត្ថកិច្ចឃាត់ខ្លួន មកឃុំខ្លួនបណ្ដោះអាសន្ន ដើម្បីសាកសួរនៅនគរបាលប៉ុស្តិ៍ស្រះចក នឹងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវិធីច្បាប់ ៕ រក្សាសិទ្ធិដោយ៖សារឿន
