នេះជាហេតុការណ៍ដ៏សាហាវមួយ ដែលធ្វើឲ្យយើងគ្រប់គ្នាឃើញហើយគួរឲ្យខ្លាចតែម្តង ខណៈដែលចោរទាក់ឆ្កែដ៏ជំនាញ២នាក់ បានធ្វើសកម្មភាពដោយម៉ូតូ១គ្រឿង «ឆក់» ឆ្កែពីដែម្ចាស់កំពុងបណ្តើរតាមដងផ្លូវមួយយ៉ាងរហ័សបំផុតបែបនេះ ។
វីដេអូដ៏រន្ធត់ពីកាមេរ៉ាសុវត្ថិភាពដងផ្លូវ ដែលត្រូវបានដឹងថាស្ថិតនៅក្នុងប្រទេសវៀតណាម បានបង្ហាញឲ្យឃើញស្ត្រីម្នាក់កំពុងបណ្តើរឆ្កែរបស់នាង នៅលើដងផ្លូវ និងភ្លាមៗនោះ បុរសពាក់ម៉ាសមុខ២នាក់ បានជិះម៉ូតូមកតាមក្រោយ ។ ខណៈពេលជិះមកកៀក ពួកវាក៏ស្រាប់តែធ្វើសកម្មភាព «ទាក់» ឆ្កែពីដៃរបស់នាងយ៉ាងលឿន ដែលបណ្តាលឲ្យនាងត្រូវវិលខ្លួនពីរបីជុំ រួចដួលទៅនឹងដីគួរឲ្យអាសូរ ។
វីដេអូ បន្ទាប់មក បានបង្ហាញឲ្យឃើញពួកវាជិះម៉ូតូយ៉ាងលឿន ដោយអូសឆ្កែឡើងលើម៉ូតូដោយសុវត្ថិភាព ៕ ចន្ទី
