កំណើនមានត្រឹមតែ ១,២៨% ក្នុងថ្ងៃព្រហស្បតិ៍សប្តាហ៍នេះ បានជំរុញឱ្យសន្ទស្សន៍ ផ.ម.ក. មានការកើនឡើងគួរឱ្យកត់សម្គាល់រហូតដល់ទៅ ៦៤៨,៩៧ ពិន្ទុ ដែលនេះជាពិន្ទុខ្ពស់បំផុតក្នុងឆ្នាំនេះគិតត្រឹមពេល
បច្ចុប្បន្ន។
ទន្ទឹមនឹងកំណើននេះដែរ ភាគហ៊ុន ៦ ក្នុងចំណោម ៧ រួមមាន៖ រដ្ឋាករទឹកស្វយ័តក្រុងភ្នំពេញ (PWSA) កំពង់ផែស្វយ័តក្រុងភ្នំពេញ (PPAP) ភាគហ៊ុនតំបន់សេដ្ឋកិច្ចពិសេសភ្នំពេញ (PPSP) កំពង់ផែស្វយ័តក្រុងព្រះសីហនុ (PAS) ភាគហ៊ុនអេស៊ីលីដា (ABC) និងផេសថិក (PEPC) មានការកើនឡើងរហូតដល់ ៧.៧០០៛ ១៤.៤២០៛ ១.៩៣០៛ ១៣.៣៦០៛ ១៦.៥៨០៛ និង ៣.១០០៛ រៀងគ្នា ដោយមានកំណើនចន្លោះពី ១០៛ ទៅ ៧៤០៛ ក្នុងមួយហ៊ុន។
ចំណែកឯ ភាគហ៊ុនហ្ក្រេនធ្វីន (GTI) រក្សាថ្លៃថេរដដែលត្រឹម ៤.៤០០៛ ក្នុងមួយហ៊ុន។ មិនត្រឹមតែសន្ទស្សន៍ និងថ្លៃភាគហ៊ុនមានការកើនឡើងប៉ុណ្ណោះទេ ទំហំជួញដូរភាគហ៊ុនសរុបក្នុងថ្ងៃនេះក៏បានឡើងលើសកន្លះប៊ីលានរៀលផងដែរ ដែលបានបិទនូវទំហំចំនួន ៦៦៥,១៤ លានរៀល៕
រក្សាសិទ្ធិដោយ ៖ CEN
