Wednesday, May 25, 2022

កិច្ចប្រជុំ​សាមញ្ញ របស់​ក្រុមប្រឹក្សា​ខេត្តស្វាយរៀង មាន ៦ ចំណុច​

​ខេត្តស្វាយរៀង ៖ លោក​ជុំ ហាត ប្រធាន​ក្រុមប្រឹក្សា​ខេត្តស្វាយរៀង​នៅ​ព្រឹក​ថ្ងៃទី 25 ខែកុម្ភៈ​ឆ្នាំ 2021​នេះ​បាន​អញ្ជើញ​ជា​អធិបតី​នៅក្នុង​កិច្ចប្រជុំ​សាមញ្ញ​លើក​ទី 21 ឆ្នាំ​ទី 2 អាណត្តិ​ទី 3 របស់​ក្រុមប្រឹក្សា​ខេត្តស្វាយរៀង​ដែល​កិច្ចប្រជុំ​នេះ បាន​ប្រព្រឹត្តទៅ​នៅ​សាលប្រជុំ​ន​ន្ទី​អគារ​ខ​សាលាខេត្ត​ស្វាយរៀង​។

​អញ្ជើញ​ចូលរួម​ក្នុង​កិច្ច​ប្រជុំជន​ផងដែរ​មាន​លោក ម៉ែន វិបុល អភិបាលខេត្ត​ស្វាយរៀង លោក​លោកស្រី​ជា​សមាជិក​សមាជិកា​ក្រុមប្រឹក្សា​ខេត្ត អស់ លោក លោកស្រី​ជា​អភិបាលរង​ខេត្ត លោកនាយក​រដ្ឋបាល​សាលាខេត្ត​លោក​ប្រធាន​មន្ទីរ​ផែនការ​ខេត្ត លោក លោកស្រី​ជា​ប្រធាន អនុប្រធាន​មន្ទីរ លោកនាយក នាយករង​ទីចាត់ការ​អង្គភាព​និង​ប្រធានការិយាល័យ​ចំណុះ​សាលាខេត្ត​និង​មន្ត្រី​ពាក់ព័ន្ធ​ជាច្រើនរូប​ទៀត​។​

​សូមបញ្ជាក់​ផងដែរ​ថា របៀបវារៈ នៃ​កិច្ចប្រជុំ​នេះ​មាន ៖ ១.​ពិនិត្យ និង​អនុម័ត​លើ​សេចក្តីព្រាង​កំណត់ហេតុ នៃ​កិច្ចប្រជុំ​សាមញ្ញ​លើក​ទី​២០​។ ២.​ពិនិត្យ និង​អនុម័ត​របាយការណ៍​បូកសរុប​លទ្ធផល​ការងារ​ប្រចាំ​ខែកុម្ភៈ និង​ទិសដៅ​ការងារ​បន្ត​ប្រចាំ​ខែមីនា ឆ្នាំ​២០២១ របស់​រដ្ឋបាលខេត្ត​។ ៣.​ពិនិត្យ និង​អនុម័ត​លើ​សេចក្តីព្រាង សេចក្តីណែនាំ និង​ប្រតិទិន​ការងារ​សម្រាប់​រៀបចំ​និង​កសាង កម្មវិធី​វិនិយោគ បី​ឆ្នាំ​រំកិល​(២០២២-២០២៤) ខេត្តស្វាយរៀង​។ ៤.​ស្តាប់​របាយការណ៍​ប្រចាំខែ​កុម្ភៈ និង​ទិសដៅ​ការងារ​បន្ត​ប្រចាំ​ខែមីនា ឆ្នាំ​២០២១ របស់​គណៈកម្មាធិការ​ពិគ្រោះ យោបល់​កិច្ចការ​ស្ត្រី និង​កុមារ​ខេត្ត​។ ៥.​ស្តាប់​របាយការណ៍​ប្រចាំ​មករា និង​ទិសដៅ​ការងារ​បន្ត​ប្រចាំ​ខែកុម្ភៈ ឆ្នាំ​២០២១ របស់​គណៈកម្មាធិការ​លទ្ធកម្ម​ខេត្ត​។ ៦.​សេចក្តី​ផ្សេងៗ (​កិច្ចប្រជុំ​សាមញ្ញ​លើក​ទី​២២ នឹង​ប្រព្រឹត្តទៅ​នៅ​ថ្ងៃទី​៣០ ខែមីនា ឆ្នាំ​២០២១)៕ រក្សា​សិទ្ធិ​ដោយ​៖ វ៉ៃ​កូ​