អស់រយៈពេលជាច្រើនឆ្នាំមកហើយ Aprilia Santini Manganang និងសមាគមបាល់ទះនារីឥណ្ឌូនេស៊ី បានប្រឆាំងនឹងការចោទប្រកាន់ដែលថា នាងពិតជាបុរស ប៉ុន្តែនៅឆ្នាំនេះ ទីបំផុត Manganang ត្រូវបានគេបញ្ជាក់ថាជាបុរស។
ជាសមាជិកម្នាក់ នៃក្រុមបាល់ទះផ្នែកនារីជាតិឥណ្ឌូនេស៊ី Aprilia Manganang ក៏បានលេងនៅក្នុងក្រុមក្លឹបក្នុងស្រុកជាច្រើននៅក្នុងប្រទេសឥណ្ឌូនេស៊ី និងក៏ដូចជានៅក្នុងប្រទេសថៃផងដែរ។ នាងបានដឹកនាំក្រុមបាល់ទះស្រ្តី Jakarta Electric PLN ឱ្យក្លាយជាម្ចាស់ជើងឯក Proliga នៅឆ្នាំ ២០១៥, ២០១៦ និង ២០១៧ ។ នៅឆ្នាំ ២០១៩ នាងបានក្លាយជាជើងឯកម្តងទៀត ជាមួយក្រុម Jakarta PGN Popsivo Polwan មុនពេលផ្ទេរទៅក្រុម Generali Supreme Chonburi-Tech នៅក្នុងការប្រកួតបាល់ទះថៃ និងឈ្នះជើងឯកនៅឆ្នាំដដែល។
Manganang បានឈ្នះពានរង្វាន់ជាមួយទឹកប្រាក់ខ្ពស់ៗជាច្រើន នៅក្នុងអាជីពរបស់នាង និងបានជួយក្រុមជម្រើសជាតិឥណ្ឌូនេស៊ី ឈ្នះមេដាយសំរឹទ្ធ និងមេដាយប្រាក់ នៅឯការប្រកួតផ្សេងៗគ្នានៃព្រឹត្តិការណ៍កីឡាអាស៊ីអាគ្នេយ៍ (ស៊ីហ្គេម) ។ ប៉ុន្តែសមិទ្ធផលដ៏អស្ចារ្យរបស់នាង តែងតែត្រូវបានគេចោទជាសំណួរដោយសារតែរូបរាងគួរឲ្យសង្ស័យរបស់នាង។
ជាការពិតណាស់ ជាមួយស្មាបើកធំ សាច់ដុំដៃធំៗ ទ្រូងរាបស្មើ និងពុកមាត់ព្រាលៗ នោះប្រាកដណាស់ Aprilia Manganang មិនមែនជាកីឡាករទះភេទស្រ្តីនោះទេ។ លើសពីនេះ គេក៏បានសង្កេតឃើញថា សមត្ថភាពរបស់នាង គឺខុសពីកីឡាការិនីស្រីៗដទៃ គឺត្រង់ថាការលោតឡើងលើអាកាស និងវាយបាល់ចូលទៅក្នុងគូប្រកួត ពិតជាមិនធម្មតា ដែលគេផ្តល់រហ្សនាមថា “បិសាចប្តូរចង្កេះលើអាកាស” ។
គួរបញ្ជាក់ថា មុនព្រឹត្តិការណ៍ស៊ីហ្គេមឆ្នាំ ២០១៥ នៅប្រទេសសិង្ហបុរី មន្រ្តីបាល់ទះហ្វីលីពីន បានធ្វើការតវ៉ា ដោយទាមទារឱ្យ Aprilia Santini Manganang ត្រូវទទួលការធ្វើតេស្តភេទ ប៉ុន្តែគណៈកម្មាធិការវេជ្ជសាស្រ្តរបស់សហព័ន្ធកីឡាអាស៊ីអាគ្នេយ៍ បានសម្រេចប្រឆាំង ហើយ Manganang ត្រូវបានអនុញ្ញាតឱ្យចូលរួមក្នុងក្រុមស្ត្រីនៅក្នុងការប្រកួតជាបន្តបន្ទាប់ទៀត។
ទាក់ទងនឹងបញ្ហាដ៏ចម្រូងចម្រាស់នេះ Manganang ក៏បានចេញមុខនិយាយថា៖ «ខ្ញុំបានឆ្លងកាត់ការធ្វើតេស្តយេនឌ័រជាច្រើនដង ទាំងក្នុងអាជីពជាអតីត sprinter និងបាល់ទះជម្រើសជាតិ ហើយខ្ញុំមិនខ្លាចការធ្វើតេស្តម្តងទៀតទេ ខ្ញុំត្រៀមខ្លួន (សម្រាប់ការធ្វើតេស្តភេទ)»។ កីឡាករបាល់ទះរូបនេះបាននិយាយនៅពេលនោះថា «ខ្ញុំក៏មិនខុសដែរ – អ្វីក៏ដោយដែលខ្ញុំបានផ្តល់ឱ្យពីខាងលើរួចហើយ។ ប្រសិនបើខ្ញុំជាអ្នកដែលធ្វើខុស ខ្ញុំនឹងដកចេញ ប៉ុន្តែនេះមិនមែនជារឿងពិតទេ ហើយខ្ញុំក៏មិនខ្លាចដែរ»។
ភាពចម្រូងចម្រាសជុំវិញយេនឌ័រ បានបន្តរហូតដល់ខែកញ្ញា ឆ្នាំចុងក្រោយ នៅពេលរូបគេបានការសម្រេចចិត្តចូលនិវត្តន៍ពីបាល់ទះនារី នៅអាយុ ២៨ ឆ្នាំ។ ការសម្រេចចិត្តរបស់នាងបានធ្វើឱ្យមនុស្សជាច្រើនមានការភ្ញាក់ផ្អើល ជាពិសេសដោយសារតែនាងបានទទួលជោគជ័យខ្លាំង ក្នុងវិស័យកីឡារហូត។
Manganang បានសរសេរនៅលើគណនី Instagram របស់នាងថា៖ «នៅក្នុងឱកាសនេះ ខ្ញុំនឹងប្រាប់អ្នកស្នេហាវិស័យបាល់ទះឥណ្ឌូនេស៊ីថា ខ្ញុំគឺ Aprilia Manganang បានសំរេចចិត្តលាឈប់ពីពិភពបាល់ទះហើយ។ ខ្ញុំបានធ្វើការសំរេចចិត្តនេះពីព្រោះខ្ញុំចង់មានជីវិតប្រសើរជាងមុន ខ្ញុំចង់ឈានទៅរកការពិតនៅក្នុងចិត្តរបស់ខ្ញុំដោយសន្តិភាព។ ដូច្នេះ នេះគឺជាការសម្រេចចិត្តដ៏ល្អបំផុតសម្រាប់ខ្ញុំ»។
បន្ទាប់ពីលាឈប់ពីអាជីពបាល់ទះ Manganang បានបន្តអាជីពជាយោធាក្នុងនាមជាសេនាប្រមុខទី២ នៃកងនារី។ តែនៅទីនោះ ទីបំផុត នាងត្រូវបានគេបញ្ជាក់ថាជាបុរស បន្ទាប់ពីរស់នៅ ២៨ ឆ្នាំ នៃជីវិតរបស់នាងក្នុងនាមជាស្ត្រី។
យោងទៅតាមអ្នកសង្កេតការណ៍ឯករាជ្យ គឺនៅពេលដែល Manganang ត្រូវបានគេពិនិត្យនៅមន្ទីរពេទ្យកងទ័ព Robert Wolter Monginsidi មានការចង្អុលបង្ហាញយ៉ាងច្បាស់ថា នាងមិនមែនជាស្ត្រីទេ។ ដោយសារឧបករណ៍ធ្វើតេស្តមានកំណត់នៅមន្ទីរពេទ្យ នាងត្រូវបានគេបញ្ជូនទៅមន្ទីរពេទ្យកណ្តាល Gatot Subroto Army Central ក្នុងទីក្រុងហ្សាការតា ដើម្បីធ្វើការត្រួតពិនិត្យបន្ថែមទៀត។ ហើយសេចក្តីថ្លែងការណ៍ផ្លូវការរបស់កងទ័ពនៅខែនេះគឺច្បាស់ណាស់។
មេទ័ពលោក Andika Perkasa បានថ្លែងថា៖ «ថ្ងៃនេះ ខ្ញុំចង់បង្ហាញព័ត៌មានអំពីទាហានម្នាក់ គឺពលទាហានទី២ ឈ្មោះ Aprilia Santini Manganang ។ Manganang មិនមានសំណាងដូចយើងទាំងអស់គ្នាទេ។ ដូច្នេះ នៅពេលនាងកើតមក កុមាររូបនេះមានបញ្ហាមិនប្រក្រតីនៅក្នុងប្រព័ន្ធបន្តពូជ ដែលពាក្យបច្ចេកទេសវិទ្យាសាស្រ្ត ត្រូវបានគេហៅថា Hypospadias»។
លោក Andika បានបន្ថែមទៀតថា «ចាប់ពីលទ្ធផលនៃការពិនិត្យនេះរួចមក ក្នុងនោះតាមរយៈពិនិត្យទឹកនោម ពលទាហាន Manganang មានសរីរាង្គភេទប្រុសច្រើនជាង ដោយគាត់មិនមានសរីរាង្គខាងក្នុងរបស់ស្ត្រីទេ” ។ បន្ទាប់មក ការធ្វើតេស្តអ័រម៉ូនផ្តល់លទ្ធផលដូចគ្នា។ អ័រម៉ូនតេស្តូស្តេរ៉ូនត្រូវបានគេវាស់ផងដែរ ហើយគេបានរកឃើញថាស៊ែរហ្គែនម៉ានហ្គាង មានកម្រិតអរម៉ូនដែលធ្លាក់ចូលទៅក្នុងបុរសធម្មតា។ ការពិនិត្យកាំរស្មីអ៊ិច MRI ក៏បានបង្ហាញដូចគ្នា។
អតីតកំពូលកីឡាករបាល់ទះរូបនេះ ក៏បានប្រកាន់យកភេទពិតរបស់នាងយ៉ាងឆាប់រហ័ស ដោយប្តូរឈ្មោះរបស់នាងទៅជា Aprilio Perkasa Manganang ដោយជ្រើសរើសកាត់សក់បុរស និងសម្លៀកបំពាក់បុរសថ្មី។ គាត់ថែមទាំងបានចេញសេចក្តីថ្លែងការណ៍មួយថា គាត់បានធូរស្បើយក្នុងអារម្មណ៍ច្រើនចំពោះព័ត៌មាននេះ។
ក្នុងនោះ Manganang បាននិយាយថា «នេះគឺជាពេលវេលាដែលខ្ញុំបានរង់ចាំ ខ្ញុំពិតជាសប្បាយរីករាយណាស់។ នៅក្នុងសន្និសីទកាសែត រូបគេលោកនិយាយថា៖ «ខ្ញុំអាចទទួលបានតាមរយៈរឿងនេះ ខ្ញុំសូមអរគុណអ្នកទាំងអស់គ្នាដែលបានជួយខ្ញុំក្នុងការស្វែងរកខ្លួនឯង»។ ខ្ញុំសូមអរគុណដល់វេជ្ជបណ្ឌិតដែលបានជួយខ្ញុំ ខ្ញុំពិតជារីករាយណាស់ ខ្ញុំបានរង់ចាំអស់រយៈពេល ២៨ ឆ្នាំហើយៗ ទីបំផុតនៅឆ្នាំនេះវាបានសម្រេចហើយ»។
ដោយឡែក ក្រុមគ្រួសាររបស់ Manganang មិនឱ្យធ្វើការស៊ើបអង្កេតផ្នែកវេជ្ជសាស្ត្របន្ថែមទៀតទេ ព្រោះថាភេទស្ត្រីត្រូវបានកត់ត្រានៅក្នុងសំបុត្រកំណើត និងអត្តសញ្ញាណប័ណ្ណរបស់គាត់រួចហើយ។
តែទោះយ៉ាងណា រឿងរ៉ាវរបស់ Aprilio Manganang បានរីករាលដាលនៅក្នុងប្រទេសឥណ្ឌូនេស៊ី ដោយមានមនុស្សភាគច្រើនបានបញ្ចេញប្រតិកម្ម ក្រោយបានដឹងពីលទ្ធផលតេស្តយេនឌ័រពិតរបស់គាត់ បង្ហាញថា មានភាពវិជ្ជមាន ទោះបីជាគាត់បាននាំមកនូវសមិទ្ធផលជាច្រើននៅក្នុងវិស័យកីឡាបាល់ទះនារីក៏ដោយ ព្រោះឥឡូវនេះគាត់ត្រូវបានគេបញ្ជាក់ថាជាបុរស៕ រក្សាសិទ្ធិដោយ៖ លឹម ហុង
