ដូចដែលប្រិយមិត្តបានដឹងរួចហើយ ចំពោះរឿងដ៏ភ្ញាក់ផ្អើល និងកំពុងក្តៅនៅលើបណ្តាញសង្គម ក្រោយអ្នកនាង ដេត ម៉ាលីណា បានបញ្ចេញវីដេអូអតីតស្វាមី ឧកញ៉ា ឌួង ឆាយ បានប្រើអំពើហិង្សាមកលើខ្លួនជាច្រើនដង និងមានលក្ខណៈសាហាវៗ ដែលកំពុងធ្វើឲ្យមហាជនផ្ទុះការរិះគន់ និងគួរឲ្យស្អប់ខ្ពើមជាខ្លាំង។
តែទោះយ៉ាងណា ក្រោយវីដេអូផ្ទុះឡើង ជាមួយមតិរិះគន់ និងប្រតិកម្មជាច្រើន ឧកញ៉ា ឌួង ឆាយ ក៏បានចេញវីដេអូបកស្រាយ និងក៏ដូចទទួលស្គាល់នូវរាល់កំហុសទាំងអស់នោះ ដែលមិនគួរលើកដៃប្រើហិង្សាលើភរិយាសោះឡើយ ប៉ុន្តែ បាននិយាយថា ការអត់ធ្មត់គឺមានដែនកំណត់។ ដែលក្នុងនោះមូលហេតុសំខាន់ៗដូចជាទប់កំហឹងមិនបាន ដោយសារអតីតភរិយាបង្ខំខ្លួនឲ្យក្រៀវប្រដាប់ភេទ ព្រោះខ្លាចមានស្រីក្រៅ និងឈានដល់មានកូន, ប្រពន្ធមានប្រុសផ្សេង និងប្រពន្ធជេរដល់ម៉ែឪជាដើម។
យ៉ាងណាមិញ ក្រោយចេញវីដេអូបកស្រាយទាំងស្រក់ទឹកភ្នែករួចមក ឧកញ៉ា ឌួង ឆាយ ក៏បានបញ្ចេញសារសម្លេងអតីតភរិយាប្រាប់ទៅអ្នកបម្រើ ហាមទទួលទូរស័ព្ទរបស់ខ្លួន ហាមបើកទ្វារឲ្យឪពុកម្តាយ និងលោក ឌួង ឆាយ ផ្ទាល់ ចូលផ្ទះជាដាច់ខាត ចាប់ពីថ្ងៃនេះតទៅ និងព្រមទាំងឆាតឆ្លើយឆ្លងគ្នាជាមួយអតីតភរិយា ឈ្លោះគ្នាឡើងបែកផ្សែងរឿងចែកទ្រព្យសម្បត្តិគ្នាមិនត្រូវ ខណៈពេលដែល ឌួង ឆាយ ឆាតមកសុំអង្វរការអភ័យឲ្យធ្វើអ្វីក៏ធ្វើតាម ដោយហៅអូនៗឡើងផ្អែម តែអ្នកនាង ដេត ម៉ាលីណា មិនទទួលយក ដោយហៅទៅវិញសុទ្ធតែអាហែង អាថោកកប់ៗមាត់….៕ រក្សាសិទ្ធិដោយ៖ លឹម ហុង
