លោកនាយករដ្ឋមន្ត្រីថៃ ប្រាយុទ្ធចាន់អូចា បានទទួលបានការចាក់វ៉ាក់សាំងអាស្ត្រាសេនីកាការពារជំងឺកូវីដ១៩កាលពីថ្ងៃអង្គារទី ១៦ ខែមីនា បន្ទាប់ពីការចាក់វ៉ាក់សាំងត្រូវបានពន្យារពេលបណ្តោះអាសន្នលើបញ្ហាសុវត្ថិភាព។
លោកប្រាយុទ្ធ និងសមាជិកគណៈរដ្ឋមន្ត្រីផ្សេងទៀតបានចាប់ផ្តើមទទួលវ៉ាក់សាំងកាលពីថ្ងៃសុក្រ មុនពេលដែលប្រទេសថៃបានផ្អាកការប្រើប្រាស់វ៉ាក់សាំង អាស្ត្រាសេនេកា ក្រោយពីមានរបាយការណ៍មួយបង្ហាញថា វ៉ាក់សាំងអាស្ត្រាសេនេកា បានបង្កឱ្យមានឈាមកកក្នុងសសៃឈាម ដែលធ្វើអោយបណ្តាលប្រទេស
លោកប្រាយុទ្ធបានថ្លែងប្រាប់ទៅកាន់អ្នកសារព័ត៍មាននៅក្នុងវិមានរដ្ឋាភិបាល មុនពេលរូបលោកទទួលចាក់វ៉ាក់សាំងដៃខាងឆ្វេងថា៖«ថ្ងៃនេះខ្ញុំបង្កើនទំនុកចិត្តទៅកាន់សាធារណៈជនទូទៅ។
លោកប្រាយុទ្ធដែលនឹងឈានចូលវ័យ៦៧ឆ្នាំក្នុងខែនេះ បានលើកឡើងថា សុខភាពក្នុងខ្លួនរបស់លោកគឺធម្មតាបន្ទាប់ពីការចាក់វ៉ាក់សាំងអាស្ត្រាសេនេការួច។
កាលពីថ្ងៃចន្ទម្សិលមិញ រដ្ឋមន្ត្រីក្រសួងសុខាភិបាលថៃបានមានប្រសាសន៍ថា ដំណើរការចាក់វ៉ាក់សាំងនៅតែបន្ត ក្រោយពីប្រទេសជាច្រើនបានបង្ហាញថា មិនមានបញ្ហាឈាមកកក្នុងខ្លួនដែលបណ្តាលមកពីរបស់វ៉ាក់សាំងអាស្ត្រាសេនេកានោះឡើយ។
ប្រទេសថៃបានចាប់ផ្តើមចាក់វ៉ាក់សាំង ទៅលើបុគ្គលិកសុខាភិបាលជួរមុខ និងក្រុមមនុស្សដទៃទៀត រួមទាំងមន្ត្រីរដ្ឋាភិបាលដោយប្រើប្រាស់ការចាក់វ៉ាក់សាំងនាំចូលពីក្រៅប្រទេស ក្រៅ ក៏ប៉ុន្តែយុទ្ធសាស្ត្រការចាក់វ៉ាក់សាំងរបស់ប្រទេសថៃ គឺពឹងផ្អែកយ៉ាងខ្លាំងទៅលើការបង្កើតវ៉ាក់សាំង AstraZeneca ក្នុងស្រុកខ្លួនឯង។
វ៉ាក់សាំង AstraZeneca គ្រោងនឹងផលិតដោយក្រុមហ៊ុនក្នុងស្រុកថៃក្រោមការគ្រប់គ្រងដោយផ្ទាល់ពីព្រះមហាក្សត្រថៃដែលផលិតវ៉ាក់សាំងចំនួន ៦១ លានដូសសម្រាប់ទុកបម្រុងចាក់ចូលប្រជាពលរដ្ឋរបស់ខ្លួន។
វ៉ាក់សាំង AstraZeneca ផលិតក្នងប្រទេសថៃនេះគឺមិនទាន់រំពឹងថាអាចប្រើប្រាស់បាននៅឡើយនោះទេនៅចុងខែមិថុនានេះ ស្របពេលដែលប្រទេសថៃគ្រោងចាប់ផ្តើមបើកយុទ្ធនាការចាក់វ៉ាក់សាំងទ្រង់ទ្រាយធំ។
លោកប្រាយុទ្ធ និងសមាជិកគណៈរដ្ឋមន្ត្រីរបស់លោក បានចាក់វ៉ាក់សាំង AstraZeneca នាំចូលពីក្រៅប្រទេសចំនួន១១៧.៣០០ដូសដែលប្រទេសថៃទទួលបានសម្រាប់ប្រើប្រាស់ក្នុងលក្ខខណ្ឌបន្ទាន់កាលពី
នាពេលកន្លងមកប្រទេសថៃបាននាំចូលវ៉ាក់សាំង ការពារកូវីដ១៩ Sinovac’s CoronaVac ចំនួន២០០,០០០ដូស ក្នុងនោះចំនួន៨០០,០០០ដូសទៀតនឹងមកដល់នៅចុងខែនេះ ស្របពេលដែលវ៉ាក់សាំងចំនួន១លានដូសផ្សេងទៀតនឹងមកដល់នៅក្នុងខែមេសាខាងមុខ៕ រក្សាសិទ្ធិដោយ ៖ CEN
