ស្ទឹងត្រែង ៖ គេសង្កេតឃើញថា រថយន្តដឹកដំឡូងមីកំពុងតែបំផ្លាញស្ពានឈើ ចេញពីឃុំចំការលើ មកទីរួមស្រុកថាឡាបរិវ៉ាត់ ខេត្តស្ទឹងត្រែង។
សកម្មភាពនោះ ពុំត្រូវបានអាជ្ញាធរសមត្ថកិច្ចពាក់ព័ន្ធយកភ្នែកមើលទេ។ បើសិនជាយើងធ្វើដំណើរឆ្លងកាត់តំបន់នោះ ឃើញមានស្ពានឈើជាច្រើនកន្លែង កំពុងរងការខូចខាតរួចទើបជួសជុលតាមក្រោយ។
ប្រជាពលរដ្ឋក្នុងមូលដ្ឋាន ស្នើសុំដល់អាជ្ញាធរ និងសមត្ថកិច្ចពាក់ព័ន្ធទប់ស្កាត់ ចំពោះរថយន្តដឹកដំឡូងមីធុនធ្ងន់ ចេញពីឃុំចំការលើ មកឃុំថាឡាបរិវ៉ាត់ផង។
បើពុំនោះទេ រថយន្តដែលឆ្លងកាត់ធុនធ្ងន់ ទាំងឈប់ទាំងថ្ងៃ និងបំផ្លាញស្ពាន កាន់តែខ្លាំងជាក់ជាពុំខាន៕ រក្សាសិទ្ធិដោយ ៖ សំណាង
