ភ្នំពេញ ៖ នៅព្រឹកថ្ងៃទី១២ ខែមីនា ឆ្នាំ២០២១ មានការភ្ញាក់ផ្អើលជាខ្លាំង ខណៈគេបានឃើញមនុស្សម្នាយ៉ាងច្រើនណែនតាន់តាប់ ឈរពាសពេញដងផ្លូវ ស្ថិតនៅមុខអគារ Naga 2 ដែលនោះគឺសុទ្ធតែជាបុគ្គលិកណាហ្គាតែម្តង ដើម្បីរង់ចាំការធ្វើតេស្តជាលើកទី២។
នេះបើយោងតាមគណនីហ្វេសប៊ុកឈ្មោះ Sithar Chhim បានបង្ហោះរូបភាពជាច្រើនសន្លឹក និងរៀបរាប់ទាំងការហួសចិត្តថា៖ «បុគ្គលិកណាហ្គា ២ប្រហែល ៣០០០នាក់ ដែលបានធ្វើតេស្តរកកូវីដ ១៩លើកទី ១កាល ពីខែកុម្ភៈ ចំនួន ៣ថ្ងៃ ឥឡូវតម្រូវឲ្យមកធ្វើតេស្តលើកទី ២តែមួយថ្ងៃហើយនេះ ជាស្ថានភាពកន្លែងធ្វើតេស្ដតើក្រសួង សុខាភិបាលកំពុងធ្វើអ្វី ? ទប់ស្កាត់ការរីករាលដាល ឬបន្ថែម ? 12-03-21»។
ក្រោយពីបានឃើញបែបនេះ មហាជនបានសម្តែងការហួសចិត្តផងដែរថា៖ «ជិតៗគ្នា បើមានម្នាក់កើតឆ្លង ដឹងតែចម្លងពេញហ្នឹងហើយ ទោះពាក់ម៉ាស់ក៏ដោយ, បើមិនឆ្លងក៏ត្រូវតែឆ្លងដែរ បើច្រើនដល់ម្លឹងៗ»។
រីឯអ្នកខ្លះទៀត ក៏បានលើកឡើងថា៖ «បុគ្គលិកច្រើននាក់ បើធ្វើតេស្ដតែមួយថ្ងៃបែបនេះ គឺពិបាកនិងរក្សារគំលាតសុវត្តិភាពណាស់ទីធ្លា តូចមនុស្សច្រើន, តាមដានព័ត៌មានរាល់ថ្ងៃ ចង់កើតជំងឺផ្លូវចិត្តហើយ ដល់ពេលឃើញអ៊ីចឹង ចង់តែទៅលោតទឹកសម្លាប់ខ្លួនទេ, គ្មានសណ្តាប់ធ្នាប់សោះ ឆ្លងងាប់អស់ឡូវហើយ,….»៕ រក្សាសិទ្ធិដោយ៖ លឹម ហុង
