Friday, May 27, 2022

ជា​អ​កុស​ល្យ ដើរ​ដួល​លើ​ឧបករណ៍​នេសាទ​ត្រី​របស់​ខ្លួនឯង បណ្តាល​ឲ្យ​ឆក់​ស្លាប់​មនុស្ស​ម្នាក់​

ខេត្តតាកែវ ៖ ជា​សំណាងអាក្រក់​ជនរងគ្រោះ​មា្ន​ក់ បាន​ដើរ​ដួល​លើ​ឧបករណ៍​នេសាទ​ត្រី ដែល​កំពុង​ផ្ទុក​ចរន្ត​ភ្លើង ឆក់​ខ្លួនឯង​ស្លាប់​ភ្លាមៗ​មួយ​រំពេច​។​

​ហេតុការណ៍​នេះ កើតឡើង​នៅ​ព្រលឹម​ថ្ងៃទី​១៥ ខែកុម្ភៈ ឆ្នាំ​២០២១ វេលា​ម៉ោង​៤​និង​២០​នាទី នៅ​ចំណុច​ខ្នង​ប្រឡាយ ០០ ភូមិ​ចំបក់​ឯម ឃុំ​រមេញ ស្រុក​កោះអណ្តែត ខេត្តតាកែវ​។

​លោក​វរសេនីយ៍ឯក ជា សុផាត អធិការនគរបាល​ស្រុក​កោះអណ្តែត បាន​ឲ្យ​ដឹងថា ពិតជា​មាន​ករណី​ដួល​លើ​ឧបករណ៍​នេសាទ​ឆក់​ស្លាប់​មែន ដែល​ជនរងគ្រោះ​មានឈ្មោះ ហ៊ិ​ន បុល ហៅ​ម៉ុក ភេទ​ប្រុស អាយុ​៣៩​ឆ្នាំ រស់នៅ​ភូមិ​កើតហេតុ​ខាងលើ​។
​លោក​អធិការ​បន្ថែមថា ក្រោយ​ទទួលបាន​ព័ត៌មាន​នេះ កម្លាំង​ជំនាញ​លោក​និង​ក្រុម​គ្រួ​ពេទ្យ​បាន​ចុះ​ធ្វើ​កោសល្យវិច័យ និង​ផ្អែក​តាម​ការបំភ្លឺ​ពី​ប្រពន្ធ​ជនរងគ្រោះ​ផង​នោះ ឃើញថា ជនរងគ្រោះ​ពិតជា​ត្រូវ​ចរន្ត​ភ្លើង​នៃ​ឧបករណ៍​នេសាទ​ត្រី​ឆក់​ស្លាប់​ប្រាកដ​មែន​។​
​បច្ចុប្បន្ន​សព​ជនរងគ្រោះ​ត្រូវបាន​តម្កល់ទុក​នៅ​គេហដ្ឋាន​ដើម្បី​ធ្វើបុណ្យ​តាម​ប្រពៃណី​៕ រក្សា​សិទ្ធិ​ដោយ​៖​តាកែវ​