ឆ្នាំជូត
-ម៉ោងនៃលាភសំណាងគឺម៉ោង ៦ព្រឹក ដល់ម៉ោង៦ល្ងាច។
-ពណ៌នៃលាភសំណាងគឺពណ៌ស និងក្រហម។
-លេខនៃលាភសំណាងគឺលេខ ១១ និងលេខ ៦១។
-សូមខមិនលេខ ៦៨៩ យកលាភសម្បត្តិមហាសេដ្ឋីនឹងប្រទានសម្បត្តិមហាសេដ្ឋីមានលាភមានជ័យមានលុយចូលហូរហៀរ។
ចំពោះអស់លោកអ្នកដែលកើតឆ្នាំជូត ពង្សទេវតាប្រុស ធាតុទឹក រាសីល្អបង្គួរ ។ នៅថ្ងៃនេះរាល់កិច្ចការសព្វសារពើមានការចម្រើនទៅមុខ ប៉ុន្តែគួរប្រុងប្រយ័ត្នតាមការឯកភាពមតិអ្នកផ្សេង ព្រោះបើមានការភ្លាំងភ្លាត់តែបន្តិចលោកអ្នកអាចនឹងខាតប្រយោជន៍ច្រើន។ បើលោកអ្នកជាអ្នកប្រកបមុខរបររកស៊ីជួញដូរវិញ មានការលូតលាស់ទៅមុខជាសន្សឹមៗ។ ចំពោះគូស្នេហ៍ច្រើនយល់ចិត្តគ្នាទៅវិញទៅមក៕
ឆ្នាំឆ្លូវ
-ម៉ោងនៃលាភសំណាងគឺម៉ោង ៨ព្រឹកដល់ម៉ោង៧យប់។
-ពណ៌នៃលាភសំណាងគឺពណ៌ផ្ទៃមេឃ និងស្វាយ។
-លេខនៃលាភសំណាងគឺលេខ ៤៥ និងលេខ ៦៦ ។
-សូមខមិន ៨៨៨ យកលាភសម្បត្តិអ្នកមានជាន់ខ្ពស់និងប្រទានសម្បត្តិមហាសេដ្ឋីមានលាភមានជ័យមានលុយចូលហូរហៀរមិនខ្វះចាយឡើយ។
ចំពោះអស់លោកអ្នកដែលកើតឆ្នាំឆ្លូវ ពង្សមនុស្សប្រុស ធាតុដី រាសីខ្ពស់ត្រដែត។ នៅថ្ងៃនេះទោះលោកអ្នកធ្វើអ្វីក៏ដោយតែងភ្លឺថ្លាជួបតែក្តីសោមនស្សច្រើន លោកអ្នកអាចសម្រុកការងារបានហើយ ពីព្រោះផលជាផ្លែផ្កាហុចមកវិញគួរជាទីកក់ក្តៅ។ ចំពោះអ្នកប្រកបរបររកស៊ីជួញដូរវិញតែងអាចទាក់ទាញអតិថិជនចាស់ថ្មីចូលមកគួរជាទីពេញចិត្ត។ ការធ្វើដំណើរទីជិតឆ្ងាយជួបភាពសុខដុមទាំងពេលទៅនឹងត្រឡប់មកវិញ។ ចំណែកបញ្ហាសេចក្តីស្នេហាកម្លោះក្រមុំមានភាពផ្អែមល្ហែមនិងមានការចម្រើនលូតលាស់ទៅមុខជានិច្ច៕
ឆ្នាំខាល
-ម៉ោងនៃលាភសំណាងគឺម៉ោង៤ព្រឹក ដល់ម៉ោង ៥ល្ងាច។
-ពណ៌នៃលាភសំណាងគឺពណ៌ទឹកក្រូច និងឈាមជ្រូក។
-លេខនៃលាភសំណាងគឺលេខ២៧ និងលេខ៤៩។
-សូមខមិនលេខ ១៦៨ យកលាភសម្បត្តិមហាសេដ្ឋីនឹងប្រទានសម្បត្តិមហាសេដ្ឋីមានលាភធំលុយចូលហូរហៀរ។
ចំពោះអស់លោកអ្នកដែលកើតឆ្នាំខាល ពង្សមនុស្សស្រី ធាតុឈើ រាសីខ្ពស់ត្រដែត។ រាល់កិច្ចការដែលប៉ងប្រាថ្នាថ្ងៃនេះលោកអ្នកតែងទទួលបានផលផ្លែផ្កាល្អនិងរមែងបានជួបតែនឹងរឿងល្អជានិច្ចគ្មានឧបសគ្គអ្វីមករារាំងធ្វើអោយលោកអ្នកលំបាកនោះឡើយ។ បើលោកអ្នកជាអ្នកប្រកបមុខរបររកស៊ីជួញដូរវិញ មានដំណើរការទៅមុខយ៉ាប់យឺនបន្តិចពិតមែន តែក៏មានភាពសុខដុមល្អប្រពៃណាស់ផង។ ការធ្វើដំណើរឆ្ងាយជិតមានតែក្រុមមនុស្សអាណិតស្រឡាញ់និងស្វាគមន៍ជានិច្ច។ ចំណែកស្នេហាកម្លោះក្រមុំមានការជឿនលឿនទៅមុខយឺតតែបើថយក្រោយវិញនោះគឺឆាប់រហ័សណាស់ គប្បីមានការប្រយ័ត្នប្រយែង៕
ឆ្នាំថោះ
-ម៉ោងនៃលាភសំណាងគឺម៉ោង ៥ព្រឹក ដល់ម៉ោង៦ល្ងាច។
-ពណ៌នៃលាភសំណាងគឺពណ៌ខ្មៅ និងស។
-លេខនៃលាភសំណាងគឺលេខ ១ និងលេខ ៦៩។
-សូមខមិនលេខ ១១១ ដើម្បីយកលាភសម្បត្តិអភិជននឹងប្រទានសម្បត្តិមហាសេដ្ឋីមានលាភមានជ័យមានលុយចូលហូរហៀរ។
ចំពោះអស់លោកអ្នកដែលកើតឆ្នាំថោះ ពង្សមនុស្សស្រី ធាតុឈើ រាសីខ្ពស់ត្រដែត។ នៅថ្ងៃនេះផ្តល់ផលល្អសម្រាប់ការសម្រេចចិត្តការងារ ឬចង់បណ្តាក់រកស៊ីអ្វីមួយពីព្រោះផលជាផ្លែផ្កាតែងឆ្លើយតបមកវិញគ្រាន់ជាទីពេញចិត្តជានិច្ច។ បើលោកអ្នកជាអ្នកប្រកបមុខរបររកស៊ីជួញដូរវិញការលក់ចេញទិញចូលគ្រាន់រស់រវើកគួរសម ហើយបើចង់ចរចារឿងទំនិញអ្វីមួយតែងអាចសម្រេចចប់ចុងចប់ដើមទៀតផង។ ចំពោះបញ្ហាសេចក្តីស្នេហាកម្លោះក្រមុំមានការរីកលូតលាស់ទៅមុខនិងបើចង់មានការផ្សំផ្គុំគ្រួសារផងក៏ជាឱកាសល្អប្រពៃបំផុត៕
ឆ្នាំរោង
-ម៉ោងនៃលាភសំណាងគឺម៉ោង ៦ព្រឹកដល់ម៉ោង៨យប់ ។
-ពណ៌នៃលាភសំណាងគឺពណ៌ខ្មៅ និងស្វាយ។
-លេខនៃលាភសំណាងគឺលេខ ១៩ និងលេខ ២៩។
-សូមខមិនលេខ ៨៩៩ យកលាភសម្បត្តិទេវតាទ្រព្យនឹងប្រទានសម្បត្តិមហាសេដ្ឋីមានលាភមានជ័យមានលុយចូលហូរហៀរមិនខ្វះចាយឡើយ។
ចំពោះអស់លោកអ្នកដែលកើតឆ្នាំរោង ពង្សទេវតាប្រុស ធាតុមាស រាសីល្អជាមធ្យម។ ដួងរាសីរបស់លោកអ្នកថ្ងៃនេះមានបញ្ហាមិនល្អខ្លះៗចូលយាយីផង ដូចនេះរាល់ការប្រកបកិច្ចការងារអ្វីតោងតែមានការប្រយ័ត្នប្រយែងបន្តិចទើបគ្មានបញ្ហាមិនល្អណាមួយឈានចូលក្បែរកើត។ បើលោកអ្នកជាអ្នកប្រកបមុខរបររកស៊ីជួញដូរវិញមានទិញចូលលក់ចេញគ្រាន់បើ តែយ៉ាងណាលោកអ្នកទាល់តែខិតខំខ្លាំងទើបទទួលជោគជ័យជំនួញធំៗទាំងនោះទៅរួច។ រីឯសម្ព័ន្ធស្នេហាប្រុសស្រីវិញបើមានការផ្សំផ្គុំគ្រួសារឬចូលស្តីដណ្តឹងជាពេលវេលាល្អប្រពៃបំផុត៕
ឆ្នាំម្សាញ់
-ម៉ោងនៃលាភសំណាងគឺម៉ោង ៤ព្រឹកដល់ម៉ោង ៧យប់។
-ពណ៌នៃលាភសំណាងគឺពណ៌បៃតង និងពណ៌ក្រហម។
-លេខនៃលាភសំណាងគឺលេខ ៧៧ និងលេខ ៩៩។
-សូមខមិនលេខ ៥៥៥ យកលាភសម្បត្តិសំពៅហ្លួងនិងប្រទានសម្បត្តិមហាសេដ្ឋីមានលាភមានជ័យមានលុយចូលហូរហៀរមិនខ្វះចាយឡើយ។
ចំពោះអស់លោកអ្នកដែលកើតឆ្នាំម្សាញ់ ពង្សមនុស្ស ធាតុភ្លើង រាសីឡើងខ្ពស់ត្រដែត។ គ្រប់ភារកិច្ចទាំងដែលលោកអ្នកបានធ្វើរមែងសម្រេចផលគួរជាទីពេញចិត្ត ព្រោះមានគេជួយចូកជួយចែវគ្រប់ជំហាន ជាមួយគ្នានេះដែរក៏អាចនូវទទួលបានលាភសក្ការដែលនឹកស្មានមិនដល់ទៀតផង មកពីទិសឧត្តរ។ ចំពោះលោកអ្នកជាអ្នកប្រកបមុខរបររកស៊ីជួញដូរវិញទោះបីជាលក់ដូរអ្វីក៏ដាច់ជាងពេលមុនៗដែរ។ រីឯសម្ព័ន្ធស្នេហាប្រុសស្រីទទួលបាននូវសុភមង្គលគួរជាទីពេញចិត្ត៕
ឆ្នាំមមី
-ម៉ោងនៃលាភសំណាងគឺម៉ោង ៧ព្រឹក ដល់ម៉ោង៧យប់។
-ពណ៌នៃលាភសំណាងគឺពណ៌ទឹកក្រូច និងស។
-លេខនៃលាភសំណាងគឺលេខ ៧៧ និងលេខ ៨៩។
-សូមខមិនលេខ ៥៥៥ យកលាភសម្បត្តិសំពៅហ្លួងនឹងប្រទានសម្បត្តិមានលាភមានជ័យមានលុយចូលហូរហៀរ។
ចំពោះអស់លោកអ្នកដែលកើតឆ្នាំមមី ពង្សទេវតាស្រី ធាតុភ្លើង រាសីឡើងខ្ពស់ត្រដែត។ ថ្ងៃនេះលោកអ្នកមានការសុខទាំងកាយសប្បាយទាំងចិត្តគ្រាន់គាប់ប្រសើរ ទោះបីយ៉ាងណាសម្រាប់ស្ត្រីលោកអ្នកនៅជួបបញ្ហាលំបាកផ្លូវចិត្តក៏មានខ្ពស់ផង។ ចំណែកអ្នកប្រកបមុខរបររកស៊ីជួញដូរវិញ មានការទិញចូលលក់ចេញគ្រាន់កម្រើកមួយៗគួរសម ហើយបើចង់ជួញទីជិតឆ្ងាយផលកម្រៃក៏តែងឆ្លើយតបគួរជាទីពេញចិត្តមួយចំនួនត្រឡប់មកវិញដែរ។ ចំពោះបញ្ហាសេចក្តីស្នេហាកម្លោះក្រមុំវិញកុំគប្បីមានការជ្រួលជ្រើមខុសបែបបទប្រយ័ត្នការសប្បាយក្លាយជាទុក្ខវិញ៕
ឆ្នាំមមែ
-ម៉ោងនៃលាភសំណាងគឺម៉ោង ៨ព្រឹក ដល់ម៉ោង ១០យប់។
-ពណ៌នៃលាភសំណាងគឺពណ៌ប្រផេះ និងពណ៌បៃតង។
-លេខនៃលាភសំណាងគឺលេខ ២០ និងលេខ ៦៦។
-សូមខមិនលេខ ៧៨៩ យកលាភសម្បត្តិអ្នកមានជាន់ខ្ពស់នឹងប្រទានសម្បត្តិមហាសេដ្ឋីមានលាភមានជ័យមានលុយចូលហូរហៀរ។
ចំពោះអស់លោកអ្នកដែលកើតឆ្នាំមមែ ពង្សទេវតាស្រី ធាតុមាស រាសីឡើងខ្ពស់។ គ្រប់កិច្ចការទាំងអស់ដែលលោកអ្នកធ្វើសុទ្ធតែនាំមកនូវអត្ថប្រយោជន៍ធំទូលំទូលាយគួរជាទីពេញចិត្ត បើជាអ្នករាជការវិញនោះអាចនឹងផ្លាស់ប្តូរមុខតំណែងថ្មី។ បើអ្នកប្រកបមុខរបររកស៊ីជួញដូរវិញ ទោះបីជាជួញទីជិតឆ្ងាយក្តីតែងបានផលកម្រៃកាក់កបគួរជាទីពេញចិត្ត។ រីឯសម្ព័ន្ធស្នេហាមានស្ថានភាពល្អប្រពៃ៕
ឆ្នាំវក
-ម៉ោងនៃលាភសំណាងគឺម៉ោង៤ព្រឹក ដល់ម៉ោង៩យប់។
-ពណ៌នៃលាភសំណាងគឺពណ៌ខ្មៅ និងស។
-លេខនៃលាភសំណាងគឺលេខ ៦៩ និងលេខ ៩៩។
-សូមខមិនលេខ ៦៦៦ យកលាភសម្បត្តិគហិបតីជាន់ខ្ពស់នឹងប្រទានសម្បត្តិមហាសេដ្ឋីមានលាភធំចូលផ្ទះ លុយកាក់មាសប្រាក់មិនខ្វះចាយឡើយ។
ចំពោះអស់លោកអ្នកដែលកើតឆ្នាំវក ពង្សយក្សប្រុស ធាតុដែក រាសីធ្លាក់ស្រុតចុះ។ លោកអ្នកច្រើនមានចិត្តទោសៈមោហៈច្រើននៅក្នុងថ្ងៃនេះ ទោះបីធ្វើការងារអ្វីក៏ដោយក៏ធ្វើមិនពេញដៃពេញជើងដែរ ហើយក្នុងនោះលោកអ្នកអាចក្លាយទៅជាអ្នកប៉ិនសន្សំរឿងនិងមានគំនុំគំគួនដាក់ជាប់ក្នុងចិត្តទៀតផង។ បើជាអ្នកប្រកបមុខរបររកស៊ីជួញដូរវិញ រកប្រាក់ចិញ្ចឹមឆ្នាំងមិនចង់គ្រប់ផងទេ។ ចំណែកស្នេហាគូស្នេហ៍អាចនឹងមានការប្រេះឆាគ្នាដោយសារអ្នកក្រៅដូច្នេះត្រូវតែប្រយ័ត្ន៕
ឆ្នាំរកា
-ម៉ោងនៃលាភសំណាងគឺម៉ោង ៥ព្រឹកដល់ម៉ោង ៨យប់។
-ពណ៌នៃលាភសំណាងគឺពណ៌ស និងលឿង។
-លេខនៃលាភសំណាងគឺលេខ ៤៨ និងលេខ ៥៩។
-សូមខមិនលេខ ៦៦៦ យកលាភសម្បត្តិគហិបតីជាន់ខ្ពស់ នឹងប្រទានសម្បត្តិមហាសេដ្ឋីមានលាភមានជ័យ មានលុយចូលហូរហៀរ។
ចំពោះអស់លោកអ្នកដែលកើតឆ្នាំរកា ពង្សយក្សប្រុស ធាតុដែក រាសីខ្ពស់ត្រដែត។ រាល់ការបំពេញភារកិច្ចនៅថ្ងៃនេះទោះលោកអ្នកចាត់ចែងការងារចាស់ថ្មីតែងផ្តល់ផលល្អៗមកវិញនៅពេលក្រោយជានិច្ច។ បើលោកអ្នកជាអ្នកប្រកបមុខរបររកស៊ីជួញដូរវិញប្រាក់កម្រៃបានមកកាក់កបគ្រាន់បើអាចអោយលោកអ្នកសន្សំទុកបានខ្លះៗទៀតផង។ រីឯបញ្ហាស្នេហាការចេះយកចិត្តគ្នាគឺជាវិធីល្អបំផុត៕
ឆ្នាំច
-ម៉ោងនៃលាភសំណាងគឺម៉ោង ៦ព្រឹក ដល់ម៉ោង ៦ល្ងាច។
-ពណ៌នៃលាភសំណាងគឺពណ៌ស និងក្រហម។
-លេខនៃលាភសំណាងគឺលេខ ១១ និងលេខ៦១។
-សូមខមិនលេខ៦៦៦ យកលាភសម្បត្តិអភិជននឹងប្រទានសម្បត្តិមហាសេដ្ឋីមានលាភធំចូលផ្ទះលុយកាក់មាសប្រាក់មិនខ្វាយចាយឡើយ។
ចំពោះអស់លោកអ្នកដែលកើតឆ្នាច ពង្សយក្សស្រី ធាតុដី រាសីល្អជាមធ្យម។ រាល់ការប្រកបការរបស់លោកអ្នកមានសភាពឡើងចុះមិនច្បាស់លាស់ទេ ហេតុនេះទាមទារអោយលោកអ្នកមានការប្រយ័ត្នប្រយែងនិងពុះពារអោយបានខ្លាំងក្លាជាបន្តទៀតទើបលោកអ្នកអាចសម្រេចបានជោគជ័យ។ សម្រាប់អ្នកប្រកបមុខរបររកស៊ីជួញដូរវិញអាចរកប្រាក់ចំណូលចិញ្ចឹមគ្រួសារដោយងាយស្រួលទេ មិនមានអ្វីមករាំងស្ទះឡើយ។ ចំណែកបញ្ហាគូស្នេហ៍រមែងចេះអត់ឱនអោយគ្នាល្អណាស់មិនមានអ្វីគួរអោយកត់សម្គាល់ឡើយ៕
ឆ្នាំកុរ
-ម៉ោងនៃលាភសំណាងគឺម៉ោង ៥ព្រឹកដល់ម៉ោង៦ល្ងាច ។
-ពណ៌នៃលាភសំណាងគឺពណ៌ស និងផ្កាឈូក។
-លេខនៃសំណាងគឺលេខ ២១និងលេខ ៨២។
-សូមខមិនលេខ ៥៥៥ យកលាភសម្បត្តិអភិជននឹងប្រទានសម្បត្តិមហាសេដ្ឋីមានលាភមានជ័យមានលុយធំចូលផ្ទះលុយកាក់មាសប្រាក់មិនខ្វះចាយឡើយ។
ចំពោះអស់លោកអ្នកដែលកើតឆ្នាំកុរ ពង្សមនុស្សស្រី ធាតុទឹក រាសីល្អជាមធ្យម។ ថ្ងៃនេះទាំងស្ត្រីបុរសទោះធ្វើអ្វីក៏ដោយតែងជួបលើកំណាត់ផ្លូវតានតឹងដោយមានសភាពពិបាករុលទៅមុខព្រោះជួបតែភាពប្រទាំងប្រទើសច្រើន។ បើលោកអ្នកជាអ្នកប្រកបមុខរបររកស៊ីជួញដូរវិញ ជួបផលលំបាកក្នុងការរកប្រាក់ចំណូលណាស់ ហើយបើការជួញជិតឆ្ងាយទៀតសោតក៏ជួបតែភាពរកាំរកូសមិនស្ទើរដែរទេ។ រីឯសម្ព័ន្ធស្នេហាប្រុសស្រីមានការប្រែប្រួលប្តូរផ្លាស់៕