ឆ្នាំជូត
-ម៉ោងនៃលាភសំណាងគឺម៉ោង ៦ព្រឹក ដល់ម៉ោង៦ល្ងាច។
-ពណ៌នៃលាភសំណាងគឺពណ៌ស និងក្រហម។
-លេខនៃលាភសំណាងគឺលេខ ១១ និងលេខ ៦១។
-សូមខមិនលេខ ៦៨៩ យកលាភសម្បត្តិមហាសេដ្ឋីនឹងប្រទានសម្បត្តិមហាសេដ្ឋីមានលាភមានជ័យមានលុយចូលហូរហៀរ។
ចំពោះអស់លោកអ្នកដែលកើតឆ្នាំជូត ពង្សទេវតាប្រុស ធាតុទឹក រាសីធ្លាក់ស្រុតចុះ ។ លោកអ្នកអាចជួបនឹងគ្រោះភ័យជាយថាហេតុដោយសារតែការធ្វេសប្រហែសដោយប្រការណាមួយ ដូច្នេះមិនគប្បីធ្វើដំណើរទៅទីឆ្ងាយដែលពុំចាំបាច់ឡើយ ព្រោះមានសត្រូវប៉ងយាយីធ្វើអោយរំខាន។ បើជាអ្នកប្រកបមុខរកស៊ីជួញដូរវិញ ថ្ងៃនេះមិនគួរចាប់ផ្តើមប្រញាប់ដាក់ទុនពេកទេ។ ចំពោះបញ្ហាគូស្នេហ៍ច្រើនចាប់កំហុសគ្នាទៅវិញទៅមក៕
ឆ្នាំឆ្លូវ
-ម៉ោងនៃលាភសំណាងគឺម៉ោង ៨ព្រឹកដល់ម៉ោង ៧យប់។
-ពណ៌នៃលាភសំណាងគឺពណ៌ផ្ទៃមេឃ និងស្វាយ។
-លេខនៃលាភសំណាងគឺលេខ ៤៥ និងលេខ ៦៦ ។
-សូមខមិន ៨៨៨ យកលាភសម្បត្តិអ្នកមានជាន់ខ្ពស់និងប្រទានសម្បត្តិមហាសេដ្ឋីមានលាភមានជ័យមានលុយចូលហូរហៀរមិនខ្វះចាយឡើយ។
ចំពោះអស់លោកអ្នកដែលកើតឆ្នាំឆ្លូវ ពង្សមនុស្សប្រុស ធាតុដី រាសីល្អជាមធ្យម។ នៅថ្ងៃនេះទោះលោកអ្នកធ្វើអ្វីមួយគួរប្រយ័ត្នប្រយែងបន្តិចពីព្រោះងាយមានរឿងរ៉ាវចម្រូងចម្រាស់កើតមានឡើងណាស់ ក្រៅពីនេះលោកអ្នកអាចមានក្រុមមនុស្សបង្ករឿងថ្នាំងថ្នាក់ច្រើន ដូច្នេះត្រូវចេះធ្វើគធ្វើថ្លង់ខ្លះទើបជាការប្រពៃ។ ចំពោះអ្នកប្រកបមុខរបររកស៊ីជួញដូរវិញជួបបញ្ហាលំបាកក្នុងការរកប្រាក់ចំណូលបន្តិច ឯប្រាក់កម្រៃទៀតសោតទាល់តែខិតខំខ្លាំងទើបអាចចិញ្ចឹមឆ្នាំងបាយរស់។ ចំណែកបញ្ហាសេ្នហាកម្លោះក្រមុំមិនមានការជឿនលឿនទៅមុខទេ៕
ឆ្នាំខាល
-ម៉ោងនៃលាភសំណាងគឺម៉ោង៤ព្រឹក ដល់ម៉ោង ៥ល្ងាច។
-ពណ៌នៃលាភសំណាងគឺពណ៌ទឹកក្រូច និងឈាមជ្រូក។
-លេខនៃលាភសំណាងគឺលេខ ២៧ និងលេខ៤៩។
-សូមខមិនលេខ ១៦៨ យកលាភសម្បត្តិអភិជននឹងប្រទានសម្បត្តិមហាសេដ្ឋីមានលាភធំលុយចូលហូរហៀរ។
ចំពោះអស់លោកអ្នកដែលកើតឆ្នាំខាល ពង្សមនុស្សស្រី ធាតុឈើ រាសីខ្ពស់ត្រដែត។ លោកអ្នកនឹងមានសំណាងបានទទួលរបស់ថ្មីថ្មោងដែលខ្លួនមិនធ្លាប់មាន ប៉ុន្តែក្នុងនោះក៏ត្រូវប្រយ័ត្នមនុស្សសម្បុរសអោយទុក្ខទោសផងដែរ។ បើលោកអ្នកជាអ្នកប្រកបមុខរបររកស៊ីជួញដូរវិញមិនមានអ្នកគួរអោយរាំងស្ទះនោះទេនិងចេះតែរីកចម្រើនទៅមុខផងដែរ។ ចំណែកសេចក្តីស្នេហាគូស្នេហ៍រីករាយរកគ្នាធម្មតាទេ៕
ឆ្នាំថោះ
-ម៉ោងនៃលាភសំណាងគឺម៉ោង ៥ព្រឹក ដល់ម៉ោង៦ល្ងាច។
-ពណ៌នៃលាភសំណាងគឺពណ៌ខ្មៅ និងស។
-លេខនៃលាភសំណាងគឺលេខ ១ និងលេខ ៦៩។
-សូមខមិនលេខ ១១១ ដើម្បីយកលាភសម្បត្តិអភិជននឹងប្រទានសម្បត្តិមហាសេដ្ឋីមានលាភមានជ័យមានលុយចូលហូរហៀរ។
ចំពោះអស់លោកអ្នកដែលកើតឆ្នាំថោះ ពង្សមនុស្សស្រី ធាតុឈើ រាសីល្អជាធម្យម។ បញ្ហាផ្លូវចិត្តមិនសូវសប្បាយរីករាយប៉ុន្មានទេនៅក្នុងថ្ងៃនេះ ហើយបើលោកអ្នកចង់ទទួលផលពីការងារនោះលុះត្រាតែលោកអ្នកមានចិត្តអំណត់ព្យាយាមនិងបូជាពេលវេលាច្រើនផង។ បើលោកអ្នកជាអ្នកប្រកបមុខរបររកស៊ីជួញដូរវិញការជួញដូរនៅទីជិតពុំសូវជាបានកាក់កបទេ គឺទាល់តែចេញទៅជួញនៅឯទីឆ្ងាយទើបល្អនិងសមប្រកប នៅថ្ងៃនេះបើទោះបីជាលោកអ្នកធ្វើអ្វីក៏ដោយ គប្បីមានស្មារតីប្រុងប្រយ័ត្នជាប់ជានិច្ចជាពិសេសអ្នកចេញទៅប្រកបការងារនៅឯតាមខេត្តឬតំបន់ឆ្ងាយពីផ្ទះសម្បែង ពីព្រោះលោកអ្នកងាយមានក្រុមមនុស្សបៀតបៀនយាយីក្នុងក្តីបំណងអាក្រក់ដើម្បីដណ្តើមផលប្រយោជន៍អ្វីមួយពីអ្នក។ ចំណែកបញ្ហាគូស្នេហ៍កម្លោះក្រមុំកុំគប្បីជ្រួលជ្រើមខុសបែបបទប្រយ័ត្នការសប្បាយក្លាយជាទុក្ខវិញ ហើយត្រូវមកខ្លោចផ្សាអស់មួយជីវិត៕
ឆ្នាំរោង
-ម៉ោងនៃលាភសំណាងគឺម៉ោង ៦ព្រឹកដល់ម៉ោង ៨យប់។
-ពណ៌នៃលាភសំណាងគឺពណ៌ខ្មៅ និងស្វាយ។
-លេខនៃលាភសំណាងគឺលេខ ១៩ និងលេខ ២៩។
-សូមខមិនលេខ ៨៩៩ យកលាភសម្បត្តិទេវតាទ្រព្យនឹងប្រទានសម្បត្តិមហាសេដ្ឋីមានលាភមានជ័យមានលុយចូលហូរហៀរមិនខ្វះចាយឡើយ។
ចំពោះអស់លោកអ្នកដែលកើតឆ្នាំរោង ពង្សទេវតាប្រុស ធាតុមាស រាសីល្អជាធម្យម។ ក្នុងថ្ងៃនេះលោកអ្នកមានផលលាភរីកដុះដាលខ្លះ ដូច្នេះចូរទទួលយកចុះព្រោះថានេះជាលាភផលស្របតាមយីអ៊ុនហើយ ប៉ុន្តែទន្ទឹមនឹងនេះលោកអ្នកក៏ត្រូវប្រុងប្រយ័ត្នក្នុងការធ្វើចរាចរណ៍ផងដែរ។ បើលោកអ្នកជាអ្នកប្រកបមុខរបររកស៊ីជួញដូរវិញលោកអ្នកនឹងទទួលបានប្រាក់ចំណេញកាក់កបគ្រាន់បើជាងមុនផង។ ចំពោះបញ្ហាស្នេហាគូស្នេហ៍តែងតែរីករាយជាធម្មតាដូចគ្នា៕
ឆ្នាំម្សាញ់
-ម៉ោងនៃលាភសំណាងគឺម៉ោង ៤ព្រឹកដល់ម៉ោង ៧យប់។
-ពណ៌នៃលាភសំណាងគឺពណ៌បៃតង និងពណ៌បៃតង។
-លេខនៃលាភសំណាងគឺលេខ ៧៧ និងលេខ ៩៩។
-សូមខមិនលេខ ៥៥៥ យកលាភសម្បត្តិសំពៅហ្លួងនិងប្រទានសម្បត្តិមហាសេដ្ឋីមានលាភមានជ័យមានលុយចូលហូរហៀរមិនខ្វះចាយឡើយ។
ចំពោះអស់លោកអ្នកដែលកើតឆ្នាំម្សាញ់ ពង្សមនុស្ស ធាតុភ្លើង រាសីល្អជាមធ្យម។ ថ្ងៃនេះលោកអ្នកធ្វើអ្វីឃើញថាមានការចម្រើនលូតលាស់ទៅមុខនិងមានការជួយជ្រោមជ្រែងពីអ្នកដទៃមួយចំនួនផង នៅថ្ងៃនេះដែរបើលោកអ្នកមានបញ្ហាអ្វីអាក្រក់ចូលមកយាយីគប្បីប្រឹងប្រែងដោះស្រាយទើបបញ្ហាមួយចំនួនមិនធ្លាក់កាន់តែធ្ងន់ធ្ងរបន្ថែមទៀត។ ចំពោះលោកអ្នកជាអ្នកប្រកបមុខរបររកស៊ីជួញដូរវិញជួបការលំបាកខ្លះក្នុងការរកចំណូល ហើយទាល់តែខិតខំខ្លាំងទើបអាចរកផលកម្រៃគ្រាន់ជាទីកក់ក្តៅទៀតផង។ រីឯសម្ព័ន្ធស្នេហាប្រុសស្រីមានភាពតែលតោលនិងមានការខ្វាយខ្វល់ពីជីវិតអនាគតរបស់ខ្លួនរាប់រយជំពូក៕
ឆ្នាំមមី
-ម៉ោងនៃលាភសំណាងគឺម៉ោង ៧ព្រឹក ដល់ម៉ោង៧យប់។
-ពណ៌នៃលាភសំណាងគឺទឹកក្រូច និងស។
-លេខនៃលាភសំណាងគឺលេខ ៧៧ និងលេខ ៨៩។
-សូមខមិនលេខ ៧៨៩ យកលាភសម្បត្តិអ្នកមានជាន់ខ្ពស់នឹងប្រទានសម្បត្តិមានលាភមានជ័យមានលុយចូលហូរហៀរ។
ចំពោះអស់លោកអ្នកដែលកើតឆ្នាំមមី ពង្សទេវតាស្រី ធាតុភ្លើង រាសីឡើងខ្ពស់។ លោកអ្នកនឹងជួបការងាររៀបរយល្អណាស់ ជាពិសេសលោកអ្នកមានការឈ្លាសវៃក្នុងការបំពេញការងារផ្សេងៗដែលធ្វើអោយលោកអ្នកទទួលផលសម្រេចតាមគោលដៅផង។ ចំណែកអ្នកប្រកបមុខរបររកស៊ីជួញដូរវិញ អាចមានគេមកបបួលដាក់ទុនរកស៊ីជាមួយផង ដូច្នេះលោកអ្នកគួរតែប្រថុយចុះព្រោះមិនខកបំណងទេ។ រីឯបញ្ហាគូស្នេហ៍រស់នៅជាមួយគ្នាប្រកបទៅដោយភាពផ្អែមល្ហែម៕
ឆ្នាំមមែ
-ម៉ោងនៃលាភសំណាងគឺម៉ោង ៨ព្រឹក ដល់ម៉ោង ១០យប់។
-ពណ៌នៃលាភសំណាងគឺពណ៌បៃតង និងពណ៌ប្រផេះ។
-លេខនៃលាភសំណាងគឺលេខ ២០ និងលេខ ៦៦។
-សូមខមិនលេខ ១២៣ យកលាភសម្បត្តិឧកញ៉ានឹងប្រទានសម្បត្តិមហាសេដ្ឋីមានលាភមានជ័យមានលុយចូលហូរហៀរ។
ចំពោះអស់លោកអ្នកដែលកើតឆ្នាំមមែ ពង្សទេវតាស្រី ធាតុមាស រាសីល្អជាធម្យម។ នៅថ្ងៃនេះការប្រកបការងារឃើញថាមិនសូវមានការជឿនលឿនទៅមុខទេ ពិសេសលោកអ្នកងាយកើតរឿងចម្រូងចម្រាសទៀតផង។ បើអ្នកប្រកបមុខរបររកស៊ីជួញដូរវិញថ្ងៃនេះមានការជឿនលឿនទៅមុខគ្រាន់បើ ហើយបើចង់ទិញកន្លែងលក់ដូរឬចង់ប្តូរទីកន្លែងលក់ដូរក៏តែងសមដូចប្រកបជានិច្ច។ រីឯសម្ព័ន្ធស្នេហាកម្លោះក្រមុំ បើលោកអ្នកចង់ចូលស្តីដណ្តឹងឬរៀបអាពាហ៍ពិពាហ៍ក៏ជាឱកាសល្អប្រពៃបំផុត៕
ឆ្នាំវក
-ម៉ោងនៃលាភសំណាងគឺម៉ោង៥ព្រឹក ដល់ម៉ោង៦ល្ងាច។
-ពណ៌នៃលាភសំណាងគឺពណ៌ខ្មៅ និងស។
-លេខនៃលាភសំណាងគឺលេខ ១ និងលេខ៦៩។
-សូមខមិនលេខ ៩៩៩ យកលាភសម្បត្តិអភិជននឹងប្រទានសម្បត្តិមហាសេដ្ឋីមានលាភធំចូលផ្ទះ លុយកាក់មាសប្រាក់មិនខ្វះចាយឡើយ។
ចំពោះអស់លោកអ្នកដែលកើតឆ្នាំវក ពង្សយក្សប្រុស ធាតុដែក រាសីធ្លាក់ស្រុតចុះ។ លោកអ្នកនឹងជួបរឿងអាស្រូវដោយការរំខានដោយសារតែការបំពេញតួនាទីមិនបានគិតគូរអោយបានដិតដល់ ធ្វើអោយសហការីនិយាយដើម ហើយបើលោកអ្នកជាស្ត្រីភេទវិញនោះមិនគួរអោយដើររហេតរហូតម្នាក់ឯងទេ គួរតែខ្នះខ្នែងរិះរកសម្ងំសុខល្អជាង។ បើជាអ្នកប្រកបមុខរបររកស៊ីជួញដូរវិញ មិនមានការរីកចម្រើនឡើងលោកអ្នកត្រូវចេះចាយវាយអោយបានត្រឹមត្រូវ ហើយមិនត្រូវខ្ជះខ្ជាយដៃធំឡើយ ក្រែងជួបវិបត្តិថវិការណាមួយឡើងនៅគ្រាខាងមុខ។ រីឯសម្ព័ន្ធស្នេហានៅក្នុងចិត្តច្រើនតែងមានការមួរម៉ៅដាក់គ្នា៕
ឆ្នាំរកា
-ម៉ោងនៃលាភសំណាងគឺម៉ោង ៥ព្រឹកដល់ម៉ោង ៨យប់។
-ពណ៌នៃលាភសំណាងគឺពណ៌ស និងលឿង។
-លេខនៃលាភសំណាងគឺលេខ ៥៨ និងលេខ ៤៩។
-សូមខមិនលេខ ៩៩៩ យកលាភសម្បត្តិអភិជន នឹងប្រទានសម្បត្តិមហាសេដ្ឋីមានលាភមានជ័យ មានលុយចូលហូរហៀរ។
ចំពោះអស់លោកអ្នកដែលកើតឆ្នាំរកា ពង្សយក្សប្រុស ធាតុដែក រាសីល្អបង្គួរ។ រាល់ការបំពេញភារកិច្ចនៅក្នុងថ្ងៃនេះមានសភាពរលូនទៅមុខដូចសព្វដង ប៉ុន្តែក្នុងនោះក៏ទាមទារអោយលោកអ្នកមានការប្រឹងប្រែងខ្លាំងបន្តិច។ បើលោកអ្នកជាអ្នកប្រកបមុខរបររកស៊ីជួញដូរវិញប្រាក់កម្រៃបានមកកាក់កបគ្រាន់បើអាចអោយលោកអ្នកសន្សំទុកបានខ្លះៗទៀតផង។ រីឯមនោសញ្ចេតនាស្នេហាការចេះយល់ចិត្តគ្នាជាវិធីល្អបំផុត៕
ឆ្នាំច
-ម៉ោងនៃលាភសំណាងគឺម៉ោង ៦ព្រឹក ដល់ម៉ោង ៦ល្ងាច។
-ពណ៌នៃលាភសំណាងគឺពណ៌ស និងក្រហម។
-លេខនៃលាភសំណាងគឺលេខ ១១ និងលេខ៦១។
-សូមខមិនលេខ ៦៦៦ យកលាភសម្បត្តិមហាសេដ្ឋីនឹងប្រទានសម្បត្តិមហាសេដ្ឋីមានលាភធំចូលផ្ទះលុយកាក់មាសប្រាក់មិនខ្វាយចាយឡើយ។
ចំពោះអស់លោកអ្នកដែលកើតឆ្នាច ពង្សយក្សស្រី ធាតុដី រាសីធ្លាក់ស្រុតចុះ។ លោកអ្នកនឹងជួបនូវការក្តៅក្រហាយដោយសារតែក្រុមគ្រួសារបង្កឡើងបណ្តាលអោយមានការខាតបង់ទ្រព្យសម្បត្តិមួយចំនួនទៀតផង។ សម្រាប់អ្នកប្រកបមុខរបររកស៊ីជួញដូរវិញលោកអ្នកនឹងមានមនុស្សមិនស្មោះត្រង់មកឆបោកយកទំនិញទទេៗ ដូច្នេះត្រូវតែមានការប្រុងប្រយ័ត្នខ្ពស់។ រីឯបញ្ហាស្នេហាច្រើនតែសង្ស័យគ្នាទៅវិញទៅមក៕
ឆ្នាំកុរ
-ម៉ោងនៃលាភសំណាងគឺម៉ោង ៦ព្រឹកដល់ម៉ោង៦ល្ងាច ។
-ពណ៌នៃលាភសំណាងគឺពណ៌ស និងក្រហម។
-លេខនៃសំណាងគឺលេខ ១១ និងលេខ ៦១។
-សូមខមិនលេខ ៩៩៩ យកលាភសម្បត្តិទេវតាទ្រព្យនឹងប្រទានសម្បត្តិមហាសេដ្ឋីមានលាភមានជ័យមានលុយធំចូលផ្ទះលុយកាក់មាសប្រាក់មិនខ្វះចាយឡើយ។
ចំពោះអស់លោកអ្នកដែលកើតឆ្នាំកុរ ពង្សមនុស្សស្រី ធាតុទឹក រាសីឡើងខ្ពស់ត្រដែត។ រាល់សេចក្តីប្រាថ្នាទាំងឡាយដែលលោកអ្នកចង់ពឹងពាក់អ្នកមានបុណ្យសក្តិខ្ពស់ដើម្បីផលប្រយោជន៍អ្វីមួយនោះគឺពិតជាអាចទទួលបានជោគជ័យជាទីគាប់ចិត្តនៅក្នុងថ្ងៃនេះ។ បើលោកអ្នកជាអ្នកប្រកបមុខរបររកស៊ីជួញដូរវិញ មានអតិថិជនថ្មីចាស់ទាក់ទងច្រើន ធ្វើអោយមុខរបររបស់លោកអ្នករីកលូតលាស់ទៅមុខ។ រីឯសម្ព័ន្ធស្នេហាគូស្នេហ៍មានតែភាពផ្អែមល្ហែម និងបើនៅលីវវិញលោកអ្នកនឹងជួបមនុស្សជាទីពេញចិត្តទៀតផង៕