នាពេលថ្មីៗនេះ វ៉ាក់សាំងប្រភេទថ្មីការពារកូវីដ១៩ Sinopharmមួយទៀត ដែលត្រូវបានអភិវឌ្ឍដោយក្រុមហ៊ុនចិន បានអនុម័តឲ្យប្រើប្រាស់ដើម្បីសាកល្បងក្នុងការព្យាបាលលើមនុស្ស។
ក្រុមហ៊ុន China National Biotec Group (CNBG) បាននិយាយនៅលើបណ្តាញ Weiboផ្លូវការរបស់ខ្លួនកាលពីថ្ងៃសៅរ៍ថា វ៉ាក់សាំងកូវីដ១៩ប្រភេទថ្មីបង្កើតឡើងដោយវិទ្យាស្ថានជាតិវ៉ាក់សាំង និងសេរ៉ូម ដែលជាមជ្ឈមណ្ឌលស្រាវជ្រាវ និងអភិវឌ្ឍន៍ជីវវិទ្យាសាស្ត្រ នៃក្រុមហ៊ុនស៊ីណូហ្វាម ត្រូវទទួលបានអនុម័តឲ្យប្រើប្រាស់សាកល្បង ចេញពីរដ្ឋបាលផលិតផលវេជ្ជសាស្ត្រជាតិកាលពីថ្ងៃសុក្រកន្លងទៅ។
ក្រុមហ៊ុនខាងលើបាននិយាយថា បច្ចេកវិទ្យាផលិតវ៉ាក់សាំងដែលរួមផ្សំគ្នានោះគឺសមស្របតាមផលិកម្មខ្នាតធំ ហើយផលិតកម្មនេះក៏មិនត្រូវការគ្រឿងបរិក្ខារដែលមានកម្រិតសុវត្ថិភាពផ្នែកជីវសាស្ត្រខ្ពស់ទេ ព្រោះថាដំណើរវាមិនពាក់ព័ន្ធជាមួយនឹងមេរោគផ្ទាល់។
វ៉ាក់សាំងថ្មីរបស់ក្រុមហ៊ុនស៊ីណូមហ្វាម ត្រូវបានផ្អែកលើលក្ខណៈរចនាសម្ព័ន្ធនៃដែនភ្ជាប់ដោយប្រើបច្ចេកវិទ្យាផ្សំហ្សែន (RBD) ដែលមានបញ្ចូលទាំងផ្នែកខ្លះនៃប្រូតេអ៉ីន S ឬ spike protein ដើម្បីជំរុញប្រព័ន្ធភាពសុំា។
វ៉ាក់សាំងនេះគឺជាប្រភេទវ៉ាក់សាំងទី៣របស់ក្រុមហ៊ុន ហើយកាលពីចុងខែឆ្នូកន្លងទៅ វ៉ាក់សាំងការពារកូវីដ១៩ចំនួន២ អសកម្មត្រូវបានបង្កើតឡើងដោយវិទ្យាស្ថានជីវសាស្ត្រ Beijing Biological ខូអិលធីឌី ក្រោមការគ្រប់គ្រងរបស់ក្រុមហ៊ុន CNBG បានក្លាយជាវ៉ាក់សាំងការពារជំងឺកូវីដ១៩ដំបូងគេបង្អស់ក្នុងប្រទេសចិនដែលមានការអនុញ្ញាតឲ្យចូលទីផ្សារ។
គណៈកម្មការសុខភាពជាតិបាននិយាយកាលពីថ្ងៃសោរ៍ថា វ៉ាក់សាំងការពារជំងឺកូវីដ ចំនួនជាង161.12 លានដូសត្រូវបានចែកចាយទូទាំងប្រទេសចិនគិតត្រឹមថ្ងៃសុក្រកន្លងទៅ៕
ប្រភព៖ CGTN News
រក្សាសិទ្ធិដោយ៖CEN