ភ្នំពេញ ៖ លោក ឡុង វណ្ណា ចៅក្រមស៊ើបសួរ និងលោក ម៉ុត ដារា ព្រះរាជអាជ្ញារងអមសាលាដំបូងរាជធានីភ្នំពេញ កាលពីថ្ងៃទី៧ ខែកុម្ភៈ ឆ្នាំ២០២១ ម្សិលមិញនេះ បានសម្រេចចេញដីកាឃុំខ្លួនឈ្មោះ ហ៊ាង សុងហេង ភេទប្រុសអាយុ២៧ឆ្នាំ ប្រធានផ្នែកលក់ក្រុមហ៊ុនរថយន្តមួយ ដាក់ពន្ធនាគារព្រៃ.ស ជាបណ្ដោះអាសន្ន ក្រោមការចោទប្រកាន់ពី បទឆបោក , រំលោភលើទំនុកចិត្ត , ក្លែងបន្លំ និងប្រើប្រាសលិខិតក្លែង ។
តាមពិតទៅ ក្រុមហ៊ុនដើមបណ្ដឹង រីណិត ជប៉ុន (ខេមបូឌា) ឯ.ក បានប្ដឹងបុគ្គលិក ២នាក់ គឺ ១- ឈ្មោះ ហ៊ាង សុខហេង ប្រធានផ្នែកលក់, ២-ឈ្មោះ លាស់ សុវណ្ណ ជំនួយការផ្នែកលក់ ពី បទឆបោក, រំលោភលើទំនុកចិត្ត , ក្លែងបន្លំ , ប្រើប្រាស់លិខិតក្លែង , និងបទល្មើសដទៃទៀតដែលពាក់ព័ន្ធ។ ប៉ុន្តែតុលាការរាជធានីភ្នំពេញ បានសម្រេចឃុំខ្លួនតែ ឈ្មោះ ហ៊ាង សុងហេង ភេទប្រុសអាយុ២៧ឆ្នាំ ប្រធានផ្នែកលក់របស់ ក្រុមហ៊ុនដើមបណ្ដឹង រីណិត ជប៉ុន (ខេមបូឌា) ឯ.ក , ចំណែកឈ្មោះ លាស់ សុវណ្ណ មិនទាន់ដឹងថា តើតុលាការមានចំណាត់ការដល់ណានោះទេ ?៕ រក្សាសិទ្ធិដោយ : ពិសិដ្ឋCEN
ទាក់ទិននឹងទង្វើក្បត់ទំនុកចិត្តរបស់អ្នកទាំងពីរនេះ សូមអានសេចក្ដីលម្អិតនៃពាក្យបណ្ដឹងរបស់ក្រុមហ៊ុន រីណិត ជប៉ុន (ខេមបូឌា) ឯ.ក ដូចខាងក្រោម ៖
