ភ្នំពេញ ៖ ក្រៅពីចំណាកស្រុកទៅធ្វើការងារជាពលករ នៅតាមបណ្តាប្រទេសមានសេដ្ឋកិច្ចជឿនលឿន ដូចជាប្រទេសកូរ៉េខាងត្បូងជាដើម នោះពលករខ្មែរយើងជាច្រើនទៀត ក៏មានវត្តមានបំរើការងារនៅក្នុងទឹកដីទីក្រុងហុងកុង និងម៉ាកាវ ផងដែរ។
តែយ៉ាងណា ទន្ទឹមនិងនោះផងដែរ ពួកគេក៏ទទួលបានភាពកក់ក្តៅពីថ្នាក់ដឹកនាំ ជាពិសេសតាមរយៈមន្រ្តីស្ថានទូតប្រចាំប្រទេសនីមួយៗ ដែលតែងយកចិត្តទុកដាក់ចុះសួរសុខទុក្ខ ក្រែងលោពួកគេជួបការលំបាកណាមួយ ឬ បញ្ហាអ្វីផ្សេងកើតឡើង ដើម្បីដោះស្រាយជូន។
ដោយឡែក នៅមុននេះបន្តិច លោកស្រី ពេជ្រ ពុទ្ធិសាធបូព៌ានាគី អគ្គកុងស៊ុលប្រចាំទីក្រុងហុងកុង និងម៉ាកាវ បានបង្ហោះរូបភាពជាច្រើនសនឹ្លក នៅលើបណ្តាញសង្គមហ្វេសប៊ុក បង្ហាញពីទិដ្ឋភាពលោកស្រី និងក្រុមការងារ បានចុះសួរសុខទុក្ខបងប្អូនពលករខ្មែរនៅទីនោះ និងព្រមទាំងធ្វើអាហារហូបជុំគ្នា ពោរពេញដោយក្តីរីករាយ ដែលឃើញហើយពិតជារំភើបជាខ្លាំង។
ក្នុងនោះ តាមរយៈគណនីហ្វេសប៊ុករបស់លោកស្រីដែលមានឈ្មោះថា Pech Neaky បានភ្ជាប់សារយ៉ាងដូច្នេះថា៖ «ចែករំលែកសេចក្តីស្រឡាញ់ចំពោះបងប្អូនពលករនៅទីក្រុងហុងកុង»៕ រក្សាសិទ្ធិដោយ៖ លឹម ហុង
